食食食 ♡ 河源 Day 2 (PART 2/2) ( 27-FEB-2016 )

( 27-FEB-2016  SAT )  Day 2 ( Part 2/2 )

周圍行   唔係無咩嘢好做嘛  哈哈   咁我問里奧大人邊度走   佢個樣好驚話計埋今日   已經行咗第 3 次喇喎   妳居然問邊度走 ?!   之後我話我唔可以做導遊   唔係天光行到天黑   佢話應該係 3 天變 6 天團喎   嘩哈哈哈哈   我都覺得自己太依賴人喇   真係要改改呢 ~

經過呢度又有唔同觀音像

我覺得好恐怖咁 @@

名符其實石春路

影乜都咁有心機   除咗食物   哈哈

又上去睇下先

掛住好多呢啲

個鋅盤好正呀

唔 sir 落黎嘅水珠

樹葉邊都痴住兩滴水珠架

又係睇到呢個地方

行番落去喇

樹型好特別

原來係石屎㗎

正式走人

里奧大人成日行到咁上下就望落黎   我話唔駛理我呀   小心啲好過

又上台喇   成日灘開隻手唔知做乜   哈哈

好似幾好味咁   本來想試啲粿㗎   不過最後都唔試喇   好似擺咗好耐咁呢

11 點出發   12 點到飯店   車程都算快㗎喇 ~

出發喇   呢度又幾靚喎

食完抖陣   1 點又坐車喇   去到酒店啱啱 4 點   話咁快又坐咗 3 個鐘了 ~

到飯店喇

看煎瑟瑟塵   坐酌冷冷水   唔知點解呢 ?!

@ 聚緊堂食府

 "招牌農家土雞白切鵝宴"
客家燜豬肉 ?!   其實我唔知啲菜名係咩來   哈哈   又係好好味

唔知咩湯   今次無咁油   實在太好喇   我真係覺得天氣好凍架   所以一定要飲碗熱湯暖暖身囉

農家土雞

蒸魚仔   團友話鹹鹹香香好味   不過我唔敢食

芋頭排骨   好味呀

白切鵝   無食呀

肉丸豆腐煲   豆腐好滑

好似係蒸"廉"魚   龍躉親戚喎   不過我唔食架   驚多骨同好腥

炒薏米   幾特別喎   不過咬到個口好攰   哈哈

灼菜心正呀   因為好清甜

無餡湯丸   賣相好恐怖   不過我有食呀   但就唔飲啲糖水

好煙韌   所以食咗 8 粒定 10 粒   成枱都無乜人對呢個甜品有興趣   唯獨得我食食食   呵呵   如果唔係怕胃痛   我可以食多十粒八粒添架

生果

樓底好高   無咁壓迫感   所以呢餐食得好開心   哈哈

去洗手間會經過呢啲房

出去散散步先

環境都唔錯

團友話依家個個地方都整個摩天輪   但呢個就好肉酸囉   哈哈

bye bye

我地坐嘅旅遊巴

因為我地坐後面   所以由中間嘅門上   超勁方便

孖寶

坐位背後有掛勾都唔錯   可以掛背囊

但個勾嘅位置太低   所以個背囊係貼住大脾囉   其實同自己抱住係一樣   哈哈

又係好多屋都無人住

居然有 "正宗沙田柚"

