粟米鯪魚餅 ( 25-SEP-2015 )

把鬼火   所以一嘢煎哂  ><   

( 25-SEP-2015  FRI )

今個 friday 就真係開心喇   因為聽日每月一 off 再加埋星期一補中秋假   即係連放 3 日   最正係星期一係假期   感覺好似過得好快咁   哈 ~

早餐食奄列   正想走嘅時候   8 卦又入咗黎食   咁等埋佢食啦   反正佢 5 分鐘就食哂個早餐 ~

菇場唔忙   可以整下私人嘢 ~

Lunch time 又未餓   所以去完幫里奧大人拎皮鞋就再去買 4 pack 脫脂奶比媽咪   拎到膊頭超痛   已經多肉架啦   都係咁痛   勁想叫人幫手拎呀   哈哈   之後就買米線番菇場食   熱鬼到我呢   當堂好後悔買濕嘢食 ~

豬頸肉酸辣紅薯粉好味呀   紅薯粉勁煙韌   同埋估唔到豬頸肉嘅份量都好多囉

5 點先黎忙   不過唔做架喇   好在唔係 urgent 嘢   因為一做就起碼要 2 個鐘   留番星期二先做  lu ~

放工去街市買餸   番到屋企就開機洗衫   抖陣就煮嘢喇 ~

里奧大人 7 點放工   咁等埋佢食喇   我其實唔太餓   就咁食餸就算喇   但就煮個丁麵比佢食   唔係一陣話餓就慘 lu ~ 

是日晚餐 - 粟米鯪魚餅  

粟米鯪魚餅 - 我驚粟米唔熟   所以蒸熟先   再撈埋 d 魚餅一齊煎   點知一路煎   d 油一路彈   加埋 d 聲係好似機關槍咁向妳掃射咁呀   嚇鬼死我   勁想帶個頭盔囉   我已經差 d 比油彈到隻眼   塊臉已經勁痛   之後頸同手都比油彈   真係煎咁耐彈咁耐   但仲有一半未煎   果刻勁想掉   但無理由咁浪費丫   想蒸熟又覺得好怪咁   最後用細火一嘢煎哂去   真係超級勁驚比油彈呀 ~

比 d 油彈到我死死下   件衫又有油漬

其實手臂同手背都有架   都唔知點解可以彈到咁犀利   嗚嗚 

里奧大人一見到我條頸   以為我皮膚敏感呀   之後我話二級燒傷呀   佢話我個人痴線程度就二級   亂咁 up   但我話條頸真係好鬼痛呀   佢叫我即抹乾淨條頸   再幫我搽寶膚靈   但我一路食飯一路話好痛啊   堅痛啊   里奧大人覺得奇怪   問係咪涼呀 ?!   我話係乸住乸住痛啊 ~

搞掂哂就沖涼   之後里奧大人再幫我搽俄羅立英   搽咗無耐   d 紅印都淡咗色   同埋唔痛囉   所以里奧大人話寶膚靈無料到   第時唔駛嘥幾百蚊買佢 lu ~

一路食生果一路睇戲   難得聽日 off  嘛   睇到差唔多 12 點先瞓呢 ~