咸亨酒店 @ 深圳國貿站 ( 2-oct-2011 )

香干馬蘭頭 ( RMB 18 ) - 我成日聽到呢個菜名   但未食過   所以叫黎食   不過我覺得好大陣臭青味囉

咸亨醬鴨 ( RMB 28 ) - 里奧大人話食過幾好味   所以就叫喇   味道幾得意   好似臘鴨味道   但塊皮又甜甜地   肉質都幾滑   好在細細碟   如果唔係就會覺得好鹹囉

江南酸辣拉皮 ( RMB 38 ) - 呢個超驚喜啦   因為麵條好煙韌   同埋好辣   不過太大碟啦   我覺得佢用個碗裝就無咁嚇人

青島啤酒 - 本來叫青島純生   不過黎錯咗青島   其實我唔知有咩分別   最離奇係個侍應開完先睇單   之後話呢枝唔係純生   咁嘅服務態度認真唔掂

飄香鐵觀音 - 我飲咗兩三啖咋   依家夜晚飲中國茶會瞓唔着架

( 2-oct-2011 sun )
今朝 7 點起身梳洗   食埋早餐就要去廣州探舅父呀 ~

雖然同佢地相處咗一日咁短時間   但佢地真係好熱情好熱情   成日叫我地唔好走玩多幾日   我地話唔得呀   佢地個樣真係好失落   好唔捨得咁   不過無辦法啦   個個都要搵食嘛 ~
佢地開車送我地去巴士站   佢表姐好唔捨得喺度喊   hey   搞到我又喊喎   我都好唔捨得佢地呢 ~
9 點去到巴士站   又要坐 2 個幾鐘頭到廣州喇   今次上車就瞓到喇   尋日頻頻樸樸   今朝又早起嘛   其實真係好怕坐長途車   第一悶   第二就係驚要去洗手間   忍下忍下會去唔到架 ~ 

之後搭地鐵到酒樓食飯   嘩   又係食呀   食到 2 點幾就到舅父屋企坐   4 點幾就走喇   坐地鐵再轉火車到羅湖   好感恩坐架火車都好新好舒服   話哂唔想第一次坐就有一個唔好嘅印象嘛 ~

wow   咁又一日喇   差唔多 7 點幾到咗羅湖   咁里奧大人就話帶我去佢深圳嘅 Office 睇下   都好丫   反正黎到羅湖 ~

嘩   經過 Shopping Mall   間間舖頭都係名店   大陸人清費能力真係好強囉 ~
因為假期   所以里奧大人嘅 Office 都無人   所以都無走上去睇   之後再落樓下間 Supermarket 睇下喇 ~

其實唔餓   但黎到又想食下嘢喎   所以里奧大人就帶我去一間樣樣都細細碟嘅食店食嘢喇   食到 9 點幾   係時候走人喇 ~
呢兩日係咁食   食完又坐   坐完又食   雖然都幾開心   不過真係好攰囉 ~