2014年9月17日星期三
煎鯖魚 + 節瓜粉絲 + 齋滷味 ( 外賣 ) ( 17-SEP-2014 )
( 17-SEP-2014 WED )
感恩一覺瞓天光 如果晚晚係咁就好喇 哈 ~
今朝一去到 van 仔站就有車 快好多呀 咁就可以慢慢嘆早餐呢 ~
番到菇場抖陣就去倉執嘢 執到身水身汗 本來想抖陣先再執 因為實在好鬼熱 我要紮起 d 頭髮添呀 不過都係一次過熱好過分開兩次熱 所以最後都執好哂 之後 8 卦問我係咪好熱 因為我塊臉紅哂 咁我再照鏡 原來成臉都係汗 唔怪得 8 卦咁問我啦 ~
仲有其他 file 未 pack 架 不過留番晏晝先 pack 因為搬黎搬去好鬼攰 要比自己抖下先 ~
今日有 lunch box 其實係打風果日嘅 lunch box 如果 d 餸係蒸嘅話 咁果日夜晚可以蒸番熱黎食 但炒過嘅餸呢 蒸番熱係好難食架 所以先拎番菇場做 lunch box 囉 ~
又去 pack file 喇 船頭都好好 見我開箱即刻問駛唔駛叫同事幫手 不過我話唔駛啦 一個人做好 d 之後佢同我講 阿 head 同佢講咗 我放假就佢地 3 個一齊 share 我 d 嘢 因為依家好難請人喎 咁都好 我唔駛番菇場幫手 因為我之前諗住休養期間 如果菇場真係好多嘢做 而我身體狀況 ok 我會番去幫手清嘢 咁依家唔駛啦 ~
入好哂箱都已經 5 點 咁聽日做埋 d 手尾 咁就搞掂哂 我想入院前搞掂哂 d 嘢 唔係心掛掛咁呢 ~
放工去百佳買嘢 之後番屋企 lu ~
今日出咗一身汗 所以 6 點半都煮飯喇 想快 d 沖涼 ~
是日懶餐 - 煎鯖魚 + 節瓜粉絲 + 齋滷味
煎鯖魚 - 上次喺百佳買 好似 $7.9/條 所以買 2 條試下 估唔到又 ok 喎 最緊要係唔腥 咁下次可以入多 d 貨喇 ~
節瓜粉絲 - 之前食剩 1 個大節瓜同 1 條脆肉瓜 所以加埋粉絲 用海皇醬做調味 真係唔錯 不過今次用咗 2 包粉絲 原來好鬼多囉 食到好辛苦 哈哈 ~
齋滷味 - 喺百住買架 好似 $15 所以買黎下 都唔錯喎 ~
煮完即沖涼啦 之後先慢慢食 ~
里奧大人 8 點半先放工 食完又要做公司嘢 所以依家我攰都想煮 唔係下個月又無咩住家飯食架喇 慘 ~
今晚 11 點自己瞓先喇 真係次次出完汗都好鬼攰咁囉 ~
訂閱:
發佈留言 (Atom)
沒有留言:
發佈留言