蜀都燻魚 - 唔好食 哈哈
蔥爆牛肉 ( 配薄餅 ) - 一般啦
滬江炸醬麵 - 睇 menu 好深色好吸引 點知 ..........
( 13-SEP-2014 SAT )
因為我要清假 所以請星期六 其實我得番 1日半咁大把 所以慢慢拻 哈哈 ~
今朝同里奧大人自然醒 但我 9 點幾都醒咗 lu 咁我見里奧大人企咗起身 我咪問佢係咪起身食早餐喇 之後佢擰轉頭話我痴線 咁鬼大聲 嚇死佢喎 因為佢話諗住靜靜地出去 唔嘈住我 但其實我都醒醒地啦 佢痴線就真 ~
去 Delifrance 食早餐 坐得舒服 但得牛角包好食 其他無厘味道 同埋杯凍咖啡唔好飲 熱都係唔好飲架 所以應該唔會再黎食 lu ~
里奧大人話想同我出去行 但其實佢有嘢做 不過其實我都真係唔想出街囉 好鬼熱呀 情願喺屋企執下嘢好過 我執好個廚房同零食柜 都用咗 2 個幾鐘 出咗成身汗 所以唔再執其他嘢喇 要沖涼休息呢 ~
2 點幾去麥當勞食 tea 估唔到唔駛排隊仲大把位 其實過期食物同地溝油呢 d 大公司都咁 何況細公司呢 依家講出黎果 d 食店都只係冰山一角 所以我地已經食唔小啦 真係唔驚得咁多囉 種子都有假啦 依家 d 人無哂良心架喇 真係等天收囉 為咗賺錢妄顧人命 真係夠哂賤 ~
食完就自己去惠康買嘢 里奧大人就番屋企做公司嘢 ~
差唔多 5 點半家姐打黎 話煲咗西洋菜生魚湯 問我要唔要 我更要啦 所以一陣去停車場交收呢 ~
拎完湯番屋企就走喇 去官塘廣場買電腦袋比晴晴 daddy 里奧大人要買把風扇仔比我 驚我喺醫院好熱呀 因為上次醫院真係好鬼熱囉 ~
搞掂哂就去食嘢 食完就搭地鐵番屋企 lu ~
超勁熱 所以即沖涼 里奧大人就做嘢做到 9 點半 話唔做喎 陪下我睇電視 ~
聽朝番主日學 11 點半要瞓喇 ~
沒有留言:
發佈留言