東風螺 我無食呀 驚好油
豆腐好滑 好味道
薑蔥炒蜆 我食咗好多薑蔥 如果自己整到咁嘅味道就好了
豉椒炒蜆
椒鹽蝦碌 好味道呀
豉油王蝦碌
估唔到有膏
魚香茄子煲 呢個勁惹味 價錢好似 RMB68 但份量係香港嘅 2 倍
臘味炒芥蘭
蒜蓉粉絲蒸扇貝
蒜香骨 我覺得好油
炒飯 呢個係例牌 但 14 個人都足以每人一碗呀 份量超級多
榴槤 / 香蕉烤餅
生熟地豬骨湯
( 29-DEC-2018 SAT )
今朝 7 點半起身沖涼 之後食早餐 再番屋企抖陣 9 點 15 分出門口喇 ~
今日同小組弟兄姊姊一行 14 人去旅行 最難得係里奧大人 31 號唔駛請假 咁我喺 Group 話參加嘅時候 另外 1 Pair 都話佢哋都去呀 難請齊人呀 哈哈 ~
我哋約咗 10 點半喺上水火車站等 所以我哋都搭地鐵再轉火車 今次都係坐頭等 拎住個喼比較麻煩嘛 ~
咁里奧大人話早到 就去洗手間 咁我影下相 之後聽到後面把男人聲好熟 原來係阿 Jack 再見埋弟兄 P 其實我哋可能同一班車添呀 哈哈 之後 Ivy 同姊妹 M 都喺洗手間出來 ~
人齊哂再商量好後 決定去落馬洲 ~
我哋一大班人 所以全部都好少會兩公婆一齊行 個個又傾下計咁 真係多咗交流 因為好多時一散會就走人 無咩真正傾偈咁呢 ~
里奧大人掛住同弟兄傾偈 咁我哋喺步行電梯嘛 我叫里奧大人小心呀 因為差唔多到嘛 但佢終於都跌倒啦 好在弟兄即刻扶起佢 仲話里奧大人好身手 起身得快 里奧大人話最感恩係後面唔多人 唔係就煩喇 ~
今次都係我衰 我應該大聲啲講話到嘛 但其實我望到里奧大人嘅時候 都差唔多到 唉 ~
我之後都話里奧大人 倒轉身傾偈係好危險 個個掛住傾 唔會望幾時到囉 感恩無趺親咋 ~
去到落馬洲 姊妹們要去洗手間 所以喺扶手電梯附近等啦 居然見到教會 2 Pair 弟兄姊妹 真係唔知道世界係大定係小 哈哈 因為如果無人話去洗手間 我哋係唔會見到呢 ~
原來都差唔多 11 點 15 分喇 咁去飲茶 我話我係相機食先 估唔到姊妹 M 又係相機食先 之後佢仲會放埋啲相喺個 Group 度 所以佢負責影相 哈哈 ~
3 日 2 夜真係要拖細喼 加上呢幾日又凍 所以啲衫寧願帶多好過帶少呀
蟹籽燒賣皇 - 好大粒嘅燒賣 但咁樣睇唔覺 哈哈
叉燒焗餐包
香茜牛肉腸
香煎粟米餅
香煎蓮藕餅
香煎蘿蔔糕 - 里奧大人以為有老干媽辣椒醬供應 我話一定無啦 最終得豆板醬 但都好好味 好香辣
排骨陳村粉 最好味係陳村粉 有啲煙韌嘅口感
個個叫啲 叫到一枱食物 好耐無試過咁喇
香煎蔥油餅
酥炸鯪魚球 好味呀 唔好睇個樣咁肉酸 哈哈
再來
蒜香蒸肉排
黑椒金錢肚
五香咸水角
椒鹽九肚魚 (例)
秘制香煎豆腐 (例)
文昌雞
真係平到笑
飲完茶就坐車去水會 Check-in 上房放低行李就出發去 COCO Park 喇 ~
RMB118 按 2 小時 但其實只係個半鐘
出發喇
@ 水景雲天
大堂另一邊
上房喇
我哋有 4 Pair 住客房
搞掂哂就出去行下 一大班人一齊行一齊傾 超級開心呀 ~
行到去福民站搭車去 COCO Park
傾下講下 話咁快就到
COCO Park 似乎好大咁噃
個商場好焗呀 行完超市覺得無嘢好行 所以即轉場 此地不宜久留
接近香港價錢
第一次見紙盒裝
四洲出嘅芥辣味熱浪
