星悅鮮廚 @ 官塘 ( 21-oct-2011 )

石燒野菌安格斯牛柳粒 - 熱辣辣又惹味   我好鍾意食黑椒架   搵晚自己整下先

京蔥醬爆脆瓜海參 - 都幾好味   當齋咁食唔錯呢

古法枝竹豆腐燜黃立倉煲 - 我其實好怕古法做嘅餸菜   因為我真係好憎食肉絲囉

( 21-oct-2011 fri )

今日又係 off 呀   瞓到 9 點   之後喺屋企食早餐   熨埋衫就出發同媽咪飲茶喇 ~



今次同媽咪去九龍灣嘅鍾菜飲茶   原來即係潮館   如果早市 12 點半前埋單就好抵   不過我地飲到 1 點幾   所以用正價   睇完早市價再比較午市價就覺得貴好多咁喇 ~

雲南野菌腐皮卷 - 唔知點解   呢排好想鍾意食腐皮卷   炸又香脆   蒸又索哂 d 汁   諗起都想食
 

 

水晶雲勝餃 - 我鍾意食餃類架   素餃仲鍾意添呢   不過呢個麻麻地好味

上湯芋絲浸雲吞 - 突然唔記得芋絲係咩   所以好期待芋絲   我仲以為係炸嘢   原來係食開嘅芋絲黎嘅


山竹牛肉 - 唔好食嘅   我最鍾意係食干蒸牛肉   不過唔係間間酒樓都有囉
 

沙律脆蝦角 - 好小酒樓有蝦角 lu   不過我好怕食細細隻好爽口嘅蝦囉 

芙蓉蒸魚肚 - 無咩特別  
 

豉汁蒸鳳爪 - 好惹味   不過媽咪話好鹹喎


杏仁茶 - 最搵笨係呢個甜水   又稀又無厘味道   同埋唔熱囉


間酒樓凍到呢   諗住 full 哂無咁凍   但都一樣咁凍囉   臨走前仲打乞痴   幾驚凍到病呀 ~

之後同埋媽咪一齊番屋企   唔知點解好攰咁呀   傾咗陣計就瞓着咗喇   起身勁頭痛又想嘔   真係好驚病架   假期唔想病   好在食番 d 酸酸地嘅糖就好好多呢 ~

里奧大人喺大陸見客   又唔知要唔要同客食飯   所以我都話同媽咪食飯先   反正佢番到香港都要 9 點嘛 ~

今晚又同埋媽咪   家姐去星悅   之後家姐就黎我屋企食雪糕   零食   不過我無食   因為真係好飽   雖則我為食   都真係唔想食囉 ~

里奧大人 9 點幾番到屋企   我又特登買咗魚片   所以煮個魚片蝦子麵比佢食喇 ~