家姐生日飯 @ Shatin 18, Hyatt Regency Hong Kong Shatin ( 14-oct-2011 )

辣蘿蔔

花生

傳統北京烤填鴨 ( 三食 ) ( $468 全隻 )

醬料 ( 沙糖 / 黃麵醬 / 新鮮蒜蓉 / 青瓜絲 / 蔥絲 )

薄餅 - 總共有 4 籠   每籠 5 塊

片皮鴨三食 之 一食 ( 片胸皮 ) - 食之前有人教妳點食架   呢 d 係點沙糖食   入口即溶   超正

片皮鴨三食 之 一食 ( 胸肉 ) - 包蒜蓉食   d 蒜蓉超新鮮   超辣呀

片皮鴨三食 之 一食 ( 鴨腿肉 ) - 皮連肉再包甜醬同青瓜絲  蔥絲一齊食   口感超正   同埋真係好好味呀

片皮鴨三食 之 二食 ( 生菜片鴨崧 ) -唔知係咪已經飽飽地   所以覺得味道一般  無咩特別



片皮鴨三食 之 三食 ( 紹菜豆腐鴨骨湯 ) - 好羶囉   我要勁落胡椒粉先飲到



籠仔糯米蒸腩排 ( $198 )  - 糯米口感唔似糯口   入面嘅腩排好林   不過 $198 真係貴咗 d 囉   唔啱我呢 d 草根食呀 

生炒豬油渣菜心 ( $ 115 ) -賣相同我炒嘅差唔多咁嘅   不過 d 豬油渣又幾好味喎   食咗一件咁多啦   因為好肥架

瑤柱豉油皇炒麵 ( $128 ) -呢個麵真係無咩特別囉   個個都食到飽   所以家姐要打包呢個麵呢

五娘液雪糕 ( $38 ) - 聞落好勁酒味   但食落就好濃朱古力味   正呀

青檸雪葩 ( $38 ) - 超酸呀   食完咁肥膩嘅嘢   當堂無咁漏咁呀



( 14-oct-2011 fri )

Happy Friday 喇   今次去另一間食早餐   早餐未到   就見到隻超小強喺枱邊行   我即刻用裝調味料嘅碟壓住佢   仲諗住慢慢嘆   不過就一路食一路周圍望囉   好驚又再有小強嘛   食都食得唔安樂 ~

菇場一時時忙啦   但朝早 d 時間就易過好多呢 ~

晏晝食脆麥片   因為今晚食片皮鴨太 heavy   咁我早餐又食得飽   晏晝唔想食到咁飽囉 ~ 

會計部同事比阿 Head 鬧到喊   佢唔係第一個啦   有個間唔中都見佢喊   其實大家一場同事   唔需要鬧到人喊囉   但老闆鬧又唔同   因為去到老闆度嘅話   應該就係好大獲囉 ~

今晚我同媽咪  糟糟去慶祝家姐生日   糟糟接埋家姐放工   所以我放工都要即走喇   去媽咪屋企等阿糟糟車我地去 Shatin 18 呀 ~
依間食片皮鴨好出名   其實之前想去架喇   不過要做手術   所以無去到囉   估唔到今次家姐生日   佢又 book 到位   之前我 book 星期六要等 1 個月架   真係有 mood 等到無 mood 呢 ~

食到差唔多 9 點就走喇   今晚家姐請食飯喎   不過點比番佢   佢都唔會要   咁下次請佢食番幾餐好過 ~

番到屋企見到里奧大人啱啱食完 KFC   我次次唔同佢食飯   佢唔係 KFC 就係 M 記   話最緊要快喎 ~