花園餐廳 @ 旺角 ( 18-SEP-2015 )

芝士焗帆立貝拚石斑意粉 - cc 鍾意食   我就覺得 d 汁好漏   所以叫佢食多 d   同埋我今日已經食咗意粉   所以見到有 d 驚啊   

蝴蝶型肉眼牛扒 ( 蒜茸汁 ) - 個侍應好搞笑   唔笑咁指住問我要咩嘢汁   人生第一次見到咁咋   唔知以為我做錯 d 咩   要手指指話我   哈  

忌廉湯 - 唔熱嘅   暖到近乎凍咁囉   之後 cc 話覺唔覺年紀大要飲好熱嘅嘢   玩嘢呀   哈哈   我話我不嬲都要飲熱湯架   唔熱唔暖嘅湯好難頂   但我家姐同阿奧真係唔飲熱湯   要灘到真係差唔多凍先飲   我唔得架      

( 18-SEP-2015  FRI )

又到 happy friday   但我覺得前日先係星期日咁咋噃   時間呀   真係過得超勁快 ~

早餐食菠蘿油   個餐又加咗 $2   不過依家乜鬼都加價架喇   接受現實吧   以前買嘢真係唔會咁記得 d 價錢   但依家真係有 d 會記住   因為實在加得太離譜   講緊係三個月之內咋喎   有 d 嘢加下加下加咗 $4   真係"禁"住黎搶咁囉   所以依家有 d 嘢   如果長用就真係入定貨   唔係真係後悔呢   但好衰架喎   買完又黎特價咁   真係人都顛   哈哈 ~

菇場忙下停下   但其實個人仲係攰攰地咁囉 ~

今日有 lunch box   衰里奧大人   尋晚食剩一半   搞到我又要食埋去   個 lunch box 真係超級重   我覺得根本係男人份量添呀   所以我最後都食唔哂   阿齋同男同事經過我個位   見到我個 lunch box 話好香好正   但其實我感冒未清   乜味都聞唔到   同埋好想講話連食兩餐真係好辛苦   哈 ~

又係諗放工先黎忙   好彩放工前搞掂咋 ~

今晚約咗 cc 行街食飯   呢餐係佢 8 月頭嘅生日飯   又係拖到依家先食   最搞笑我同家姐講話今晚同 cc 食飯   佢話終於食喇   估唔到佢咁講   呵呵 ~

佢 6 點 15 分先放工   咁我又唔想行住   咁搭 95 巴士出旺角   諗住兜黎黎去   星期五又塞下車咁   我就可以坐耐 d   點知路路暢通   唔駛 10 分鐘就到旺角喇 @@

好啦   行下咁啦    個袋又重   最後都係喺公會坐   我覺得自己好人好姐坐公園唔知點咁   嘩哈哈哈哈   但真係唔想行完又行嘛   所以核突都做 lu ~

其實坐公園真係睇到人生百態   我見到除鞋 fing 腳都算   最嘔心係睇到有個女人   着得都斯斯文文啦   點知係度撩牙   仲要係用牙線捧係咁擦 係咁擦   屋企咩 @@     

6 點 45 分終於見到 cc 喇   咁就一路睇衫一路傾   順便行埋聯合廣場   差唔多 7 點半佢話餓   咁去食嘢喇 ~

路經花園餐廳就入去啦   但要等位   咁我話其實去第間都可以   但 cc 話星期五喺旺角度度都要等架喇   好感恩唔駛 3 分鐘就有位呢 ~

呢間又係好鬼嘈   傾計傾得都幾辛苦   好在係細枱   咁近 d   講嘢唔駛咁大聲   哈 ~

食食下嘢   cc 無啦啦話我着紅色格仔好睇   因為臉色都好 d   咁又係   我次次見佢   我都係着黑色   無計啦   要遮 d 豬腩肉嘛   大人   我都唔想成日黑媽媽架 ~

里奧大人 7 點放工打黎話食豬肉乾當晚餐   我話唔好呀   因為 d 肉乾貴呀   哈哈   之後佢都喺度笑   話聽我講第一句真係覺得好感動   諗住第二句話食豬肉乾無益   點知原來我話貴   咁係丫嘛   一陣佢食哂我又無得食   我同佢"練"過架 ~

食到 9 點半就走喇   再去番花園街 boutique 買衫   買完都差唔多 10 點   cc 諗住再去另一間買件褸   估唔到已經比人賣咗   諗住再番去頭先果間啦   點知已經關咗舖   前後唔夠 10 分鐘   又會關得咁快嘅 @@

我搭 van 仔番屋企   cc 就搭另一架 van 仔   不過佢就要排長龍囉   咁我陪佢啦   傾下傾下佢就有車 lu ~

坐 van 仔真係超級快   我喺九龍城 me 埋一陣眼咋   已經到咗九龍灣   好在醒一醒   唔係唔記得落車就慘咯 ~

番到屋企差唔多 11 點   要即沖涼喇   再睇下電視   12 點先瞓 ~

白色長 tee ( $90 ) / 灰色 1 pc ( $80 ) / 紅色短 tee ( $80 )