麵餐 ( 12-oct-2011 )

( 12-oct-2011 wed )

今朝里奧大人嘅鬧鐘響完之後   我就比雨撇醒咗   仲以為係自己發緊夢   因為關哂窗家嘛   點知原來係冷氣機窗台漏水   成塊布濕哂   我不嬲用大毛巾圍住冷氣機邊架   因為落雨嘅時候    d 雨水滴落冷氣機頂好嘈   包住就無咁嘈   但其實都仲係嘈   所以我同里奧大人有時會用廁紙塞住耳仔瞓呢 ~

唉   因為咁   我同里奧大人都遲哂出門口   不過我都會食埋早餐先番菇場   坐近門口嘛   d 同事一出一入見到我食早餐就唔係咁好啦 ~



菇場一般忙咁啦   又唔係好悶喎   同埋唔眼瞓都已經好好架喇 ~

晏晝有 lunch box   超飽啦   所以 2 點之後勁想瞓   飯氣攻心 ~

明明今日約咗CC shopping   但個窗台滲水即搵業主啦   約咗 8 點到   咁里奧大人又可能要同客食飯   我自己食算喇 ~

番到屋企就煲中藥同熨衫   之後就煮麵食喇   食到一半里奧大人就打黎   話今晚唔駛同客食飯   不過就要 9 點先番到屋企   咁我等佢番黎再煮麵比佢食啦 ~

業主 8 點幾到   明明同老公一齊就一齊啦   又話係師傅   成 80 歲嘛   妳叫佢黎整   我都驚佢手震震腳震震跌親呀 ~

之後我帶佢地入房睇   佢問我可唔可以企張床度睇   痴佢條孖根啦  正常人都會問人有無櫈或者其他嘢比佢企   我第一次聽到話企喺人張床度囉   之後叫佢摸塊大毛巾   佢居然問我塊布係咪自己整濕   呢個問題簡直白痴低能兼無腦   又話冷氣機入水   我話我晚晚開都唔會咁啦   如果冷氣機入水仲更加要換冷氣機   ( 佢其實最唔想冷氣機   所以搵種種藉口   但估唔到佢咁白痴話冷氣機入水   咁唔換唔得添啦 )   我話根本個窗台四邊都有滲水   之後佢又話部機唔嘈   佢屋企部好嘈佢都瞓到 ( 梗係啦  眼濛耳又聾 )   後尾我關埋房門   業主都話嘈啦   所以我真係火都黎   後尾我 d 語氣都唔係咁好架喇   佢又話依家天氣涼   唔駛開冷氣   又話無加我地租   幫幫手捱多兩個月   我話我依家都開緊冷氣   點會唔駛開呀   同埋依家落雨點開窗瞓呀   佢根本唔想換冷氣   好在業主都話冷氣好舊同好嘈   話依個時候買冷氣唔會太貴   所以就話買部新囉 ~

之後業主又話阿伯係大業主   咁頭先就咪話師傅啦   我都費事串佢   又話本來大業主話加我地租架   不過就幫口話依家搵食艱難   同埋我地準時交租   我笑咋   無講多謝囉   我心諗   妳加租我就唔租妳啦   痴根   最憎人咁樣講埋呢 d 嘢 ~ 

里奧大人差唔多 9 點就番到屋企   我又要煮麵比佢食啦   再講番頭先換冷氣機單嘢   一聽已經話個阿伯根本唔想換   我話如果你同佢對話   佢講第 2 句你已經發火   因為有哂證據   佢都可以想唔換   唔發火就奇咯   呵呵 ~