西蘭花炒牛肉 ( 7-SEP-2015 )

( 7-SEP-2015  MON )

好攰呀   呢兩晚都瞓得唔好添 ~

里奧大人呢幾晚背脊扯住痛   又係瞓得唔好   所以今日都係請病假   睇睇醫生好 d ~

早餐食芝腿治   真係攰到唔想咬嘢   哈哈   之後 8 卦又黎埋   今朝菇場壞 lift   我地 9 點 10 分先番到菇場呀   好小咁遲呢 ~

做埋 report 就 hea 過   上下網睇嘢   又傾下計   時間真係好快過 ~

11 點幾里奧大人打黎   咁佢話掛咗號   要 12 點 15 分先睇醫生   但我話想同佢食 lunch   所以佢即刻改 4 點半   之後佢話喺屋企沖即食麥皮   我話用水沖麥皮係無味道   佢頂唔到   不過佢話食咗半碗都接受到   我話日日食就唔同講法啦   一個星期食半碗   其實同唔食無咩分別   哈哈 ~

約里奧大人去金姆指食米線   之後行陣   佢送埋我搭車先走   咁樣會令我唔想番工呢 ~

仍然 hea 過   所以放工可以即走 ~

番到屋企即預備   煮完都 7 點 lu   開飯喇 ~

是日懶餐 - 西蘭花炒牛肉  

西蘭花炒牛肉 - 媽咪比咗 3 包牛肉   食埋今餐仲剩一包   最搞笑係我兩次煮牛肉   家姐都係煮牛肉   因為真係想快 d 清哂去呢 ~

搞掂哂都只係 8 點   實在太好喇   所以抹下柜   之後沖涼   食埋生果就休息喇 ~

雖然我睇哂 "急診男女"   但有 d 原來無睇到   所以重頭再煲多次   但有 d 係睇過嘅   我依然會睇到笑或者睇到喊   里奧大人覺得我痴痴地架   話其實有 d 已經睇咗幾次都可以喊   不過我都認架   有 d 真係睇咗幾次   因為里奧大人都識背   哈哈   佢最頂我唔順係睇波   話點可能睇十幾次   話 d 教練先會咁睇喎   同埋都知咩時間入波   都唔明點解次次睇都咁興奮   哈哈 ~

今晚真係要 11 點瞓喇   希望瞓得好啦 ~