食食食 ♡ 河源 Day 1 (PART 1/2) ( 26-FEB-2016 )

( 26-FEB-2016  FRI )

尋晚 11 點幾瞓   之後有音樂響啦   我同里奧大人講話咁快就 5 點喇   但里奧大人又無關咗音樂   之後佢叫我睇下個時間   我話 sorry 呀   教錯咗鬧鐘時間   佢再話睇清楚幾點 ?!   我話丫   我生日呀   之後佢同我講生日快樂   錫咗我一啖   我都即刻瞓番喇 ~

5 點 15 分真係鬧鐘響喇   勁攰呀   又凍喎   勁唔想起身   哈哈 ~

刷牙沖涼   好快搞掂哂   所以 5 點 50 分就出門口喇 ~

晨咁早出發   真係呀婆晨運都無我地咁早呀   哈哈

7 點去到羅湖   去到集合地點都只係 7 點 15 分   比我地預期早好多呀   所以去口岸茶餐廳食嘢囉   但其實唔餓   但唔想企喺出面等囉 ~

好似 RMB20 咋   勁抵   但個皮蛋瘦肉粥唔熱   同埋無味   不過其實好唔好味都唔緊要   最緊要有個地方坐下   哈哈

8 點集合   領隊係仔仔   我地編號係 33 同 34   今團有 44 人   都好多人喎 ~

今次參加去河源嘅純玩 3 天團   團費 HK$1,098/ 人   導遊費每天 $60/人   加埋即係 HK$1278/人   里奧大人揀呢個團嘅原因係兩晚都住 5 星級酒店   等我可以瞓得好啲 ~

咁里奧大人問仔仔去河源要坐幾耐車   佢話要 6 個鐘頭車架   嘩   好恐怖囉   好在每個半鐘頭就有個 break   之後食飯   再坐 3 個鐘頭車   唔係一定腰酸背痛咯 ~

好多 "達美美食之旅" 領隊

我地係 38 號隊

我唔會掛喺衫度㗎

好細心呀   有 "走散服務處"

我地坐 33 & 34 座位   報名時已經編好哂座位架喇   順住咁坐最好   因為有啲人真係為個位而嘈交呢

上車位置

10 點有個 beak   去下洗手間咁啦   但一落車就凍到嗌救命   我覺得係寒添呀   我一路瞓   對手同對腳係凍到硬哂架 ~

好在里奧大人叫我帶定披肩同冷帽   無佢地唔掂呀真係 ~

11 點到飯店喇   比預期早咗好多呀 ~

里奧大人就慘啦   牙痛呀   所以無咩點食嘢 ~

我地果枱係 10 個人   我同里奧大人 + 1 對夫婦 + 5 男 1 女嘅同事   好在呢枱嘅人都係斯斯文文   因為另一枱嘅團友係好老粗   講哂粗口又食煙   不過佢地係自己一圍 12 個人   如果同佢地同枱就慘喇   嘈死都似 ~

喺呢間美好海鮮酒樓食飯   但其實呢度係一個接近荒廢嘅工業區 @@

我地坐 4 號枱

包場也

"東江鹽焗雞宴"
好出名嘅雞   不過我唔記得叫咩名   雞肉好滑   唔錯喎

鴨 ?!

客家釀豆腐   我一向唔鍾意食豆腐   但呢磚豆腐好滑好香豆味呀   勁正

我聽到團友話唔好食   所以我都無食   哈哈

鱔   我唔食架   皮膚唔好嘛

一大盅湯

唔記得咩材料

熱辣辣勁正呀   飲完之後成身暖哂

齋菜

炒雲耳定木耳呢   我仲係唔識分

苦瓜炒茄瓜豆角   好味喎   團友話苦瓜係半生瓜   到咗後半生先鍾意食咁解喎   不過我都認同喎   細個唔食苦瓜架   大個之後覺得有益先食呢   但都係覺得苦囉   哈哈

