住家飯 @ 家姐屋企 ( 16-DEC-2018 )

蠔油花膠燜鴨掌 - 好味道   估唔到糟糟成家都鍾意食   所以整咗 1 盒比佢哋   



海蝦真係好鮮甜



粉葛紅蘿蔔豬骨湯 - 好味道呀



白切雞 - 新鮮雞係好味道   不過依家前工人煮嘢有啲失魂   所以隻雞無咁滑



工人特登整薑蓉比我食   我一定要食哂啦   呢餐我話食飯   原本得我一個食飯   我話要撈薑蓉嘛   但佢煮到啲飯腍到呢   好似食緊潮州粥咁

紅蔥頭



蒸西斑 ?!   家姐好似話東斑好味   今次佢比人呃咗 



炒萵筍

芋頭西米露



( 16-DEC-2018  SUN )

今朝 8 點 45 分起身   搞掂哂就去食早餐   里奧大人早啲去拎位   估唔到同教友坐一張卡枱   食下傾下   所以番學遲咗少少呢 ~





崇拜完之後就去德福行陣   順便食埋嘢 ~

食完去 Piago 買咗曲奇餅   買夠 $88 就送 2 個盒仔   所以買多盒牛油酥比家姐   哈哈 ~



番到屋企都差唔多 4 點   里奧大人就瞓晏覺   我睇睇下 Youtube 都瞓咗半個鐘 ~

今晚去家姐屋企食飯   家姐話屋企無啤梨   如果要就一陣出去買   我話唔要   但其實我好奇怪   無啦啦做咩講啤梨   佢上次比咗雪梨我之嘛   唔通以為我都鍾意食梨 ?!   之後佢又問係咪我會喺 7 仔買 ?!   呢次真係聽到我一頭霧水喇 ?!   7 仔買啤梨 ?!   我問佢其實係咪 Send 錯比我   妳係想問其他人呀 ?!   佢話其實佢想話係 "啤酒"   哈哈哈哈   笑死我呀真係   好在我問一問咋 ~

里奧大人 5 點半起身   咁家姐差唔多 6 點都嚟度車我哋   我一入屋第一時間玩狗仔   勁得意呀   超級細隻 ~

咁我問家姐隻狗仔叫咩名 ?!   佢話叫 Berry   係狗場改㗎 ~

勁細隻勁可愛   里奧大人都抱咗好耐啦   因為 Berry 好嗲佢   令我羨慕又妒嫉   哈哈



好大對眼仔



的的骰骰   非常之可愛 



同手機 Size 一樣



楚楚可憐咁款



7 點左右開飯   抖陣再食糖水   飽到上頭頂 ~

食完又即抱 Berry   佢又係咁瞓覺   挨哂落妳度瞓   勁得意 ~

喺我大肚腩度瞓覺



Load 相見到我尖尖嘅下巴   無 P 圖㗎   只係條頸巾包得非常之好   哈哈   要是我真係咁 V 面   真係人生無憾了 



我真係第 1 次抱出世 3 星期嘅狗仔㗎   之前抱麥包   佢都已經 4 個月定 7 個月



瞓啦   勁可愛



嗲到佢呢





完全唔覺佢抱緊隻狗仔



里奧大人怕 Berry 凍   所以用件褸遮幫佢擋住啲風
   


好得意呀妳   個頭細細個   我話好似粒大嘅豬腰芒咁

咁家姐要去糟糟屋企   所以我 8 點 45 分都走喇 ~

咁我行緊番屋企嘅時候   見里奧大人拎住個袋   嗰袋係比糟糟㗎   所以即刻叫停家姐   佢勁驚呀   哈哈   佢話好在頭先里奧大人開咗少少窗   咁先聽到我叫佢咋 ~

沖埋涼就開機洗衫   之後休息喇 ~

睇多陣電視   11 點幾瞓覺 ~