金坊泰國美食 @ 紅磡 ( 17-FEB-2019 )

菠蘿海鮮炒飯 ($63) - 味道 OK 啦

鴨肉生菜包 ($86) - 原來係辣㗎

雜錦拚盤 - 蝦餅 / 魚餅 / 春卷 / 香葉包雞 ($108) - 我勁鍾意叫拚盤   樣樣有啲

蒜蓉炒雜菜 ($78) - 好味呀

鐵板蠔仔煎蛋 ($98) - 我唔係咁鍾意食㗎   但里奧大人 & 大食話叫   咁就叫啦

芒果沙冰 ($32) / 椰汁沙冰 ($32)

( 17-FEB-2019  SUN )

今朝我 9 點半醒咗   不過懶床懶到 9 點 45 分先起身 ~

里奧大人都估唔到我今朝早醒過佢   所以今朝又早咗出門口   又可以慢慢食早餐 ~

我話想睇聖經   所以 11 點 15 分左右番到教會   點知一入去就有人叫我   原來係姊妹 K   咁又傾陣偈   之後又見埋 Ivy   咁唔駛睇聖經喇   哈哈 ~

今次証道信息係 "不要憂慮"   我即同里奧大人講話好啱佢   不要為明天憂慮   因為一天的難處一天當就夠了   有時憂慮只會令人更加憂慮   但我哋要相信   神供應係永不缺的   只是當中學會順服忍耐   神與我同在   我真係無任何懼怕 ~

我有時同里奧大人分享   如果要我咁咁咁   我會點 ?!   等如依家有任何事奉   我都會 Go Ahead   咩都要試   要是呢個係神比我嘅事奉   我絕對有能力應付   唔需要驚咗先囉   佢話我信神嘅決心好大   咁當然   我真係成日話神與我同在   我咩都唔怕㗎 ~

崇拜完畢   里奧大人番屋企做公司嘢   我又飛去家姐屋企探 Berry 喇 ~

家姐 Whatspp 話 Berry 想瞓   我話唔好比佢瞓  哈哈

雙眼無神   目中無人   哈哈哈哈

最後頂唔順   瞓咗 10 分鐘

今日到家姐同 Berry 姐出嚟接我   Berry 姐見到我好似幾開心咁喎   想撲埋嚟咁   但呢啲都係純粹我自己個人諗法   哈哈哈哈 ~

一入屋   家姐就比生日利比我   我話人哋唔知   真係以為我來拎利是   好日唔來 ~

之後家姐係咁問食唔食燒賣 ?!   我話唔食呀   仲好飽 ~

利是封好得意

勁鍾意睇人地全盒   因為我屋企無擺   多多嘅鳥結糖好味道㗎   家姐話 $140/40 粒   都貴喎

阿 Berry 姐嚟料喇   想嚟咬我喇

我比 Berry 姐咬爛件衫呀   褲又咬穿咗幾個窿仔   大佬   一陣去探婆婆㗎   爛身爛世嚇親老人家   哈哈哈哈 ~

咁家姐話打佢嘛   但要拎條軟嘅嚟打佢   即係根本唔捨得打佢啦   呵呵 ~

衰女包   咬爛我件衫呀   聽住 "裂喇" 一聲   家姐都即刻望過嚟   話無錢賠㗎   哈哈

咪扮乖喎

瞓住都要咬

靜靜哋咪幾好囉   我可以影下相

之後又咬家姐隻手   哈哈

家姐朋友話花脷好曳㗎   但其實唐狗好多都係咁呢

想瞓喇   我等咗好耐

點都唔瞓

無啦啦又呢埋喺梳化底

2 點半   衰女放完電 (咬完我) 就開始攰   灘喺梳化   點 Fing 佢對手仔都無反應   即係唔咬我呢   咁即係要瞓覺   但佢成日瞓梳化   我叫家姐同我一齊霸哂啲位   再將啲枕頭放哂喺梳化   唔好有空間比佢瞓   咁佢就一定要瞓喺我身上喇   哈哈 ~

