韭菜豬肉雲吞 + 茶樹菇豬骨湯 ( 15-may-2011 )

( 15-may-2011 sun )
今朝一覺瞓到 9 點半   超開心呀   如果次次都可以一覺瞓天光就好 lu ~
懶床到 10 點先起身落太興食早餐   咁假期實多人   所以預咗要等位   搭枱   同埋 d 早餐唔會話好快黎   今次又要搭枱   不過好彩果張係 6 人卡位   咁就闊落 d 咁呢   突然間聽到有個男人都幾大聲話  我 d 早餐好耐未到   同佢同枱嘅應該係佢老婆同個仔   條友以為自己好 man 好威   我同對面個男人就擰哂頭啦   肉酸丫嘛   佢黎咗唔係好耐   我 d 早餐都未黎啦   嘈咩啫   又唔關 d waiter 事嘅   話黎都多鬼餘 ~

食完番屋企沖涼就番崇拜 lu   今日同埋里奧大人朋友一齊番   所以就一齊去 Pizza  Hut 食埋 lunch 喇 ~

同里奧大人去 Piago 買嘢   估唔到有 d 食物仲平過惠康   真係激氣   等我尋日仲去惠康入貨添 ~
番到屋企先知唔記得買雲吞皮   唉   唔想走黎走去   所以預備哂煲湯材料先再出去街市買呀   隻腳又痛喎   如果超市有得買雲吞皮就好啦 ~
依家開始熱喇   應該唔會再有機會長冬天衫   所以要將冬天衫入柜   拎番 d 夏天衫出黎   咁又用咗兩個鐘喇   之後就要入廚房準備晚餐 lu ~
是日懶餐 - 韭菜豬肉雲吞 + 茶樹菇豬骨湯

韭菜豬肉雲吞 - 買咗 $15 ( 約 40-50 塊 )  上海雲吞皮 + $ 5 韭菜 + $15 梅頭   不過都食唔哂   放入冰格   咁留番第晚食   好過夾硬食囉 ~
茶樹菇豬骨湯 - 湯包黎架   自己加咗 3 條粟米 + 2 條細紅蘿蔔 + $20 鮑魚骨   夠哂味呀 ~
今晚食完飯同里奧大人陪我去德福買毛毛 Boots   點知無哂喎   不過算啦   反正呢對鞋係番番冬天着   慳番   冬天再買過 ~