我覺得呢個係生日蛋糕
無啦啦有隻 Transformer
朱古力噴泉
生果
壽司
凍嘅海鮮
熱葷
香腸
燒鴨
豬腳薑
炸魚柳
唔記得咩煮牛舌
炸蝦
炸三文魚
烤生蠔
粉麵檔
佢煎緊牛仔骨
我嘅第 1 Round
粟米好大條 同埋好甜呀
燉雞湯
我見到煎魚 所以要 2 條
好味呀 因為唔腥
每人會送一個木瓜燉雪蛤膏 我只能食木瓜
芒果布甸口感怪怪的 但焦糖燉蛋好味道呀
食埋雪糕先夠完美 哈哈
感恩一覺瞓到 10 點 起身嘅時候 里奧大人仲以為我校錯鬧鐘添呀 因為佢都好好瞓呢 哈哈 ~
我唔知原來要着套按摩衫褲先可以去食早餐 所以刷埋牙就即去食早餐先喇 ~
去到餐廳 見到姊妹 M & 老闆娘兩 Pair 其餘就出去食 因為全團人得我無上網 所以 Ivy 好驚我未起身 咁姊妹 M 即影番張相 等佢知道我哋一齊食緊早餐 哈哈 ~
餐肉蛋公仔麵 (RMB38) - 都好大碗喎 好在 Share 食 今次到我忍唔住要食西瓜 因為個喉嚨好痛 食完舒服好多咁
如果無 Book 房就好似喺呢度瞓 我就唔會喇 始終我鼻鼾聲好大 一定嘈住人哋囉
食完即番房沖涼喇 我哋習慣尋晚執定所有嘢 沖埋涼就執埋日用品 咁樣就快好多呢 ~
拖喼真係好方便 始終呢兩日天氣比較凍 衫都厚啲 同埋我一定要換衫同褲 所以里奧大人成日話我麻鬼煩囉
水會地方好大
成日搭 Lift 上上落落 但成日記錯樓層 哈哈
尋晚就係一出 Lift 係男賓部 咁我行去女賓部又無認路 唉
11 點半就一齊喺 Lobby 等 我哋個個都有早無遲 哈哈 ~
里奧大人話想影低房卡 咁張劵又捲埋咗 個職員即刻按住張劵 比里奧大人影相 等我哋影完先走
老闆娘兩公婆負責 Check-out 辛苦佢哋啦 今次行程都係佢哋負責安排㗎
搞掂哂就即出發去羅湖 我哋去小桃源飲茶 估唔到要等位呀 好似等咗半個鐘 ~
今次同每個弟兄姊妹都傾下偈 呢啲感覺非常之好 因為平時真係好少時間傾偈 今次個個都好少兩公婆一齊行 除咗食飯 個個掛住傾偈唔願停 哈哈 ~
里奧大人同男子組又係傾唔停 不過佢同教會啲弟兄真係好多話題 有時我同姊妹傾完 佢哋都未傾完 ~
咁我尋日搽 Hand Cream 又順便比埋姊妹 M 搽 原來佢勁鍾意 Lemongrass 嘅味道 之後我比哂所有姊妹搽 咁啱老闆娘 1 月會去泰國 佢哋個個叫老闆娘幫手買幾支 不過我話 MBK 無咩嘢行 我都係為咗買 Hand Cream 先去咋 ~
@ 小桃源酒家
蒜蓉蒸秋葵 咁樣整又好味道喎
生滾滑雞粥 呢個好味道呀 可能我唔多舒服 好想食熱嘢
福建炒飯
一次過拎出來 我都影唔切 哈哈
我叫嘅茶粿 口感係腍 Pat Pat
唔記得咩甜品
以前成日喺羅湖商業城按摩 嗰時好鬼平㗎咋 一百人仔 3 個鐘 咁嗰時啲人仔又好好駛 所以好多時都會嚟按摩呢
我哋約埋另一對姊妹 L 兩公婆 3 點喺羅湖集合 再一齊行去搵昇寶嘅團友 今次參加佢哋嘅 "純玩天半團 (團費 $529/人 & 導遊費 $60/天)" 我依家先知有天半團咋 ~
