干煎雞扒 + 魚香齋茄子 + 腐竹湯丸糖水

尋晚都好他條...因為晚餐一早預備哂...醃好雞扒...又買埋茄子...所以可以逛超市買吓嘢...又出事喇...成日想整沙爹咩咩...所以就買咗樽沙爹醬同其他嘢...番到屋企突然醒起好似之前買咗沙爹醬...但真係唔想 check 係咪真係有...因為好驚真係有...抖咗陣之後終於鼓起勇氣 check下...點知原來已經有 2 樽喺度呀...加埋頭先又買咗...有成 3 樽呀...食 c 咩...救命呀!!頭先應該唔好買住...番屋企 check 咗先...橫掂又未會整沙爹...做咩咁衝動喎
是日晚餐 : 干煎雞扒 + 魚香齋茄子 + 腐竹湯丸糖水...
干煎雞扒 - 用韓國醃肉醬醃一晚...方便又簡單...最緊要係好味嘛
魚香齋茄子 - 用老李 "魚香茄子醬"...又係方便又簡單...但經過人上人一役後...我對瓜有 d 恐懼...所以我一路煮一路加水...務求令到快 d 熟...但最後...點解食落去都仲有 d 生勾勾嘅感覺嘅??天呀!!我熱愛煮飯...求您唔好再比任何打擊黎打倒我啦!!問里奧大人係咪唔多 like...佢口窒窒話 d 茄子肥喎...我即刻話唔係嘛...出面食果 d 魚香茄子仲肥啦...你又食咁多??之後佢當然無出聲啦...我講事實嘛...哼...我知...齋瓜無味...又生...又無肉碎...又無鹹魚香嘛...知啦!!哼
腐竹湯丸糖水 - 其一係天氣太乾燥...其二係 d 腐竹埋咗當眼處好耐...再唔用驚發霉...倒不如潤下...但就咁腐竹糖水太單調...又唔想食旦...所以加咗利川花生湯丸...飽到顛呀
                   
今朝又涷咗...所以幾正...因為我覺得冬天 d 衫好睇 d...可以遮肥肉
天氣涷...所以好肚餓...食咗磨菇香腸旦治烘底 + 8 oz 奇異果汁 ($15)...明明呢個餐係配橙汁家嘛...點知又無...飲完杯奇異果汁個喉嚨痕到丫...次都係飲咖啡好過喇
番到公司 me me 摩摩成10點先有小小 mood 做嘢...唔知係咪天氣涷...成日覺得瞓極都唔夠咁嘅...依家仲有 d 頭痛添...煩 c人啊

晏晝帶飯...悶極