茄子燜魚雲煲
( 12-SEP-2015 SAT )
今朝 7 點 40 分起身 meme 摩摩 差唔多 8 點 15 分先出門口 ~
食完早餐都無咩時間睇報紙 lu 所以都係番菇場算喇 ~
菇場唔忙 上下網 傾下 skype 就放工 lu~
約里奧大人喺 Megabox 等 食埋嘢就去大眾行一陣 差唔多 2 點半就去 Starbucks 飲嘢 ~
中華冷沙律 - 得幾條蟹柳 不過都啱我食 我可以素素地架
炸薄腩片麵豉湯拉麵
依家好多食肆 如果叫凍奶茶小甜小冰 杯嘢飲就會小 d 其實駛唔駛咁小家呀 d 茶值幾多錢呢?!?! 咁我小咗甜同小咗冰喎 咁妳又點計呀 ?!?!
飲到 4 點幾 去埋 Häagen-Dazs 拎月餅就坐 shuttle 屋企 擺低盒月餅就去媽咪屋企喇 ~
熱焦糖咖啡 ( $43 ) - 家姐比咗張細杯裝 cash coupon 比我 佢話叫我飲更大 抵 d 喎 但飲完真係好鬼飽 哈哈
藍莓芝士蛋糕 ($33) - 我超鍾意食架 里奧大人話飲咖啡就飲咖啡啦 無啦啦走去食 cake 佢食咗一啖就話好漏 唔食喎 咁我慢慢食囉 食完呢次 真係短期內唔敢再食 因為咖啡 + 芝士蛋糕 真係超級漏呢 @@
家姐公司送比佢 佢唔要就送比我 呵呵
今朝媽咪話唔舒服 所以都唔睇戲喇 寧願去媽咪屋企好過 點知去到媽咪屋企 佢地唔喺度 我第一件事問里奧大人 媽咪係咪入咗院 ?! 阿奧話輪椅都唔喺度 一定唔係入院啦 唔駛咁緊張 媽咪又唔開電話 工人又聽唔到電話 咁唯有落去搵下佢地啦 可以行下 ~
同里奧大人分頭搵啦 之後無耐收到工人電話 原來佢地去超市買嘢 咁等埋佢就一齊去食嘢啦 5 點半食早飯 不過我真係食唔落 傾下計算喇 ~
食完就上媽咪屋企坐陣 之後祈禱完就走喇 ~
番到屋企就開機洗衫 沖埋涼就睇戲 睇完都 12 點 要瞓喇 ~~~~
沒有留言:
發佈留言