食食食 ♡ 河源 Day 1 (PART 2/2) ( 26-FEB-2016 )

( 26-FEB-2016  FRI )  Day 1 ( Part 2/2 )

4 點 10 分到酒店喇   不過估唔到係更加凍呀   哈哈 ~

比人斬咗對手嘅馬騮   好恐怖啦 @@

大堂   呢個擺設老土到暈   哈哈

咁去到 lobby 等派房卡   咁我坐喺梳化等啦   點知老粗班人又黎坐   嘈到死   但我好攰呀   所以唔行去另一邊   其仲有對夫婦就超大聲講嘢嘅   個老公一走開   個老婆就同另一個女人講   話佢老公依家仲係咁 x 惡   半夜發夢都鬧人喎   又話依家分開被冚最好   咁唔駛比人捲哂啲被   但佢老公勁唔鍾意喎   話分分下   遲早連房都分埋   大佬   話哂我都係外人啦   講呢啲嘢就細聲啲啦唔該   搞到我尷尷尬尬咁 @@

其實我初初以為聽錯佢講粗口架   之後佢每句都加個助語詞   最爆係聽佢講嘢嘅 2 個女人仍都係粗口王囉 @@

里奧大人就出去影下相   天空仍然係灰灰暗暗的

呢度好靚喎

想影咩呢 ?!

餐廳後門   後尾先知可以由呢度行去客棧   唔駛兜大圈

我仍然痴痴的等

我幾鍾意呢盞燈

我地住客家小鎮客棧 (5星)

好古色古香呀   正

但一定要關窗落簾   哈哈

立眼以為 "大麻"

望出去係咁㗎

出去行下先

呢間客棧係無 lift 

好多都用木製造   夠哂 Raw

用電力去滾動   其實點解唔用番水力呢 ?!

  

呢條路係去大堂嘅   可以行落去   仍都可以 call 車

好多時里奧大人都驚我辛苦   所以多數會自己上去視察環境先呢

超級勁凍呀   真係要帶帽帶披肩保暖   同埋最緊要係拎番把縮骨遮旁身   哈哈

無行入去睇呀

仲有時間   所以我地行上去睇下

指示圖   地方都好大喎

行上去喇

行喇喂

好多觀音像

保護色

我真係覺得佢地好。恐。怖。囉。

 

望到現代建築物

繼續行   行得好開心呀   因為得我同里奧大人兩個人行咋   哈哈

又係有路就行

行到聖人谷入口   不過無再行入去睇

好似好鬼秘咁   哈哈

又要行樓梯

仙女散花 ?!

有個亭

望落去

設計好得意   好似 stick 上去咁

高高在上

又落番黎 lu

沿途無燈   所以將近入黑都要走喇

依家好鍾意睇木紋

@ 客天下

我地越行越上   呵呵

啲住宅設計都好靚喎

右邊圓頂設計係客家驛站

行呀行

MY LOVE

紅毛仔終於出埸喇

里奧大人又上咗去睇下乜環境先

叫我企喺下面等佢

我最驚喺大陸地方見到狗   因為我好驚佢嘅下場係。。。。

去另一邊行下喇

落番黎 lu

@ 2016

里奧大人叫我坐黎玩下 @@

客棧頂部原來係咁嘅

去食飯 lu

去親大陸   唔知點解我就會好想飲尖叫   所以里奧大人去買支比我   要十蚊人仔架   我覺得貴啦   之前最多只係六蚊之嘛   但里奧大人話點都要買比我飲   因為佢話我一知去大陸   就成日話買尖叫   佢話我今日都講咗 5 次   肯定係好想飲呢   所以一去旅行   我就發覺里奧大人好愛我咁呢   哈哈 ~

6 點半食飯   間飯店好 ok 喎   食物又好味   真係好有驚喜呢 ~

到飯店喇

好多酒

茗茶嘅房間

又係酒

一埕埕嘅酒又真係幾過癮嘅

呢支"八鄉情"   唔知咩味道呢 ?!

入去坐低喇

啲擺設都好搞笑   有熊貓啦   另一邊就有老虎

裝潢都好有特色

我覺得隻碗好淺呀   裝兩條菜同1件豆腐就好似想跌出黎咁

都坐得好鬆動架

 "圍龍客家風味宴"
紅燒元啼 ?!  切到好薄嘅五花腩   食咗 1 片   但 8 成係肥膏囉

客家燜豬肉好味呀

客家釀豆腐   嘩   好鬼正呀   豆腐好滑又有豆香   依家講起都想食   估唔到自己咁快就愛上食呀婆餐添   呵呵

雙丸都好味

雖然碗湯油林林   但我都照飲   因為飲完之後成個身會暖哂   好舒服呢

芋頭煲賣相唔掂   但原來好鬼好味架   口感好粉糯   同埋最正係食到最後都仲係熱辣辣

唔知乜雞   我無食呀

我好鍾意食炒韭菜花架

唔知鴨定鵝   無食呀

炒菜心    好清甜   但如果唔係咁油就更加好啦

成枱都係嘢食   好在好味咋   哈哈   食得好開心呢

食完就出去行陣   咁我去埋洗手間先嘛   里奧大人話有個電話聽唔切   咁 5 分鐘之後又打黎   原來係婆婆   我第一句都話: 我咪同妳講咗今日去大陸囉   都唔記得佢講喇   真係好煩   之後到阿姨打黎   阿姨就真係唔知我去大陸嘅   我同里奧大人講話   第時如果唔喺香港   記得提我 block 哂婆婆佢地啲電話   唔係個個係咁打黎   真係乜 mood 都無哂 ~

開哂燈 lu

行落去睇 show

有個人坐住搖搖櫈

7 點 45 分睇 show   真係唔識欣賞囉   所以睇咗 3 part 就走人喇    周圍行下好過 ~~~~

各位觀眾   帶。 渣。巧。

又未開 show   所以個個去場地對面間舖頭睇嘢   佢個樣勁搞笑

里奧大人話核突呀   要我自己影呀   哼

坐呢度睇 show 呀   但濕哂點坐喎   所以個個企喺最後度睇囉

客家民俗表演 "印象客都"   開始喇

我初初以為係睇耍雜技架   之後第 2 個表演係唱歌   老土到暈嗰啲呢   我忍   到第 3 個表演又係跳下舞咁   我同里奧大人話唔睇喇

落去睇下餐廳位置   咁聽日唔駛 call 車呢

喺度食嘢個 feel 都唔錯架   手上拎住嘅係尖叫

番到酒店即沖涼喇   我沖咗好耐呀   起碼 20 分鐘   無計啦   天氣非常之凍呀   所以沖熱水涼真係好鬼正囉   同埋個花灑頭好夠力   好有按摩 feel 咁   之後里奧大人同我講話以為我暈咗   入去洗手間望下我呀   因為我好小沖咁耐呢   呵呵 ~

知道呢個行程係好 hea   所以里奧大人一早 download 咗啲戲呢   睇到 10 點半都未睇完   但都瞓喇   雖然無咩點郁   但咁坐車法   個人真係好鬼攰囉   所以都係早啲休息好過 ~

屋頂係斜嘅  好特別

其實間房好細   不過用品都好齊全   最緊要係有風筒   哈哈

洗手間都好古色古香架

呢日行程完畢 ^^