喺呢間店舖買咗包蕃薯脆片   勁呀呢   可以買到嘢   哈哈   不過大陸嘅蕃薯脆片好脆好味架   唔知今次係咪呢   呵呵

等

開車喇

呢揀住宅設計都幾特別

又係不斷起樓

見到有兩隻嘢

無啦啦整兩隻恐龍   都幾搞笑

呢度人唔好   但住宅就好鬼多   即係無人買啦

有得 High Tea 呀   就係食 Welcome Cookie   食就最啱我   嘩哈哈哈哈 ~

@ Double Tree 希爾頓逸林酒店 (5星)
到酒店喇

拎完餅乾   終於回復寧靜了

如果屋企幅牆係咁都唔錯

每人一件

食飽就喺度 hea 等上房

里奧大人話呢度似放骨灰龕嘅地方喎 @@

@ 酒店大堂

上房喇

第一時間叫我行開   佢要影相   睇佢企姿   應該影緊全景   哈哈

呢啲光線   真係令人好想瞓覺

拉開窗簾就就精神好多呢   電動窗簾黎架   幾咁先進   哈哈

望出去係住宅

浴室好大呀

呢個浴缸好單薄   同埋無嘢扶住   好危險囉

走廊

無開燈嘅話   完全唔知係房門   哈哈

里奧大人話呢張仲似放骨灰龕嘅地方 @@

大陸特色   個天一日未黑都唔會開哂啲燈

大堂另一邊係空 nel nel

4 點半就出去行下   好好天呀   實在心情大好啦 ~

酒店外圍

原來另一邊係灰灰暗暗

天色係藍白灰   但里奧大人話唔覺 @@

呢邊好好天呀

我都係鍾意自己部相機影嘅藍天白雲

唔駛 5 分鐘就到 Walmart   商場門口見到有啲比小朋友玩嘅機動遊戲   有啲幾好玩咁架 ~

到 Walmart 喇

最憎西瓜   哈哈

兒童跳樓機   里奧大人話去玩就真係好危呀   哈哈

嘩   好好玩咁喎

呢隻吹脹咗嘅孔雀   好似好單薄咁

呢個型呀   會發出聲添架   佢吊腳喎   咁我坐就可能啱啱好   哈哈

RMB15 / 6 分鐘   里奧大人話唔算貴   好似好想我玩咁喎   哈哈

突然覺得呢個好兒戲咁

人手拉番埋原位

去到間家品店   見到 Laundry Bag 好抵   不過就唔買住   行埋 Walmart 先 ~

夜晚就去番呢間買咗兩個 Laundry Bag 同埋 1 個眼鏡盒

好大間 Walmart   香港有就好 lu

我覺得呢啲好似驅風油咁   哈哈

呢啲似糖漿

咁諗住食完自助餐就打的出去行夜市   不過仔仔話無咩好行   同埋改咗自助晚餐時間係 5 點半   嘩   好在打比佢啫   之前話 6 點家嘛   咁我地行多陣就番酒店喇   今晚再黎過呢 ~

我好開心同里奧大人講話一定要食黃蘿蔔壽司   佢好奸笑話放心   食哂都得呀   無人會食依啲㗎   哈哈哈哈   衰得佢呢 @@

5 點半到餐廳   已經好多人喺度等喇   好在仔仔安排咗座位   咁去到一定有位呢 ~

咁里奧大人去攞位先   我就去影相   之後順便拎埋嘢食   一入到去   聽到團友喺度嘈   我心諗   黎玩係開心嘛   嘈乜鬼   我聽到個狂燥男團友話個女團友揀位座   又話個女團友啲眼神係想話佢咁   後尾里奧大人苦笑叫個女團友出去拎嘢食   佢幫佢地睇住個位 ~

唔知男團友張枱係咪有問題   因為佢地收走咗張枱   咁係咪煩丫   嘈黎嘈去最後都唔係坐呢張枱   嘈乜鬼丫   佢地仲係好似同枱添喎 ~

咁坐我隔離枱係同我同枱嘅好人夫婦   佢地個樣真係好 Nice   同埋客客氣氣   唔會搶食   因為我地果枱其中 6 位團友   佢地想夾果樣餸   就好自然轉去佢自己果邊   但佢啲朋友係夾緊架喎   已經唔係第一次   我覺得好奇怪囉   妳夾餸都要睇下有無人夾緊   妳先轉家嘛 ~

第 2 次我番到去坐位   里奧大人話高佬團友啲對話好搞笑   之後佢講番話高佬話佢就慣老婆之後   依家老婆成日挑戰佢底線   話佢依家比個老婆同個女食住   又話如果贏幾千蚊就唔出聲   但輸幾千就喺度嘈   佢個肥佬朋友話駛鬼理佢咩   啲錢又唔係佢   高佬又就話唔係咁講嘅   我同里奧大人話囉   好在個高佬都幫番個老婆   唔係就衰啦 ~

