吉野家 @ 九龍灣 ( 5-SEP-2015 )

芝士竹輪鍋 ( 特切火鍋牛肉 ) 日式濃湯底 ( $52.9 )

三文魚刺身 + 蟹籽飯 ( 細 ) + 麵豉湯 + 日本茶 ( $49 ) - 呢 3 片三文魚刺身真係突顯師傅嘅刀功   薄到呢   真係呼氣力小小都會吹得郁囉  

好在都有幾多蟹籽       

里奧大人話無餸喎   所以去爭鮮買咗呢 pack 刺身  ( $45 )   我話人地見到   以為個套餐係咁多片就搞笑咯     

( 5-SEP-2015  SAT )

今朝約咗 8 卦食早餐   所以我都 7 點半起身   8 點唔夠就可以出門口 lu ~     

我嘅早餐

8 卦嘅早餐

菇場唔忙   傾下計又放工喇 ~

約咗里奧大人同家姐喺鑽石山地鐵站等   去佐敦食完嘢再去買洗頭水 ~

本來想食 biang biang 麵   不過要行好遠   所以唔好搞   因為今日超勁熱   富田又執咗   里奧大人話行去睇下開咗咩   比家姐見到佢隔離有間炸雞店   咁就試下啦   我都好想食炸雞   雖然無冷氣   但都照殺   哈哈 ~

前菜 ( 免費 ) - 我覺得 d 泡菜都幾辣  

無骨炸雞 ( 醬辣 ) ( $79/半隻 ) - 醬汁好味呀   甜甜辣辣   炸漿又唔厚   同埋 d 雞肉好 juicy   我已經講定話冬天要再黎食過呀   哈     

韓式辣拌冷麵 ( $45 ) - 我覺得個汁好辣   但家姐話無料到 @@

餃子拉麵 + 紫菜卷 ( $39 ) - 里奧大人最激啦   咁熱仲食拉麵   不過我覺得呢個辛辣麵唔似韓國辛辣麵   似大陸做嘅辛辣麵呢  

我鍾意食紫菜卷架  

加 $3 就有飲品   但里奧大人話辣喎   自己去咗買支鮮榨椰子汁

一邊有冷氣   一邊坐街   我地就係坐街啦   家姐同阿奧話熱   反而我又唔覺好熱   可能頭先喺菇場吸咗冷氣啦   哈哈

@ HARU HARU ( 佐敦 )

食完就去買洗頭水   之後同埋家姐一齊坐 13X   好感恩架車無咩人   因為平時一定係好多人呢 ~

我買咗 A/T  嘅 Shampoo ( $78 ) 同 Pure 嘅 Repair Hair Treatment ( $128 )   家姐就買咗支 Body Maker ( $198 )  

呢個 Nail Clippers 唔錯   所以我同家姐每人一個

呢個就買比媽咪嘅 

番到屋企即沖涼喇   之後瞓陣   出完汗真係好眼瞓   我就 4 點瞓到 5 點   里奧大人就 4 點瞓到 5 點半 ~

瞓咗陣真係好精神   抖到 6 點半就去食嘢喇   我想打邊爐   所以去吉野家 ~

食完行陣就番屋企   8 點再同里奧大人一齊出去徑步   徑咗半個鐘就番屋企喇   勁熱 ~~~~

沖埋涼就食生果   再同里奧大人一齊睇戲   12 點先瞓   好在瞓到   因為頭先真係好鬼精神呢   哈哈 ~