( 22-may-2011 sun )
今朝同里奧大人一齊 9 點起身 去太興食早餐 因為家姐之前幫我買咗 cash coupon 唔用就唔記得用架喇 我多數食完早餐就會拎錢出黎找數 好小會去到 cashier 先拎錢 今次我真係好彩呀 因為我以為自己只係拻咗一張 $50 coupon 點知我比完錢之後 行咗幾步 聽到 cashier 叫小姐小姐 原來叫我呀 我比咗 2 張 $50 coupon 呀 佢唔比番我 我都唔知自己比多咗架 噢 ~
食完早餐番主日學 之後崇拜 話咁快就 1 點幾 lu ~
同里奧大人行陣商場 去埋超市 因為之前剩咗 3 條紅蘿蔔 咁唔好嘥嘛 煲埋佢 所以諗住煲南瓜湯 但 d 南瓜細細件都 $8 我又想買埋粟米栗子 但喺百佳買應該會貴好多 所以最後都係唔買喇 ~
番到屋企又未餓 所以我就諗住去惠康買豬展番黎煲湯包就算 去到見到南瓜又想買 一件細細 pack 好咗嘅都要都要 $ 6 但咁小實唔夠啦 買兩件都要 $12 所以我索性買一個大嘅 都係 $19 再買多一包真空栗子 唉 估唔到到頭來都係喺超市買南瓜栗子 不過我真係唔想行去街市囉 ~
3 點先食 lunch 就係食番尋晚剩嘅嘢喇 好在有焗爐 唔駛開爐就最開心呢 ~
食完要預備煲湯 洗洗切切唔小時間架 之後再熨衫 里奧大人走埋黎話幫我熨 叫我抖下 唔好講笑 我真係番到屋企無停過架 所以我真係抖下比佢熨喇 ~
是日懶餐 - 紅豆糭 + 梘水糭 + 眉豆糭 + 南瓜栗子紅蘿蔔豬展湯
紅豆糭 + 梘水糭+ 眉豆糭 - 媽咪買比我架 不過佢就將唔同嘅糭放埋一袋 好彩我揀咗 4 隻 有 3 隻係唔同味 唔係 4 隻一樣都幾慘 ~
南瓜栗子豬展湯 - 好耐無飲呢個湯 不過今次加多咗水 唔係仲好飲呢 ~
沖完涼睇電視 無啦啦個胃痛到呢 好似抖唔到氣咁啊 應該係胃酸倒流 里奧大人話食糭難消化 但我覺得唔係 因為之前食糭做早餐都無問題 我覺得可能係我飲完雞骨草再食雪條囉 ~
是日懶餐 - 紅豆糭 + 梘水糭 + 眉豆糭 + 南瓜栗子紅蘿蔔豬展湯
紅豆糭 + 梘水糭+ 眉豆糭 - 媽咪買比我架 不過佢就將唔同嘅糭放埋一袋 好彩我揀咗 4 隻 有 3 隻係唔同味 唔係 4 隻一樣都幾慘 ~
南瓜栗子豬展湯 - 好耐無飲呢個湯 不過今次加多咗水 唔係仲好飲呢 ~
沖完涼睇電視 無啦啦個胃痛到呢 好似抖唔到氣咁啊 應該係胃酸倒流 里奧大人話食糭難消化 但我覺得唔係 因為之前食糭做早餐都無問題 我覺得可能係我飲完雞骨草再食雪條囉 ~
沒有留言:
發佈留言