2 點 45 分終於瞓喇   勁開心   瞓到 3 點半呀   抱住佢   我真係連抖氣都要慢慢來   輕輕力  驚郁親佢呀 ~

終於忍唔住想瞓覺   呵呵

我一郁   佢又醒   但其實佢對眼真係無哂神囉

瞓就瞓啦  

鍾意迫埋一堆   有安全感嗎 ?!   其實梳化無位佢瞓   哈哈

瞓啦   好無呀



眼啤啤

真係攰喇佢   點郁佢都無乜反應   呵呵呵呵   阿姐   其實我都等到好攰呀 

托住頭仔咁瞓   勁得意呀

腳痺都值得   哈哈哈哈

其實佢真係好眼瞓   但我郁一郁佢又醒

終於成隻喺我身度喇

我哋唔敢郁嘛   又唔敢傾偈   驚嘈親 Berry   咁家姐用手機睇新聞   突然開咗聲   嚇到佢即刻望住我   好驚咁話唔知突然間有聲   哈哈哈哈 ~

我抱番佢上啲   咁我可以攬實佢

勁開心呀我

個樣好搞笑

無啦啦對眼又好精神咁

之後家姐托住佢頭仔   估唔到佢又瞓

今日真係 "不枉此行"   因為勁想抱住 Berry 瞓覺呢 ~

我話咁快 4 點架喇   家姐話喎   因為 Berry 姐喺度   如果唔係妳會覺得咁耐先 4 點   哈哈哈哈   黐鬼線 ~

咁家姐又問我食唔食燒賣 ?!   我話真係唔餓喎   因為朝早早餐份量好多  可以頂到夜晚   哈哈 ~

4 點半左右都走喇   Berry 姐居然想跟埋出嚟呀   我話唔知係咪見親我就以為出街呢 ?!

家姐車我番屋企   所以唔帶 Berry 啦   唔係一陣走來走去仲危險 ~

咁我順便叫里奧大人拎埋啲手信同埋支酒比佢   終於我可以了咗心事啦   哈哈 ~

同里奧大人一齊搭車去探婆婆   我話 Berry 咬爛我件衫呀   之後話尋日家姐唔喺屋企   衰女成日咬我呀   佢好愕然話: 妳家姐尋日唔喺屋企 ?!   我話係呀   要番工嘛   佢話妳個癮真係好大喎   無諗過得我一個人都會去探 Berry ~

5 點半左右到紅磡   約埋大食喺婆婆屋企樓下等埋我先一齊上去 ~

原來大食媽咪都喺度   不過佢話一陣都要番屋企   唔同我哋食飯 lu ~

婆婆係咁叫我哋食糖食朱古力   咁我記得大食話婆婆一早買咗 10 盒金莎   但阿姨話其實買咗廿幾盒呀   我話真係唔駛買咁多啦   所以我地又每人拎一盒走   益咗我哋   哈哈 ~

6 點 15 分左右就出去食飯   近近地金坊   咁因為有級樓梯   我哋 3 個推唔到輪椅上去   咁有個阿婆幫手推呀   堅感動   仲以為係食店員工   原來佢係經過咋 ~

食到接近 8 點就去婆婆屋企坐陣   差唔多 9 點就走喇   同埋大食一齊搭地鐵 ~

細舅父無啦啦 Whatsapp 我   問埋啲怪嘢   我哋話佢有古怪   所以商量點覆佢 ~

咁大食又想知佢又點覆番我嘛   所以話一齊坐到官塘   里奧大人都話佢遊車河喎   不過佢話佢可以喺青衣轉車   我話由佢啦   反正佢係夜鬼 ~

家姐 Whatsapp 比我睇 Berry 幾乖

番到屋企都即沖涼   咁我叫大食番到屋企 Whatsapp 我嘛   我 11 點都預備瞓   但佢仲未 Whatsapp 我   咁我問佢喺邊 ?!   佢話啱啱入門口   我話 2 個半鐘先番到屋企   笑死我啦   佢仲話地鐵抵搭啦   新界港九坐勻哂   哈哈 ~

諗住瞓覺   家姐又 Whatsapp 我   終於 11 點半先瞓得   哈哈 ~