叉燒炒飯 + 齋兩味 ( 外賣 ) ( 11-oct-2011 )

( 11-oct-2011 tue )

今日 off   瞓到 10 點先醒   咁啱媽咪又抽完血   所以就早 d 出去同媽咪飲茶喇 ~ 

飲完茶就出發去覆診   約咗 3 點半   4 點 10 分有得睇算快咯   好感恩一齊正常   之後再去睇中醫   睇完醫師就同我傾計   傾到 6 點幾   之後有病人黎睇就唔傾 lu   不過就算無人黎我都唔再傾架喇   要番屋企煮飯同煲藥嘛 ~

是日懶餐 - 叉燒炒飯 + 齋兩味 ( 外賣 )

叉燒炒飯 - 尋晚特登煮定多 d 飯   咁今晚就整里奧大人最鍾意食嘅叉燒炒飯   但其實想今晚唔整炒飯   不過又唔想 d 冷飯擺咁耐   所以都係整咗算喇   依家米貴唔好浪費呀 ~ 

齋兩味 ( 外賣 ) - 喺旺角女人街附近嘅齋舖買架   $20 / 盒   原來熱架喎   同埋都幾好味喎   好味過自家素食   份量又多過佢   下次經過再買黎食先 ~

今晚仲諗住可以同里奧大人一齊食飯   不過佢 8 點打黎話仲未走得   咁我即刻炒飯食喇   洗埋嘢就沖涼   再舒舒服服咁食零食呢   我尋晚先想買呢兩款零食   估唔到家姐買咗比我   我無同佢講架   所以好開心呀 ~