Blueberry Cheese Cake by 太子酒店 ( 4-oct-2011 )

( 4-oct-2011 tue )
今朝里奧大人約埋大姑奶一齊去鴻星飲星   人地特登 off 家嘛   仲諗住二人世界   下次 off 之前要問清楚佢係咪二人世界先   唔係我留番 d 假陪媽咪飲茶好過 ~
飲到差唔多 12 點幾就各自歸家   我番到屋企 hea 到 2 點先出發去尖沙咀 ~
去尖沙咀多數想食牛丸河   一係會食星林居   咁諗諗下都想坐得舒服 d   所以又去星林居喇 ~




嘩   唔知飽得滯定飲咗杯凍咖啡   我勁想嘔呀   所以要休息一陣先走得   之後一出去就要搵鹹濕嘢食   但又唔可以太酸   咁樣會更加想嘔   唉   不過越想搵就搵唔到囉 ~
行陣買下嘢又好 d 喎   所以里奧大人都話一買嘢就精神   但又真係講得好啱喎   個人一開心   乜病痛都無架啦   事實黎架喎 ~


行 Harbour City 又係好多大陸人啦   都唔記得黃金週添   仲奇怪點解閒日都會咁多   無處不在 ~

行埋 City'super 就走喇   經過太子酒店   見到有 Blueberry Cheese Cake 做緊 Promotion Sale   $60 個咋   其實我鍾意食 Cheese Cake   但里奧大人就麻麻   所以我正諗緊食唔食得哂嘅時候   里奧大人已經比咗錢   今日佢會好識做   因為知我有 d 唔開心嘛 ~
嘩   拎住個 cake 搭地鐵真係好鬼驚   所以都係去油麻地轉車   有得坐嘛 ~
我講明話今晚唔會再食嘢   咁啱家姐今日係農曆生日   所以就叫佢黎食 Cake   話買咗 Birthday Cake 同埋禮物比佢   今晚一定要到   哈哈 ~