芝士肉醬焗長通粉 / 意粉 ( 23-may-2011 )

( 23-may-2011 mon )
星期一 lu   眼瞓唔想番工係理所當然啦   不過咁   我會諗呢份工又他條又可以賺錢   都係我番工嘅原動力黎嘅 ~
早餐想食菠蘿包   點知無   佢仲拎咗過雞尾包問我要唔要   我話唔要呀  要芝士腸仔包   佢個樣好似好出奇咁呀   可能佢覺得本應食甜包   如果無都應該係食番甜包類啩 ~


番到菇場做下嘢   之後就無嘢做   個人開始呆   開始凍   開始想瞓覺 lu ~ 
晏晝諗住買嘢番菇場食   點知無嘢啱食   所以去食車仔麵喇 ~


終於放工喇   超勁開心   因為真係好眼瞓 ~  
尋晚食剩咗 d 糭同埋湯    所以今晚就咁去超市買蕃茄同免治豬肉就搞掂   但掛住買零食   番到屋企先知唔記得買蕃茄   本來想就咁用茄汁就算   但又覺得 d 味好假咁   所以都係去咗生果舖買百合茄喇 ~ 

是日懶餐 - 芝士肉醬焗長通粉 / 意粉
芝士肉醬焗長通粉 / 意粉 - 包芝士粉 20/5 到期喇   唔食唔得   咁長通粉同意粉又每樣剩小小   所以整埋一齊喇 ~ 
之前買咗 2 磅蒟蒻   覺得好好味   再買多 4 磅   不過原來食呢隻蒟蒻都幾飽肚架喎   但煙煙韌韌真係好好味呢 ~