涼拌芋絲 + 煎黑椒鴨胸 + 粟米素翅蛋花湯 + 流浪影子卜聚 @ 金滿堂甜品 ( 九龍灣 ) ( 2-may-2011 )

( 2-may-2011 mon )
今日係假期   所以都係瞓到自然醒   次次都係瞓到 10 點半就醒   呢個時間醒就最好   因為有足夠時間梳洗再食早餐呢 ~
我平時夜晚會熄電話   但會飛線番屋企   里奧大人都係咁   咁啱今朝一起身   里奧大人電話就有 sms   原因佢無識電話   咁啱家姐又 send sms 問我地起身未   咁即係整定同佢食啦 ~

食完早餐就一齊番屋企   家姐打機   我有我煲藥   今日里奧大人仲好主動幫手焗乾 d 葉   好感動呀 ~ 
家姐 2 點就走 lu   我地等埋佢上巴士就去池記食 tea   不過呢間池記都好迫   同埋好似酒樓咁鬼嘈呀   落單要大大聲先得   唉 ~

食完行一陣就番屋企 hea 喇   hea 到 6 點就開始煮飯呢 ~
差唔多煮完嘅時候   里奧大人喺廳呱呱叫   原來話影子 send sms 問去唔去金滿堂食甜品   咁當然去啦   難得又去我屋企附近喎 ~  
是日懶餐 - 涼拌芋絲 + 煎黑椒鴨胸 + 粟米素翅蛋花湯
涼拌芋絲 - 超勁想食薑 蒜 豆辦醬   所以就整呢個餸喇 ~
煎黑椒鴨胸 - 諗唔到煮咩   見到冰箱有就拎出黎煮喇 ~ 
粟米素翅蛋花湯 - 唔知點解覺得加咗素翅係好飽肚咁囉 ~ 
洗完碗就去沖涼喇   唔想油頭垢臉見人呀 ~
我地 9 點半先到   估唔到影子同小寶已經到咗   我地坐出面呀   天氣涼涼地好舒服呢   多 d 人食嘢真係好開心   樣樣食 d   最鍾意咁呢   我地 11 點就走人喇   唔知幾時可以再見面呢 ~