Cafe Lagoon @ 九龍灣 ( 22-oct-2011 )

龍蝦湯 - 無咩味道   不過都預咗架喇

牛油餐包 - 唔熱嘅

煙鴨胸沙律 - 無特別

澳洲肉眼牛扒 - 估唔到份量咁多囉   所以我食得好開心呀

龍蝦汁焗海鮮飯 - 我食咗好小咋   因為我唔想食飯呀

咖啡朱古力拖菲 - 原來咖啡加 cream 好滑好好飲架   我真係第一次咁飲呢   因為我以前一見 d cream 就會 "北" 開去唔食架

意大利咖啡芝士餅 - 無特別   同埋太飽   所以食咗一啖就比里奧大人食 lu

( 22-oct-2011 sat )

今朝同里奧大人瞓到 11 點   所以喺屋企煮早餐食喇 ~  

本來想行山   但隻腳有 d 痛   都係唔想行   所以里奧大人話近近地行 Mega Box 喎   德福有免費 Shuttle Bus   不過我話搭 van 仔仲方便 ~

12 點幾去到係無咩人   所以好好行   首先去 H & M 睇衫   無咩人行   點試都得   逗留咗差唔多 1 個鐘   好開心大家都有收穫呀 ~

買完嘢里奧大人話餓喇喎   佢一到假期就會好快餓   不過我都好開心架   話哂有胃口食嘢嘛   今次又係去 Ikea 食嘢喇 ~ 

意式茄醬焗鱈魚柳 - 魚柳好厚肉  同埋又唔漏   又唔腥喎   好味道呢


素菜千層闊麵 - 呢個又好味呀   呢個闊麵本身無味   但配埋蕃茄醬就好好味囉   平時覺得 Ikea 嘅蕃茄醬係無味架

脆炸黃金雞翼 - 我都估到里奧大人實會叫黎食   男人始終覺得有 d 肉食係飽 d 咁嘅

食完有氣有力再行 Ikea   買咗 6 隻碗同 1 隻碟   又買咗張床單   幾條抹手巾   5 個膠盒   我覺得好有新居入伙 feel 呀 ~

之後再去 Jusco 超市掃雪條同薯片   買滿 $300 又可以抽獎同用低價換購禮物   又幾好喎 ~



本來諗住搭免費 Shuttle Bus   但依家唔得啦   拎住 5 大袋嘢   同埋買咗雪條   所以又係搭的士番屋企呢 ~

番到屋企擺好哂 d 嘢就熨衫洗衫   差唔多 7 點就同里奧大人去 Cafe Lagoon 食嘢喇   無期望真係有驚喜喎   又無咩人去食   最鍾意靜靜地   味道又唔錯   份量又大喎   叫咗 2 人餐   有沙律   湯   主菜   飲品   甜品   真係好飽   3 個人食就差唔多   仲有 coupon 送添   所以覺得抵上抵呀 ~

食完就去教友 Ivy 屋企   佢整親隻脚   所以我地就去佢屋企探佢喇   8 點幾傾到 11 點幾   好攰呀   好在住得近   唔係就唔可以咁暢快咁傾架喇 ~