新春大吉 @ 台北 DAY 3 (PART 1/2) ( 4-FEB-2019 )

( 4-FEB-2019  MON  PART 1/2 )

今朝 6 點半起身   沖埋涼就出去食早餐喇 ~

今次天氣預測就準喇   哈哈

台北市區 Forecast  18 度   我覺得 13-15 度咁呀

落毛毛雨呀   所以凍咗好多   我同里奧大人講一陣要着厚褸 + 披肩 + 冷帽   我今時唔同往日喇   內置暖爐失效   有時我對手仲凍過里奧大人㗎 ~

一落街就覺得好凍呀

個地下濕哂

無人行㗎   真係第 1 次見   不過咁早   無人都唔出奇   哈哈

@ Ikari Coffee

里奧大人買早餐   因為我唔想郁呀

熱辣辣咖啡

我同里奧大人講話睇唔到啲餡喎

現烤培根鮪魚三明治 (NT$95/餐) - 啲餡多到呢

怡客經典三明治 (NT$150/餐) - 麵包好 Soft   餡料又多   超級好味道

食完都只係 8 點   可以番酒店抖陣 ~

今日就拎埋支水出去喇

我哋係第 1 隊呀   見到師傅即打招呼啦   之後佢問我哋係咪由香港來   哈哈哈哈   香港人嘅普通話嘛   之後再話里奧大人講得算好   起碼佢聽得明   唔駛好認真聽   佢話有啲人講嘅真係聽唔明㗎 ~

感恩我都聽到佢 5 成嘅普通話   仍都可以對話   雖然我普通話唔正宗   但起碼我唔會將個音歪啲 就當普通話   哈哈 ~

不過我聽唔明又無反應㗎   所以師傅即會同里奧大人講話   你老婆唔明我講咩呀   哈哈 ~

睇個天色   應該落長命雨了

開始旅程喇

經過承恩門

仍都經過台北車站

落車接客又唔講聲

師傅唔開水潑   比我就一定開啦   睇得清楚啲嘛

上年住嘅 Relax 5

咁咪清楚啲囉   哈哈

其實我鍾意跟 Local Tour   因為真係會知道好多當地嘅文化   有時仲會知道更多嘢添 ~

咁我哋話好奇怪   點解仲係有咁多電單車   師傅話台北有 2,300 萬人口   但就有 1,600 萬部電單車 ~

之後又講開食   師傅話台灣人唔怕比大大份妳試食   只係最怕妳浪費   咁又好喎   有時唔係貪大件   而係香港啲試食實在太細件   根本食唔到啲咩味囉 ~

台北新年真係好少人   師傅話好多台南人過來台北打工   所以一到新年   個個番哂台南過新年呢   怪不得啦 ~

上高速

我真係好想問佢   睇得清楚嗎 ?!

天雨路滑

如果唔落雨   個景應該好靚

好大浪呀

未停過雨呀

差唔多到野柳公園

呢度又係好大浪呀

行入去喇

里奧大人成日話件褸跣水   落雨都唔怕喎

人造的俏皮公主頭

簡介

人造的女王頭

簡介

我其實都驚咁大浪

呢度好多人頭

大風大雨

真係好大浪   講真   第一時間令我諗起海嘯 ~

一浪接一浪

我企喺度睇都腳軟

啲石頭係幾特別嘅

保護相機緊要啲   哈哈

遮都反埋   但都唔理

                                  

