( 26-FEB-2016 FRI )
尋晚 11 點幾瞓 之後有音樂響啦 我同里奧大人講話咁快就 5 點喇 但里奧大人又無關咗音樂 之後佢叫我睇下個時間 我話 sorry 呀 教錯咗鬧鐘時間 佢再話睇清楚幾點 ?! 我話丫 我生日呀 之後佢同我講生日快樂 錫咗我一啖 我都即刻瞓番喇 ~
5 點 15 分真係鬧鐘響喇 勁攰呀 又凍喎 勁唔想起身 哈哈 ~
刷牙沖涼 好快搞掂哂 所以 5 點 50 分就出門口喇 ~
晨咁早出發 真係呀婆晨運都無我地咁早呀 哈哈
7 點去到羅湖 去到集合地點都只係 7 點 15 分 比我地預期早好多呀 所以去口岸茶餐廳食嘢囉 但其實唔餓 但唔想企喺出面等囉 ~
好似 RMB20 咋 勁抵 但個皮蛋瘦肉粥唔熱 同埋無味 不過其實好唔好味都唔緊要 最緊要有個地方坐下 哈哈
8 點集合 領隊係仔仔 我地編號係 33 同 34 今團有 44 人 都好多人喎 ~
今次參加去河源嘅純玩 3 天團 團費 HK$1,098/ 人 導遊費每天 $60/人 加埋即係 HK$1278/人 里奧大人揀呢個團嘅原因係兩晚都住 5 星級酒店 等我可以瞓得好啲 ~
咁里奧大人問仔仔去河源要坐幾耐車 佢話要 6 個鐘頭車架 嘩 好恐怖囉 好在每個半鐘頭就有個 break 之後食飯 再坐 3 個鐘頭車 唔係一定腰酸背痛咯 ~
好多 "達美美食之旅" 領隊
我地坐 33 & 34 座位 報名時已經編好哂座位架喇 順住咁坐最好 因為有啲人真係為個位而嘈交呢
10 點有個 beak 去下洗手間咁啦 但一落車就凍到嗌救命 我覺得係寒添呀 我一路瞓 對手同對腳係凍到硬哂架 ~
好在里奧大人叫我帶定披肩同冷帽 無佢地唔掂呀真係 ~
里奧大人就慘啦 牙痛呀 所以無咩點食嘢 ~
我地果枱係 10 個人 我同里奧大人 + 1 對夫婦 + 5 男 1 女嘅同事 好在呢枱嘅人都係斯斯文文 因為另一枱嘅團友係好老粗 講哂粗口又食煙 不過佢地係自己一圍 12 個人 如果同佢地同枱就慘喇 嘈死都似 ~
喺呢間美好海鮮酒樓食飯 但其實呢度係一個接近荒廢嘅工業區 @@
"東江鹽焗雞宴"
好出名嘅雞 不過我唔記得叫咩名 雞肉好滑 唔錯喎
客家釀豆腐 我一向唔鍾意食豆腐 但呢磚豆腐好滑好香豆味呀 勁正
苦瓜炒茄瓜豆角 好味喎 團友話苦瓜係半生瓜 到咗後半生先鍾意食咁解喎 不過我都認同喎 細個唔食苦瓜架 大個之後覺得有益先食呢 但都係覺得苦囉 哈哈
其實個個都無咩胃口 因為個個都好早起身呢 之後 12 點又坐車喇 ~
食完出去行下 因為一陣又要坐車 真係有得郁好郁喇 哈哈
坐長程車 咁點都要講下嘢家嘛 咁仔仔又講啦 坐前面班老粗團友成日窒住哂仔仔講嘢 自己講完就成班喺度笑 好煩囉 咁鍾意成班自己講自己笑 就唔該自己包團啦 12人真係可以包團架喎 咁好過喺度影響人嘛 人地講嘢唔係淨係講比你地聽囉 之後佢仲話仔仔成日講娶老婆好煩 叫佢講另一個話題 我心諗 人地講下嘢搞下氣氛啫 駛唔駛咁認真呀 ~
出車 lu
凍到呢 已經無開冷氣喇喎 我真係要帶埋帽瞓先暖啲咋
差唔多 2 點 40 分就開始參觀 "客家圍屋古村落" 其實係一間大屋 用咗 18 年建成 主人家有 8 個仔女 但就有 118 間房同 9 個天井 我地只係參觀咗 1 個天井咋 ~
行下影下 參觀到 3 點半就坐車去酒店喇 ~
光啲好 無咁恐怖 哈哈 其實就咁睇 都覺得地方真係好大
估唔到旅行社會有直身遮提供 我拎最後一把嘛 之後聽到其中一個團友話: 叫妳快啲拎啦 依家比人拎咗 @@
正式參觀喇 真係好大間屋 因為呢度係其中一個地方咋
又行下行下咁啦 最慘度度都差唔多咁 上完先知黎過 又要落番去咁呢
個地下係裂架 真係要步步為營
我覺得隻窗好似抽氣扇
呢條石屎路勁恐怖 我一路行一路發出 e e at at 聲呀 如果喺度住 真係要減肥先得 哈哈
再唔維修嘅話 間屋好易倒塌囉 因為見好多木塊都霉霉爛爛咁
里奧大人好認真同我講話: 呢隻係牛 咁我都睇到 @@
生日啜啜笠..小奧真係好細心又花心思! 阿喂唔會攪驚喜架
回覆刪除依日真係好早出發~天氣又係唔好..仲要咁凍唔夠瞓都勁攰
參觀間舊屋好恐怖~由其十字架果張+你話ee at at果張..勁鬼feel
唉! 跟團總有幾個依d人~12人真係自己包團啦~好快依d..多熟人講野又大聲
完全影響其他人囉
多謝妳嘅啜啜笠~
刪除呢幾年小奧上身 會製造d小驚喜比我呢 都幾感動架
不過我講明唔會比番驚喜佢架 哈~
唔係丫 呀喂都送曲奇餅比妳嘛
佢其實都錫妳架 睇得出架 不過佢唔會開口講同做啫~
呢朝勁早出發呀 攰到呢 所以覺得凍上加凍 woo~~~~
妳形容間舊屋勁鬼feel 好搞笑呀 嘩哈哈哈哈~~~~
好在我唔係着長白衫同留長頭髮 如果唔係就勁似........
跟團真係乜人都有 所以團友好鬼緊要
但今次撞正呢堆 真係好慘囉~~~~