豐生農莊 @ 惠州 ( 1-oct-2011 )

( 鐵板蠔油雞肶菇 )

( 蒸羔蟹 )

( 蒜蓉蒸蝦 )




( 薑蔥燜鯇魚 )



( 芥菜豬肉丸 )



( 腰果西芹炒木耳 )



( 芋頭南瓜 )



( 炒蕃薯葉 )



( 金銀蛋韭杞 )



( 砵仔飯 )



( 芋頭包 )

( 生熟地湯 )

( 1-oct-2011 sat )

嘩   今朝 6 點起身梳洗出發去惠州喇   雖然去大陸   但都有 d 興奮   話哂都叫做小旅行嘛 ~

之後 join 埋大姑奶一齊去搭地鐵再轉火車   好多人呀   幾驚買唔到車飛上惠州   所以我都問點解妳地咁怪雞會正正國慶當日番大陸   明知咁多人   又無得買定車飛   如果無車飛我會即番屋企囉 ~

之後喺羅湖再 join 埋另外 2 同 4 姑奶兩公婆就出發去惠州喇   8 點 15 分由深圳坐大巴去惠州   有小小塞車   差唔多兩個幾鐘就到   我喺車度都無瞓到   佢地就瞓哂   其實我沖完涼洗埋頭個人都醒嗮   好難瞓到囉 ~

差唔多 10 點半就到惠州   里奧大人嘅表姐同表哥就黎接我地去佢地屋企   去一去惠州要坐 4 程車   真係腰骨都痛呀 ~

今次係住喺佢地起嘅屋   好似香港嘅村屋咁   一層有 2 廳 4 套房   只係比親友住   唔會有外人入到黎   所以都好放心 ~

安置好哂 d 嘢就食飯喇   呢間農莊係佢地開嘅   所以我都好放心食   因為我真係好驚喺大陸嘅飯店食嘢架 ~

( 蒜蓉蒸帶子 )



( 水晶雞 )



( 黃豆燜排骨 )



( 唔知乜名 )



( 叉燒 / 燒鴨 )



( 客家釀豆腐 )



( 蒸魚 )



( 紅腰豆燜豬尾 )




( 木薯粉 )




食完就去另外兩個舅父屋企   之後就番去再傾計   食下生果   瓜子   差唔多 7 點就要食飯   因為大陸好多人都早食早放工呢 ~

食呀食呀食呀   我個口真係無停過咁呀   食完就一齊出車去東江湖公園散步   影下相   有個表姐嘅女好乖呀   7 歲人仔   知我唔行得快   就會拖住我手慢慢行   咁佢其他 d 表姐叫佢一齊跑   佢都唔跑而拖住我慢慢行呀   仲叫佢地唔好跑   一齊慢慢行   嘩   令我好感動呀 ~
我地差唔多 10 點幾就番去休息 lu   里奧大人 d 表哥成日叫我地唔好走   玩多日   佢地以為我地都連放 7日假呀   不過我地聽日又要去廣州探舅父   真係唔可能再留多日囉   唯有等下次啦 ~