風平浪唔靜

我一定唔會步出步道以外的   哈哈

呢個係天然嘅公主頭   師傅話過多幾年   啲石會比風吹蝕   條頸會越來越幼㗎喇

漂喺海嘅獅子頭

我企喺度拍 Video

無諗過之後有個大浪湧埋嚟   我一路叫一路走呀   好在無濕到咋

集合前一定要去洗手間

幾搞鬼喎   女王御用即係女廁啦

男廁

里奧大人一定會 Fing 乾把遮

行呢度好似好危險咁   哈哈

唔同形狀嘅石塊

有欄杆係安全啲

公仔好得意

應該影啲無我企喺度嘅公仔   哈哈   因為趕住去集合   每樣影 1 張咋   好在無濛

開始多人喇

全票 180 元   但我同里奧大人就經 Klook 訂票的

@ 野柳地質公園

呢度都有好多海鮮店

我哋坐呢架車

我越嚟越凍   好在夠衫

黑色嘅隧道

陰陽海   啡色其實係硫磺水

今日落雨又大霧   乜都睇唔到了

師傅好搞笑   見里奧大人拎相機出來影相   之後叫里奧大人幫佢用大機影相再 Send 比佢   佢睇完張相勁開心   係咁話好靚 ~

里奧大人話因為佢帥啫   所以先影得靚   之後佢話里奧大人最大缺點係好老實   哈哈哈哈 ~

師傅就係企喺度影張相   我覺得好搞笑   第 1 次有師傅咁要求

睇唔清楚嘅陰陽海

師傅話之前有班客人   後生仔來的   話行到最出嘅位置影相   其實一跣腳就玩完   堅唔明啲人咩心態   命唔緊要得過影張相 ?!

@ 黃金瀑布

周圍環境

啡黃色係硫磺水   有毒㗎

3 個字: 快啲走   哈哈哈哈   呢個景點真係呢

全部都係呢款車   應該係同一個 Tour 了

咁挑釁嘅

去完睇瀑布就去九份   師傅又問里奧大人部相機駛唔駛廿萬台幣 ?!   咁里奧大人答唔駛咁貴   同埋依家呢部唔係新機   所以唔知依家嘅相機係咩價 lu ~

師傅又介紹九份來源   好似話以前得 9 家人   所以佢地買嘢買 9 份   買埋比鄰居   所以呢個地方叫九份 ~

師傅係口水佬   我覺得佢應該怕眼瞓囉   咁我都體諒嘅   我哋可以上車即瞓   但佢唔可以嘛 ~

第 1 次行呢橋樓梯上九份   哈哈

當下唔知鏡頭濛查查㗎   係 Load 相先知

影到幾有氣氛   哈哈

開始行入老街

里奧大人呢日講得最多係戴帽戴帽戴帽

呢間食店環境都 OK   所以就入去食嘢喇

里奧大人去買嘢食

得 5 樣食物   咁就好喇    哈哈

自助調味吧   好乾淨

頂帽都濕哂

九份風味煮 (NT$90) - 都幾好味

小籠湯包 (NT$80) - 里奧大人話好味道   咁就得喇   最緊要佢鍾意食

都好多湯汁

有 2 隻眼呀   我覺得好似隻貓

@ 九份風味煮

今次行得好舒服   哈哈   因為上次嚟呢   滿街係人㗎

好乖嘅狗狗

雖然去過幾次九份   但今次感受特別唔同   因為無咩舖頭開呢

不要為失敗找籍口   要為成功找方法

人來人往嘅地方   真係好怕有電單車駛過

里奧大人鍾意食花生捲+冰淇淋

小心翼翼

里奧大人影完呢張就諗住食啦

但老闆好熱情   拎隻大碟出嚟比佢影   哈哈

係都要我拎住嚟影相呀   好搞笑

次次叫食店嘅女仕一齊影相   佢哋第一時間都會話自己好醜   唔影相   但我哋話不是啦   佢哋就會一齊影   因為影相留念好開心呢

開始溶緊啦   哈哈   不過我食咗 2 啖都比里奧大人食喇   因為我已經好凍   唔想再食凍嘢

@ 阿珠雪在燒

又睇下有咩嘢買

好多嘢想買   但唔想拎   哈哈

最後只係買咗包糖蔥餅 (NT$80)

呢張相好搞笑

喺九份食嘢   我最怕係地下濕濕立立   但我要接受呢個事實   因為九份成日落雨呢   哈哈

上次食熱湯嘅芋圓   感覺無咁煙韌   所以今次點凍都要食凍嘅甜湯呀

@ 賴阿婆芋圓

我覺得賴阿婆芋圓仲好味囉

啲雨都開始密喇   所以要開遮

叮噹

大霧到呢

又大霧又大雨   再加埋除夕   無咩人嚟九份   所以第一次行九份會覺得咁舒服   哈哈

我同里奧大人講話唔上去呀   上次上過去都無嘢睇

影完呢張相   無啦啦好頭暈   好在無碌落樓梯

頭先唔飽   所以仍然好想食嘢

台灣腸好味   但其實好鬼多肥膏

支付寶實在太方便   但真係好容易駛多咗錢囉

好得意呀   不過我唔會買   因為唔想食咁多糖

其實我都想着雨褸   但上車好唔方便囉   唔想整到架車濕哂

車來車往

落去集合地點

呢個車牌正喎   哈哈

大巴後面會有 "煞車注意" 顯示   咁又唔錯喎

呢日未完㗎 ^^