糭 + 麥當勞 ( 28-may-2011 )

( 28-may-2011 sat )
每月難得一次嘅 off   當然瞓到自然醒啦   不過瞓到 9 點半就醒咗 lu   對我黎講   一覺瞓天光係一件好奢侈嘅事黎呢 ~
同里奧大人去茶餐廳食早餐   食完就番屋企梳洗就出發去荃灣 lu ~ 

其實諗住行下咋   估唔到里奧大人又買到衫喎   同埋去食咗之前好想食果間米線呢   有心搵就搵唔到   無心搵呢   原來要去果條街就喺隔離 ~ 

食完再行陣商場就走喇   諗住去旺角   咁啱見到有 van 去旺角   感恩感恩   條街好似火爐咁   超辛苦呀 ~
我地喺快富街落車   因為司機話近花墟   其實我唔知邊到係花墟架   所以就問警察喇   佢無理由唔知 ~
諗住買水種植物   點知得好小水種植物   再入去繽紛過冷河   買咗香薰就走人 lu   難得同里奧大人出旺角   所以就同佢食夾餅喇   食完行下花園街就番屋企 lu ~
里奧大人坐 van 無啦啦問我番屋企第一件事要做咩   我以為話沖涼   原來佢話要開冷氣   佢好小話要開冷氣   咁佢真係好熱好熱呢 ~

番到屋企沖埋涼   嘆住冷氣超舒服呀   本來約埋家姐一齊去九龍城食嘢   後尾家姐打黎話都係唔去   所以我地都懶得再出去   喺屋企蒸糭食算喇 ~
7 點幾家姐又打黎問我地食唔食麥記   因為佢又要換杯嘛   咁我無乜所謂嘅  免費晚餐喎   我地一齊開餐   之後再食雪糕   睇下電視   坐到差唔多 10 點就走 lu ~