今日要番香港喇 所以校咗 8 點 15 分起身 ~
沖埋涼搞掂哂都 9 點 係時候出發喇 ~
行下影下 條街無咩人真係好舒服 呢幾日真係愛上咗台北嘅寧靜呢 ~
一定要貼呢個牌 唔係一陣同我執房就麻煩了 哈哈
依家酒店會幫客人訂手信 真係好方便
台北天氣同香港差唔多 又係濕濕熱熱咁
好曬呀
無人 呵呵
其實跳起都無 1 吋 哈哈哈
我覺得黑金剛花生味道麻麻哋
好多店舖都係週一公休
如果想影關咗門嘅店舖 時間就一係晨咁早 一係鬼咁夜 但今次撞正新春假期 真係幾點影都得呀 勁開心 哈哈哈哈
要是咁寧靜 真係只能新春假期來呢 哈哈
舒服
好熱呀
好靚喎
咁早都預咗無咩人呢
去過台北幾次 都無行過康是美
一望上去係整片天空
人唔多 車仍都唔多
諗住去永和豆漿 但太多人排隊 所以唔等 lu ~
好多人排隊
好大隻湯包
咁去茶堀出軌啦 原來去到都 9 點半 唔怪得有啲餓啦 哈哈 ~
無人好舒服 哈哈
特選早餐 去旅行真係食咩都無所謂 學里奧大人話齋 樣樣都試下 所以我帶佢食嘢 永遠唔會有壓力 呵呵
續杯半假又抵喎 不過我地無續 因為一杯 Share 飲已經好夠了
我張張悠遊卡放喺電話套入面 嘟卡好方便 但里奧大人就過唔到機囉
招牌肉蛋吐司 (NT$120)
我要加芝士 講笑咋 其實係餐紙巾來呢
咁睇塊吐司唔吸引 但其實係外脆內軟
差唔多 HK$81
杯墊都好靚
食完就去三兄妹買嘢食 之後又周圍行下 11 點左右番酒店 lu ~
里奧大人即刻買杯苦瓜蜜糖
最後一擊
里奧大人叫我比錢 我比 NT$ 100 咁等職員找錢啦 之後里奧大人話唔駛找㗎 佢杯係大杯 NT$100 早講嘛 明明睇到係 NT$85 元
里奧大人話三兄妹好飲啲
西門町 有機會一定再來
好記得第一次嚟台北 勁鍾意食呢啲一包包嘅生果 因為里奧大人咩都話好平好平 其實之後計番都唔係平 咁果時我又無咁精打細算嘛 但上次再來台北就唔會再食 因為直頭好貴呀 同香港差唔多價錢呢
其實係里奧大人又按錯制 但又真係好似想影條街咁喎 哈哈
再拎住杯苦瓜蜜糖跳多次 跳完熱到爆炸 其實里奧大人最辛苦 因為佢就哂我 "跳高" 嘅角度 哈哈哈哈
寶成門
義美巧克力好味道㗎 我買咗 6 盒 次次都係第 2 件 6 折
紫色牆好靚呀
北?水
全部店舖無開
番酒店抖陣 好似 11 點半 Check-out 但我哋 11 點都走人喇 拎行李落 Lobby 再周圍行陣 ~
執番好張枱 其實張枱好細
床頭櫃個角好尖㗎 呢樣真係好唔細心囉
我鍾意呢啲牆紙
細細部電視
房卡好老土 哈哈
11 點 15 分走人喇 放喺行李喺酒店 Lobby 就去西門町附近行 ~
隻門都好細隻
酒店設有行李磅 咁又好喎
有個照相區 我好無聊咁企埋去影張相
就係影咗呢張相 哈哈哈哈
又行番西門町 今日真係好熱呀 ~
其實平時嘅西門町係好熱鬧 所以去呢個地方係唔會悶 好多嘢睇 好多嘢食 只不過今次新春假期關係 好多店舖都休息 其實開哂又點 我同里奧大人都食唔到咁多 哈哈 ~
雖然熱 但都會周圍行
一陣再買杯來飲
又經過永和豆漿 終於無咁多人 所以買個飯團 不過個飯團好鬼熱 無可能一路行一路食 咁天氣又熱喎 里奧大人等到流汗 咁我話去食冰啦 ~
唔多人㗎喇 但都要排隊
以往要排隊 我哋一定買多啲 但依家唔會啦 好記得等胡椒包等好耐 所以一口氣買 4 個 之後十年唔敢再食胡椒包呀
救火栓
想好很重要 ?!
里奧大人負責排隊
密密包呀佢
油炸鬼好脆咁
油炸鬼真係好長 但點解同餈飯嘅係唔同色嘅 ?!
超級勁熱 拎起上手差啲想掉咗去
里奧大人話係刨冰就得 哈哈 佢真係熱得好緊要
我哋落樓下坐
越坐越多人 無諗過啲人咁早食冰 哈哈
幾難先見到個紙巾筒呀 哈哈
我影得好樣衰
芒果 + 芒果雪花冰 (NT$150) - 芒果都甜呀
連樓梯都可以寫 咁寫好辛苦喎 哈哈
其實佢可以比啲笑容
我仍然要 B 少冰 (牛奶多) 其實我無飲過 A 哈哈
鮮奶好過奶精
就咁睇個色都知道咩黑糖味道了
尋晚已經見佢企喺度 "un" 㗎喇
開始多人
本來想喺西門町食埋嘢直出機場 但又無咩好食咁 因為好多都係烤肉 我唔想食到成身味呀 最後都係去台北車站食嘢 里奧大人話好想食番第 1 餐嘅泰國菜 咁一定好啦 難得佢鍾意食嘛 ~
番酒店拎行李了 好唔想番香港呀 哈哈
去咗遠東 21 商場睇下 里奧大人好驚訝話居然無扶手電電梯 所以呢個商場都應該幾有歷史 但經過 Food Court 估唔到冷氣好勁喎 因為次次經過其他啲 Food Court 都好焗呢
拖喼上扶手電梯 咁我之前只預留多一格位 點知比個阿伯攝入嚟 我個喼差啲比佢整跌 勁危險囉 之後我黑哂臉 里奧大人問乜事
呢日未完㗎 ^^
沒有留言:
發佈留言