擔擔麵 + 撈餃 + 西生菜 ( 19-may-2011 )

( 19-may-2011 thu )
星期四 lu   星期尾就最開心呢   今朝食完早餐先去 shopping   不過百佳 d 冷氣就非常之唔足夠囉   無冷氣好焗家嘛 ~


今朝天氣非常之好啦   熱到暈咁滯   幾想番屋企再沖過凍水涼呀 ~ 
晏晝要 pack 箱   所以食飯啦   鮮茄斑腩飯都唔錯   不過食飯真係好飽   唔鍾意食飯飽嘅感覺   應該係叫滯   食飯真係好滯咁架 ~


Oh   力的表演喇   2 點半 pack 到 5 點   之後腰酸背痛呀 ~
今晚放工真黑仔   地鐵又無啦啦有小小故障   差唔多廿分鐘先去到九龍灣   之後呢   天橋又無啦啦擠滿哂人   原來排隊買 Ipad 2  嘅人比人淋白油呀   唔怪得前幾日見到 d 阿婆阿伯同 d 賓賓印印坐哂喺地啦   我仲以為等買咩添   原來就係 Ipad 2 ~
好在今晚煮麵咋   去到超市仲有時間慢慢行   我習慣放個袋喺車嘅   咁今晚我好專心睇價錢嘅時候   有位經理同我講 : 小姐小姐   妳咁樣放個袋好危險架   d 人一手就拎咗去架喇   妳要小心 d 妳嘅袋呀    嘩   好好人啊 ~
是日懶餐 - 擔擔麵 + 撈餃 + 西生菜
擔擔麵 - 喺用新三陽買嘅担担麵醬   再整包壽桃牌担担麵   加 d 肉碎   今次用咗一湯更嘅担担麵醬 ( 因為之前覺得唔辣 )    點知里奧大人話好辣   食咗半碗咋   無 d 用   浪費哂我嘅心機   浪費哂 d 食物 ~
撈餃 - 星期日食唔哂嘅水餃   放咗入冰格   所以都要食咯   唔係驚壞呀   加咗蒜頭  豆辣醬  鎮江醋同豉油一齊撈黎食   正呀 ~
西生菜 - 唔想浸菜   所以煮西生菜就最方便喇 ~