行去皇庭廣場
繼續周圍行 行到皇庭廣場又入去睇睇 其實頭先焗到個個都攰哂 所以姊妹 M 見到間榴槤甜品店就入去坐 好在我哋個個都鍾意食榴槤 哈哈 ~
好似幾好味咁
百香青檸茶 (RMB28) - 我好鍾意食百香果啲核 夠奇怪呀呢 哈哈
榴槤咖啡 (RMB20) - 姊妹 M 話好香榴槤味 所以我又買來飲 味道唔錯呀 呢間叫四季榴槤 唔記得邊個弟兄講 話以為呢間係四 "雪" 榴槤 哈哈 又幾鬼似個雪字 哈哈
榴槤泡芙 ($26/2個) - 好多榴槤蓉呀 好味道
弟兄 N 嘅 Latte
Ivy 食嘅榴槤千層 - 都好多榴槤蓉 好味道
姊妹 SF 買咗榴槤撻 不過我無試喇 因為已經好飽
食到好飽 5 點喇 原來大家已經 Hea 咗個幾鐘 呵呵 ~
再見 COCO Park
姊妹們話想買電話套 所以去東門 係咪咁邪呀 我之前同里奧大人講話唔會再去羅湖同東門 點知今次去哂呢兩個地方 ~
行去搭地鐵
去到個唔知咩商場停一停 影下相
之後繼續行去地鐵站去東門喇
6 點左右到東門 Ivy 佢哋就睇電話套 有啲就去睇 DVD 我同里奧大人就乜都睇下 ~
出番去見到睡裙只係 RMB29 仲要長袖珊瑚絨質地喎 所以即買 2 件 之後姊妹 M 同 K 見到我買 佢哋又買 咁里奧大人咪話我囉 頭先又話咁厚點着呀 ?! 講完唔夠 15 分鐘就買 2 件 所以佢成日話我精神分裂 哈哈 ~
因為落雨 所以入商場行下
仍然周圍行
我買完之後就同里奧大人講 驚唔啱着呀 之後里奧大人話如果咁 都好難幫到妳喎 妳自己望下個牌 哈哈哈哈 正衰佬
應該有阻嚇作用
夜晚落毛毛雨呀 感覺又凍咗 好在帶咗冷帽 ~
差唔多 7 點就行去食店 行下傾下 都差唔多 1 個鐘 哈哈 怪不得咁攰啦 ~
@ 寶發食館
我哋坐最入
選擇困難症 因為樣樣都想食
食完就行去搭地鐵番水會 頭先覺得行好遠 食完飯夠哂氣力又唔覺得行好遠 哈哈 ~
好恐怖
@ 曬布站 我覺得個名好得意
番到水會 沖埋涼都差唔多 11 點 其實開始有啲眼瞓 不過買咗按摩劵 所以今晚一定要按囉 ~
咁我同里奧大人去換衫 之後再約喺 Lobby 等 ~
我一入女賓部就見到老闆娘 我換埋衫諗住搵里奧大人 佢話男賓部唔可以入㗎 叫佢老公搵里奧大人上去就得 ~
咁我同佢一齊上去啦 之後叫老闆去搵里奧大人 咁弟兄 P 又話唔見佢老婆 老闆娘話好早喺更衣室 但都唔見佢老婆喎 ~
無耐我又落去女賓部搵姊妹 M 終於見到佢 我即同番弟兄 P 講 咁 10 分鐘之後得老闆上嚟 話唔見里奧大人喎 我勁驚呀 所以我嚇到成個身熱哂 ~
之後我醒起 我原來係約里奧大人喺大堂等 咁我同老闆即落大堂 但我去女賓部同姊妹 M 講聲話一陣按腳地方等 咁職員行過嚟問我係咪房間 XXXX 我勁驚問咩事 ?! 佢話有個人等緊我 原來里奧大人話唔對路 點解等我咁耐呀 ~
終於 11 點半先開始按摩 我個按摩師好大力按我頸同膊頭位置 之後我都覺得鬆咗好多 但按腳就無咩力 佢以為我瞓咗就咩都唔知啦 但里奧大人話佢一路睇手機一路按我腳喎 ~
我按摩咁多次 第一次瞓着咋 無計啦 呢個係瞓覺時間嘛 ~
兩個人嘅貼士都 RMB160 我覺得貴呀 ~
一起身喉嚨好痛呀 之後又覺得成個身勁凍喎 心知不妙 好在沖咗涼 可以即刻番房瞓覺 ~
沒有留言:
發佈留言