大快活 @ 九龍灣 ( 14-FEB-2016 )

( 14-FEB-2016  SUN )

今朝 8 點半起身   刷牙沖涼就去食早餐喇 ~

番到屋企抖多陣就番主日學   完全唔在狀態   哈哈 ~

崇拜完畢就去 Taste 買生果   之後即番屋企休息喇 ~

里奧大人就即瞓   我就睇雜誌   其實我好攰   但又瞓唔到喎 ~

差唔多 2 點幾   里奧大人就醒咗   咁落去食下午茶喇 ~

食飽好鬼眼瞓   番到屋企開埋機衫   打咗 3 舖機   已經 3 點半   我同里奧大人講話 4 點 15 分一定要叫醒我   我要探媽咪   我一講完   一挨喺梳化   一合埋眼就瞓着咗喇   之後一醒就已經 4 點 10 分喇   又要出發去探媽咪喇 ~

一去到巴士站   睇住架巴士駛開   真係比死更難受   哈哈 ~

好在等咗 15 分鐘就有車   之後家姐問我喺邊   話同我一齊行去醫院喎 ~

家姐話今日晏晝探咗媽咪   佢精神咗   同埋同媽咪講話阿妹嚟呀   妳唔好瞓   唔係阿妹唔嚟㗎喇 ~

去到醫院都 5 點幾喇   同媽咪傾咗陣   又同家姐傾下偈   差唔多 6 點幾   媽咪又話眼瞓    我即刻話唔郁咪成日眼瞓囉   不過是鬼但佢啦   佢唔珍惜   我都唔會嘥時間坐喺度 ~ 

諗住行去巴士站   但突然間搞肚痛   咁經過馬路   有人叫家姐   我仲以為家姐熟到連醫院嘅人都識哂添   原來係佢鄰居   佢話車埋我哋出去呀   之後我細細聲同家姐講   我好肚痛   想去佢屋企呀   之後家姐即刻同鄰居話都係想番屋企先   哈哈 ~

我同家姐講話佢鄰居真係我嘅天使   唔係我應該暈咗都似啦   我最驚呢啲無啦啦搞肚痛   因為我會暈㗎   試過有次係眼前一黑添呀   所以勁驚 ~

家姐明明同姐夫傾緊電話   咁我坐喺梳化等佢啦 ~

佢無啦啦行去開櫃桶拎袋糖拎曲奇比我食   我話傾就傾啦   唔駛理我   之後又比咗啲糖我   咁殺啦   哈哈 ~

我都估佢實比多多啲糖比我   因為佢話好食   但其實佢之前都比咗我啦   我成日覺得一齊食先好食   一個人食好鬼悶   同埋里奧大人勁黑人憎    我一食糖就話: 增肥呀 ?!   其實我覺得好煩   基本上我好少會喺夜晚食糖同朱古力   係因為我心情唔好   先想食下甜嘢啫       

我鍾意佢啲花   但我唔會買囉   因為張枱無位放   哈哈       

真係搞嘢   家姐頭先諗住揸車接埋佢工人一齊出去食   但媽咪工人又唔一齊食   所以就約喺商場等算喇   但因為我無啦啦肚痛   家姐又可以揸車接番佢   好似玩咁 ~

今日情人節   加上已經 7 點幾   所以好多食店都要排隊等位   所以我話去大快活食嘢   唔會無位呀嘛 ~

番到屋企就開機洗衫   之後即沖涼喇   今晚又涼咗啲   因為聽日又降 10 度嘛   又得番 13 度   嘩   天氣咁唔穩定   真係要好小心身體呢 ~

凍凍地又攰攰地   所以 10 點 45 分都瞓喇 ~