青紅蘿蔔粟米豬展湯 ( 15-oct-2011 )

( 15-oct-2011 sat )

今朝食麥皮餐啦   不過仲飽過食麵餐   嘩哈哈 ~

菇場好忙呀   連 Blog 同報紙都無時間睇   真係好小有呢 ~

晏晝同媽咪 家姐去 APM 御泰坊食泰菜   因為本來里奧大人話今朝要見客   所以我就約媽咪食 lunch   不過後尾又唔駛見客   佢叫我照約媽咪   佢都好多嘢做陪唔到我喎 ~


( 椒鹽軟殼蟹伴菠蘿芒果醬 $76 )

( 泰式香辣燒魷魚伴辣椒汁 $58 )

( 泰式青木瓜沙律配炭燒牛肉 $68 )

( 越南生牛肉湯河粉 $44 )

( 泰香蔥蒜蓉包 $24 )

食完泰菜   家姐又話食完辣要食番 d 甜嘢   所以去 Food Court 嘅滿記食糖水喇   食完家姐就車我地番屋企 ~

我去街市買湯料   同里奧大人講我好飽   今晚唔想食飯   一齊飲湯食湯渣算喇 ~

是日懶餐 - 青紅蘿蔔粟米豬展湯

青紅蘿蔔粟米豬展湯 - 呢次好慳呀   只係買咗 1 條大紅蘿蔔  1 條細青蘿蔔   1 條粟米   $23 豬展   今次仲失手落多咗水   里奧大人話個湯無咩味   下次都係買多 d 料   因為我自己好驚飲無味嘅湯呢 ~

食完就抹哂廚房   連牆呀   柜呀都抹埋   超乾淨呀   我真係覺得自己抹得乾淨過鐘點   同埋好怕 d 廚房用具立痴痴   我用玻璃樽裝油同調味料   佢應該係果 d 拎起手就用果 d 人   但妳隻手烏糟   用完應該即時抹番乾淨   其實應該係洗乾淨隻手先拎個樽   咁自己就唔駛再抹多樣嘢囉   懶果一時   但之後有排抹囉   同埋佢估唔到我自己會抹廚房   因為我姑奶會等埋佢黎先叫佢洗碗   我唔係架   佢有時唔黎   我都自己抹嘢熨衫   依家我好番哂   仲可以做多 d 嘢添呀 ~