柱候炒牛展 ( 15-SEP-2014 )

( 15-SEP-2014  MON )

尋晚半夜里奧大人發開口夢   話唔知咩嘢收咗未   聽佢 d 語氣   應該係同女同事講啦   好溫柔咁架   哈哈 ~

好焗熱呀   不過聽日就會狂風雷暴大驟雨   仲可能會打風添 ~

早餐食米粉餐   超勁飽 ~

番到菇場即做 report   唔係又唔記得架喇   之後又忙喇 ~

食完 lunch box 就去一田買蘋果   點知無得賣   激氣 ~

又忙呀   同事又催我 pack 箱   我話忙呀   pack 唔到囉   大佬   依家一對手做嘢咋   唔係唔 pack 喎   而係真係無時間 pack ~

woo   今晚可能 8 號風球呀   唔該 "海鷗" 唔好咁快走呢 ~

今晚遲咗 10 分鐘放工呀   都開始有 d 雨   快快趣去埋百佳買生果就番屋企 lu ~

抖到 7 點就煮飯   話午夜前考慮改發 8 號風球   要快 d 打比里奧大人   叫佢聽日唔好上大陸 ~

好餓呀   所以煮完就即沖涼   之後即食飯喇   7 點半里奧大人打黎話放工   不過我都食先 lu ~

是日懶餐 - 柱候炒牛展  

柱候炒牛展 - 之前睇食譜見到柱候燜牛展   不過我都唔會燜啦   同埋我係買一 pack pack 果 d 牛展   咁鬼薄   燜完都唔知去咗邊 lu   所以我就用柱候醬炒   都幾好味喎   好過成日用黑椒汁同茄汁   無咁悶嘛 ~

家姐 8 點幾 whatsapp 我知 10 點 45 分改發 8 號風球   咁睇黎聽日都要番工架喇 ~

等埋里奧大人食完   洗埋嘢都 9 點幾   佢做公司嘢呀   我就抖喇   今日好鬼攰 ~

家姐 10 點半打黎   話有件白痴嘅事話我知   佢頭先睇電視見到 3 號風球   同工人講話乜咁快改 3 號風球架   工人同佢講   10 點 40 分先掛 8 號   依家只係 10 點半喎   我話好在佢無 whatsapp 話我知改掛 3 號囉   不過我都試過咁 case 啦   我睇錄影嘅電視節目   錄緊果晚係 1 號風球黎嘅   咁我睇果晚當然無話打風啦   所以一見到 1 號風球就即刻同里奧大人講啦   之後佢話我睇緊嘅係錄影節目黎架   嘩哈 ~

今晚勁喇我   11 點唔夠就自己瞓先喇 ~