2014年9月12日星期五
節瓜甫 + 蒜芹肉碎炒銀針粉 + 青紅蘿蔔豬骨湯 ( 12-SEP-2014 )
( 12-SEP-2014 FRI )
今朝食芝腿治 其實想食多士 不過覺得奶油多好似仲肥咁 所以唔食喇 哈 ~
忙啦 今個星期老闆同阿 head 都出 trip 仲諗住可以 hea 過 點知忙足一星期 抖下都唔得 ~
本來想食 Flakes 架 但想比自己開心下 所以都係食酸辣米線 今次小辣又好辣喎 水準真係好唔穩定喇 好在我多數食小辣 唔係辣死我 ~
好喇 一早已經入定去 apple store website 諗住睇下訂唔訂到 iphone 6 啦 點知 點知 2 點 59 分個 mon 無啦啦閃閃下 咁要熄機啦 係咪咁邪呀 早唔閃遲唔閃 偏偏 2 點 59 分先閃 好在手機可以上網 不過都入唔到去 lu 同埋已經好快比人買哂 最搞笑我叫男同事幫我換 mon 佢話比佢 10 分鐘 因為 3 點 哈哈 不過佢都入唔到去 但佢朋友就買到囉 ~
忙呀忙 聽日 off 點都要做哂 d 嘢啦 ~
放工番屋企 7 點再打比里奧大人 問佢幾時可以番到香港 咁我先決定煮唔煮 ~
感恩里奧大人 7 點打黎話應該 9 點前可以番到屋企 咁我都等埋佢先食 因為晏晝食咗碗米線仲係好鬼飽 ~
是日懶餐 - 節瓜甫 + 蒜芹肉碎炒銀針粉 + 青紅蘿蔔豬骨湯
節瓜甫 - 唔想成日齋煮節瓜 所以煮節瓜甫 其實買咗 2 個節瓜架 不過今晚唔太餓 所以煮一個算喇 ~
蒜芹肉碎炒銀針粉 - 我好鍾意食蒜芹 但里奧大人話用黎炒銀針粉唔夾喎 韭菜又話唔夾 自己唔鍾意食就話唔夾 衰 不過我唔理啦 蒜芹韭菜都有益 樣樣都要食 d 咁先得家嘛 ~
青紅蘿蔔豬骨湯 - 媽咪煲架 但唔知點解硬要加陳皮 所以個湯都唔清甜囉 ~
喉嚨有 d 唔舒服 勁驚囉 呢排食辣嘢都係咁 唔通要我戒 嘩哈哈哈哈 ~
搞掂哂都 10 點 即沖涼喇 都係 11 點幾瞓 呢排瞓得唔太好 所以一到 11 點幾就好想瞓 但半夜又會醒咗 唉 ~
訂閱:
發佈留言 (Atom)
沒有留言:
發佈留言