炒椰菜

其實個個都無咩胃口   因為個個都好早起身呢   之後 12 點又坐車喇 ~

食完出去行下   因為一陣又要坐車   真係有得郁好郁喇   哈哈

大旅遊巴

乜角度都影下

坐長程車   咁點都要講下嘢家嘛   咁仔仔又講啦   坐前面班老粗團友成日窒住哂仔仔講嘢   自己講完就成班喺度笑   好煩囉   咁鍾意成班自己講自己笑   就唔該自己包團啦   12人真係可以包團架喎   咁好過喺度影響人嘛   人地講嘢唔係淨係講比你地聽囉   之後佢仲話仔仔成日講娶老婆好煩   叫佢講另一個話題   我心諗   人地講下嘢搞下氣氛啫   駛唔駛咁認真呀 ~

出車 lu

佢地真係完全唔覺得危險   勁

我望番轉頭影架   好在影到   哈哈

沿途

差唔多 1 點到中途站   即係去洗手間喇

凍到呢   已經無開冷氣喇喎   我真係要帶埋帽瞓先暖啲咋

差唔多 2 點 40 分就開始參觀 "客家圍屋古村落"   其實係一間大屋   用咗 18 年建成   主人家有 8 個仔女   但就有 118 間房同 9 個天井   我地只係參觀咗 1 個天井咋 ~

行下影下   參觀到 3 點半就坐車去酒店喇 ~

行喇

當時天色係咁㗎

但張張原色嘅話   會睇到好眼瞓   嘩哈哈哈哈

好似好正咁喎   哈哈

殺入去喇   唔好話我知又會有嘢買呀下

突然覺得好陰沉咁

光啲好   無咁恐怖   哈哈   其實就咁睇   都覺得地方真係好大

估唔到旅行社會有直身遮提供   我拎最後一把嘛   之後聽到其中一個團友話: 叫妳快啲拎啦   依家比人拎咗 @@

簡介

我覺得掛咗燈籠   成個地方都變得好有特色

正式參觀喇   真係好大間屋   因為呢度係其中一個地方咋

靚呀

我鍾意桃紅色嘅植物

好滋潤呀

危樓

八八卦卦想去開門   但其實無得開嘅

望出去

好易迷路   所以又落番去睇

牆身有呢個圖案   好特別呢

幅牆都有畫   靚呀

另一邊

字體好特別

呢度係其中一個天井   呢間屋總共有 9 個天井架

經過呢度

又行下行下咁啦   最慘度度都差唔多咁   上完先知黎過   又要落番去咁呢

又上番去喇   哈哈

幾間房都空 nel nel

好多橫樑   可以掛好多衫   哈哈

個地下係裂架   真係要步步為營

我覺得隻窗好似抽氣扇

拍鬼片咩   里奧大人   定係想影十字架呀 ?!

團友傾偈

呢條石屎路勁恐怖   我一路行一路發出 e e at at 聲呀   如果喺度住   真係要減肥先得   哈哈

無咗條欄杆   真係爛下爛下就無哂   好危險

向前望

向上望   哈哈

望出去係咁

好多塊朱古力脆片呀

我覺得好靚

每個位置都用心設計

其實屋頂都霉霉爛爛了

頭頭尾尾都有花紋

再唔維修嘅話   間屋好易倒塌囉   因為見好多木塊都霉霉爛爛咁

古人嘅建築   真係顯得出佢地幾咁有智慧呢

影埋呢間房就要走人 lu

望另一邊係咁嘅   無咁開揚

落去喇

間屋好大好深

真係好鍾意呢啲屋嘅設計

              

鬼呀

頭先見到三多同富貴   依度就見到個發字

細細隻門   我勉強入到   哈哈

呢把遮係旅行社提供架   真係好細心

真係要行番出去喇

里奧大人話咁古舊嘅屋   唔應該貼咁現代化嘅貼紙

大門原來係咁嘅

另一個入口係咁

啲窗真係好得意

呢對係鐵窗

好多團友都一支箭咁走咗出去 @@

得番我同里奧大人同另一對夫婦繼續影

有 3 隻唔同嘅窗   右下角嘅窗唔知有咩用途呢

走人喇

唔知對面啲屋有無人住嘅呢 ?!

里奧大人好認真同我講話: 呢隻係牛   咁我都睇到 @@

我覺得個地下好靚   好似一個個扣住咁呢

呢日未完架 ^^