火鍋配料一般
稻庭烏冬好煙韌呀 大愛
芝士焗咖哩雞伴鮮茄豬扒鴛鴦飯 ($58) - 里奧大人話幾好味
巨峰提子粒粒梳打
( 15-DEC-2018 SAT )
今朝同家姐食早餐 我最開心的 哈哈 同佢食嘢 佢一定分一半比我先 咁要是我食唔哂 佢又夾硬食埋 唔會嘥嘢 ~
菇場超多嘢做 不過所有大粒唔喺度 所以我就拚命 Load 相 好想快啲 Load 完 唔駛成日要記住做一件事囉 ~
放工即走 同里奧大人 & 水姑飲茶 飲完就同里奧大人行陣德福 行到 3 點半佢就聽講座 我就去拎淘寶 ~
姑奶浸完 2 隻釀尖椒 居然唔食啲尖椒 里奧大人見到好愕然 問佢係咪唔食 ?! 佢話咁肥點食 ?! 好心咪咁折墮啦 明知肥妳又叫嚟食 ?! 不知所謂
我食嘅時候 佢又問我浸唔浸 我都費事理佢 不如唔好出去飲茶好無 ?!
我話食雞扎 水姑話佢都想食 咁都好㗎 因為我食唔哂 咁一上枱呢 佢就夾哂自己鍾意食嘅腐竹同芋頭係度浸浸浸 (左上角) 我想話雞扎唔係咁食 係一件咁夾起來食 同埋比妳撩到咁鬼樣 見到都無哂胃口食啦 ?! 頂妳 今次比我覺得佢衰格到不得了 所以之後我同里奧大人講 唔該你下次話下你家姐 食嘢唔好食到咁衰格啦
成日話呢碟四季豆最健康 唔油喎 但我次次都見到每條四季豆都好多油囉
講真 唔係想同里奧大人食嘢 依家真係好唔想同水姑食 次次一張枱實有幾隻浸完油嘅碗 失禮死人啦 同埋真心覺得 妳咁很驚肥 就唔該妳自己番屋企烚塊白麵包食啦 麵包都用牛油整架 肥呀 記得用熱水烚呀 ~
真係下次買個牛角酥比佢 睇下佢會唔會浸來食先 ~
食完就同里奧大人行陣德福 之後里奧大人 4 點要出去聽嘢 我就去拎淘寶 終於比我見到鞋舖有開 即去買鞋先 因為平時係唔開㗎 星期六日又收得早 ~
買咗 3 對都只係 $600 仲要係 Made in Korea 最緊要係勁舒服呀 ~
買完即去拎淘寶 之後就番屋企喇 ~
番到屋企都已經 4 點 45 分 開埋機洗衫 晾埋衫都差唔多 6 點 又要出發去旺角喇 ~
估唔到會塞車 所以諗住接里奧大人 點知到佢等番我 ~
諗住去韓燒同酒樓打邊爐 但其實又唔係好餓 所以再去搵其他嘢食 最後見到有間一人火鍋就入去喇 ~
食完就搭地鐵去舖頭幫手 同里奧大人傾開偈 佢又講番啲老問題 好麻煩 真係同佢啲家姐一九樣 自私到爆 不過咁都好 我真係知道邊個係人 邊個係鬼 要是我蒙在鼓裡就大鑊了 呵呵 ~
幫到 11 點半就搞掂 即打的番屋企喇 沖埋涼抖陣 12 點半先瞓 ~
沒有留言:
發佈留言