之後我同里奧大人話高佬老婆好無禮貌   頭先我去等淥菜   佢同淥菜嘅人講話要米粉   個淥菜人唔識聽廣東話嘛   問咗高佬老婆兩次   佢都無答人   我估佢唔識國語啦   咁唔識就指住啲米粉咪得囉   咁好人老婆就同淥菜人話米粉   再同高佬老婆講話幫妳咗咗米粉   但佢唔該都無聲   勁無禮貌   咁里奧大人話知佢無禮貌啦   話之前讓佢上車先   又係唔該都無聲   都唔明點解啲人可以咁無禮貌對人   但都知佢係粗人黎架喇   因為尋晚里奧大人幫我買尖叫嘅時候   佢喺飯店門口講電話   里奧大人話佢行咗 3 轉都聽到佢小黎小佢架   恐怖 ~

好人老婆問里奧大人係咪好鍾意影相   見佢重裝備喎   之後又傾下計咁啦   又介紹我去其他地方咁呢 ~

里奧大人一定等我等到悶呢   哈哈   事實我拎第一碟真係排咗好耐隊呢

朱古力噴泉

旁邊有棉花糖同生果

我對蛋糕無咩興趣

咁大粒提子   一定唔會夾黎食

睇番啲相   又覺得呢個幾好味咁   哈哈   感覺酸酸地呢

蟹腳  / 青口

冷盤

熱葷都好多款式

我記得佢寫係椒鹽蝦   但我真係見唔到有蝦喎

炸腸仔 / 烤雜菜 / 薯角

酥皮牛肉

燒味

Kebab

用黎烤嘅生蠔

燒肉區   右手面一串串燈色係雞肉   我覺得好恐怖咁   我食牛扒呀   即煎㗎

湯粉麵區   次次見都好多人排隊

湯

我嘅第 1 round   最鍾意食黃蘿蔔壽司同希靈魚壽司

里奧大人架   居然夾烤雜菜   哈哈  但無諗過佢會夾炸腸仔囉 @@

好奇怪點解里奧大人會夾有蟹籽嘅壽司   原來佢夾比我嘅   話見到有黃蘿蔔喎   umm   但其中 1 件係青瓜壽司喎

夾咗一次烤雜菜咋   之後都無再 refill   嗚嗚   上面塊三文魚骨好好味呀   食咗幾塊   呵呵

係我食㗎

同里奧大人 Share 食嘅   蠔肉超細粒 @@

仍然係我嘅   我好鍾意食呢個薯仔沙律同埋個香蒜意粉   但呢啲唔可以食咁多   因為好易飽肚

里奧大人食架   佢話想試下邊款好食   好食就當生日蛋糕咁比我食喎

都係我架   實在好想食菜   同埋想食熱嘢   咁食菜就最好啦   啲菜真係好清甜   我食咗兩碗呀    我都覺得自己好大食   嘩哈哈

食到 8 點就去 Walmart 行下   順便買埋 2 個 Laundry Bag   RMB29.9/個   我覺得好抵   淘寶都好似要 RMB70 架   所以點都要買呢   哈哈 ~

里奧大人知我好鍾意飲尖叫    所以佢話買 6 支番香港   再買埋 2 包黃飛鴻麻辣花生   估唔到真係買到嘢   呵呵 ~

嘩哈哈哈   終於比我坐到喇   里奧大人見我笑得咁開心   係咁叫我玩   不過我唔玩啦   一個人玩好悶   但其實兩個玩咪一樣分開行   哈哈   原來我坐就真係啱啱好   唔會吊腳又唔會伸咗出黎   不過我驚我興奮得滯會反艇   所以影完即走   哈哈

Burger King 甜品屋   超搞笑

好樣衰   哈哈

個名掂呀

9 點番到酒店   執埋嘢就沖涼   睇埋尋晚未睇完嘅戲   10 點 45 分瞓喇 ~

大堂無人   好難得呢

最鍾意洗手間係咁   可以望到出面   因為我好驚一個人喺洗手間沖涼呢

呢日行程完畢 ^^