厚燒玉子
炸蝦天婦羅 - 今次好大隻蝦呀
彩虹卷
燒牛肋骨 - 估唔到塊牛肉都好長 同埋好有牛味呀
筋子
芥辣八爪魚軍艦 / 飛魚子
三文魚 / 油甘魚 / 玉子 / 海膽軍艦 / 三文魚籽軍艦
炸軟殼蟹
炸野菜餅烏冬
中華沙律
三文魚頭湯
里奧大人嘅芝麻糊 ( 熱 ) - 食完變烏咀狗 嘩哈哈哈
我同家姐 share 食幻彩珍珠 ok 啦 d 生果無咩味 家姐話食完 d 涼粉 好有薄河味定咩 我話涼粉不嬲係咁架喎
家姐抽嘅
我抽嘅
( 18-SEP-2014 THU )
里奧大人上大陸 不過我 7 點半起身喇 因為約咗 8 卦食早餐 不過我想食完睇下報紙 之後佢黎咗先再傾計囉 ~
菇場忙啦 有時唔明 d 人做乜鬼 做嘢快唔係問題 但要睇清楚先做丫嘛 會計部阿矮無啦啦同我講話開咗重覆 D/N 但我話唔會喎 有 commission 先會開 同埋資料係佢比家嘛 之後我就再即刻 check system 啦 原來我之前 lock 咗 number 但寫明會 will use 我咪話佢囉 妳月中咁快 post 以前月尾 post 大佬呀 月尾都會有 D/N 家嘛 佢話同番佢阿頭講 要開番 C/N 衝番條數 之後我先慶啦 我同佢講 上次我又係有張 D/N 寫明 will use 妳都照 post 今次又係咁 唔該睇清楚 remark 先 post 啦 寫咗都照 post 咁我唔駛寫啦 之後佢好尷尬話知道知道 我真係頂佢唔順囉 表現自己唔係咁家嘛 ~
忙到 12 點就搞掂 可以抖下 ~
又勁想食酸辣米線呀 不過 lunch time 仲未餓 所以出去買生果 差唔多 1 點先去買酸辣米線番菇場食 勁趕 哈哈 ~
感恩唔太忙喇 所以即做 filing 張枱小咗好多嘢喇 開心開心 ~
放工即走 約咗媽咪去元氣 依家超方便呀 淘大間板長改咗做元氣 咁我唔駛去德福咁遠 ~
唔醒起要坐卡位 所以我 6 點要去到啦 好感恩有最入果張卡位 其實仲有 1 張 不過近門口就唔多鍾意 好熱咁 不過最入果張又超勁凍 所以我拎湯番屋企嘅時候 順便拎件披肩 唔係凍病都似 哈哈 ~
家姐 6 點 45 分到喇 食下傾下 差唔多 8 點就走喇 ~
送埋媽咪搭的士 家姐已經想開車門 點知個司機見到媽咪坐輪椅就即走 勁衰格 所以我一定會投訴囉 ~
同家姐行萬寧 之後同家姐行淘大 問佢要唔要扭蛋 因為有 8 哥 估唔到佢話扭喎 咁每人比一次錢啦 哈哈 扭一次要 $16 真係貴啦 好在扭咗唔同嘅狗仔咋 ~
咁家姐叫里奧大人一陣抽一次 咁我打比里奧大人啦 原來都已經 9 點 佢仲咁啱已經喺九龍灣添 佢話食糖水喎 咁家姐又話好 咁一齊去松記啦 ~
差唔多 10 點走喇 番到屋企即沖涼 之後打陣機 11 點瞓喇 ~
沒有留言:
發佈留言