豉椒炒青口 + 獅子狗卷 + 炒唐生菜 ( 13-may-2011 )

( 13-may-2011 fri )
尋日食咗消炎藥   差唔多放工番到屋企先唔痛   點知就係因為唔痛   夜晚唔記得要食藥   半夜三更痛醒咗   搞到無覺好瞓   慘 ~
好在星期五啫   如果星期一都幾慘   又悶又眼瞓 ~
早餐又去 KFC 食   今次食秘制醬汁雞腿包   麻麻地啫   得塊皮有味咋   但我朝早唔會食皮囉   咁即係成個包都無乜味 ~


番到菇場忙忙地咁啦   又係做完等 lunch   今日想買嘢食呀   所以買咗馬來喇沙海鮮米線   都 ok 好味啦   不過呢間嘅喇沙次次唔同味咁嘅 ~


放工去買餸 lu   因為要買好多嘢呀   超市會貴好多   所以今次行遠 d 都要呢 ~
是日晚餐 -豉椒炒青口 + 獅子狗卷 + 炒唐生菜
豉椒炒青口 - 急凍青口黎架   其實好想整好耐啦   今次味道唔錯   不過如果辣 d 就更惹味啦 ~ 
獅子狗卷 - 諗住喺冰格拎蟹餅   點知原來有兩包獅子狗卷   仲要係 30/3 已經到期   開黎又無怪味   所以照食   唔想浪費呀 ~
炒唐生菜 - 用担担麵醬炒架   不過生菜出好多水   所以有醬等如無醬咁啊 ~
今晚家姐買咗 4 盒雪糕黎我屋企   之後佢同里奧大人一齊食雪糕   我無食啦   太飽喇   之後佢睇埋 " 點解阿 sir 係阿 sir " 先走   佢星期六唔駛番真係唔同 d 呢 ~