@ 羅湖口岸
我哋個團只係 23 人 但安排一架 53 人大巴 勁正喎 大把位任你坐 哈哈
@ 惠陽淡水五星級麗景花園大酒店
房卡 & 早餐劵
一入房即 Check 下啲嘢有無問題 最緊要有熱水 搞掂哂 大家又出去周圍行下喇 ~
今晚我哋有感恩晚會 所以買啲零食呢
影呀影
我哋買咗 1 隻燒鴨
無咩人嘅街 真係好舒服
喺呢間花佳商場買咗椰汁同菠蘿啤 我就私人買咗 3 包薯片 一陣一齊食
里奧大人影㗎 佢都係一見到 Minions 就會影比我睇 哈哈
6 點左右番到酒店食自助餐 食下傾下真係好開心 好難得咁多人可以聚埋一齊呢 ~
呢度係餐廳入面位置 但其實我哋坐近門口位置㗎 不過咁都好 因為入面好焗呀
8 點幾食完 之後上酒店拎番啲嘢又出去按摩喇 ~
餐廳後門有對 Hello Kitty
等 Lift 位置都好靚
呢個係真火爐 啱哂我喇 我超級凍呀 好在帶多件長袖裇衫 所以呢晚我咩都着哂上身
近近哋喺酒店範圍按腳
離遠睇好似真人
好 Cyber 咁喎
我哋男女子組分開按摩
價錢都 OK
大堂
咁有個男按摩師入嚟 我話 OK 但估唔到其他姊妹要女按摩師 因為佢哋驚男嘅好大力 咁其實我男女無所謂 但人哋入到嚟 真係唔好意思叫人走啦 之後個男按摩師都話我好受得力 哈哈 ~
按摩完就即番酒店喇 預備開感恩晚會 我哋喺組長間房開會 估唔到佢間房係最大 真係整定咁 哈哈 ~
我哋每人喺自己房拎 2 張櫈同 2 隻杯 如果有 CCTV 睇住我哋都幾搞笑 做乜鬼個個都拎住張櫈入間房 ~
擺好禮物 影埋大合照 10 點半正式開始 詩歌分享 + 感恩環節 之後又齊齊食嘢喇 ~
阿 Jack 又講番佢喺男賓部換衫嘅笑料 笑到個個肚都痛同出哂汗 呢單笑料真係好似拍戲先出現 所以我哋好多謝佢帶比我地無窮歡樂 哈哈 ~
姊妹 K 真係好有心 帶咗禮物比我哋抽獎
我提供薯片 姊妹 M 都提供咗喺泰國買嘅勁辣薯片同朱古力餅乾
呢度係 1 隻燒鴨 估唔到都好味道
原來係菠蘿啤果味飲料 個個以為係菠蘿啤 哈哈 但啱我飲喎
又圍埋一堆傾偈 同埋等里奧大人 Set-up 影相 哈哈
我抽到嘅禮物係酒心朱古力呀 我想食好耐㗎喇 但唔會買囉 因為里奧大人唔食嘛 所以一拆開見到就好開心呢 諗住開嚟一齊食 點知另一個姊妹都已經開咗佢嗰盒呢
11 點幾散會 其實頭先我都好辛苦 個身滾熱辣 但個人就好鬼凍 不過我唔敢同人講 唔想掃興 又唔想佢哋擔心 ~
所以我番房之後即沖涼 其實喼都未開 但我唔等里奧大人開喼拎洗頭水沐浴露喇 用酒店嗰啲 算喇 我只想快啲沖涼快啲瞓覺 ~
沖咗個勁熱水涼又好舒服 但其實應該唔好咁熱嘅水 始終我要降溫嘛 ~
第一次牙都唔刷就上床瞓覺 因為我好凍 好辛苦呀 咁里奧大人真係知我好唔舒服 我無試咁嘛 ~
影呢張相已經 12 點半 咁肯定里奧大人好夜先瞓了
沒有留言:
發佈留言