勁呀 今朝 3 點半起身沖涼 熄埋哂所有制 搞掂哂就 4 點 15 分出門口了 ~
感恩車程暢順 4 點 40 分到機場喇 ~
呢個時間無咩人到機場
其實我都係第一次咁早到機場
連人帶喼碌落去
無人又幾好喎 點影都得
等等等
辦理網上登機真係好方便 記得嘅話 哈哈
里奧大人影定有咩餐廳開咗 之後番來向我滙報
好有新年氣氛呀
等到 5 點半先開 Counter 排我哋後面個女仔都話 7 點 10 分上機喎 咁遲開 Counter 嘅 ?!
負責幫我哋嘅職員 超級好禮貌呀
我個喼只係 13.3 Kgs 因為我話要留番啲位比我擺新衫呢
呢個係裝埋啲叉電器 所以有 14.1 Kgs 其實依家唔會買書 所以肯定唔會 Overweight 呢
其實我之前知道咁早起身 就話唔會食早餐 但尋晚同里奧大人講話都係想去食早餐 之後佢話都知道我都係會食㗎喇 話我覺得喺機場食早餐係好 Relax 哈哈 去玩喎 心情實好呢 ~
我見到黑椒雞扒飯覺得好好奇 原來依家連早餐都有飯食呀 哈哈
我出場喇
企得幾穩陣
我飲奶茶咖啡一定要少奶 如果唔係呢 我會反胃 里奧大人已經講咗 但無少到奶囉
里奧大人作哂反 又食出前一丁 心急到食第一啖就差啲哽親 嚇死我
諗住影多張黑椒雞扒飯 點知原來轉咗早餐 Set 再睇番張相 原來頭先係宵夜 Set 嚟㗎
離境喇 開心開心 第一次用自助檢查登機証
每去機場一次都要影一張 但好多時都未開舖 哈哈
我要幫家姐買呢支 XO 之前講明話要資料清楚㗎 如果唔係就唔買㗎喇 因為我唔飲 唔知咩叫做平 咩叫做貴嘛
@ 6 點半
Starbucks 都係啱啱開閘
我影緊條街㗎
好多人已經排隊等上機了
終於登機
今次搭 CX 因為來回嘅時間係最好 雖然係早咗啲出發 哈哈
6 點 52 分上機 扣好安全帶 再影幾張相 我都瞓鬼咗喇 哈哈 ~
相機都未瞓醒 哈哈哈哈
影完呢張相 之後瞓着 lu
一醒再望個手機 仲以為飛緊啦 但原來仲未起飛 ~
再望手機 原來已經 7 點 40 分囉 最後係 7 點 45 分先起飛 (原定時間係 7 點 10 分) 怪不得 CX Counter 啲職員可以 5 點半先到 Counter 啦 ~
好在頭先上機都瞓咗咋 起飛就精神哂 哈哈 ~
開始曬了
我覺得個窗口 好似隻耳仔
望住藍天白雲 真係勁舒服
望完雲又再睇下行程 呢本天書係上年買㗎 所以唔買新 lu
之後越來越曬 我都唔望出去喇
其實我覺得坐個幾鐘頭飛機都有小食 真係唔錯㗎喇
個 Pastry 勁難食 雖然係熱辣辣 但口感好似未熟嘅麵包咁囉
好嘢 就來到台北了
雖然見到海 但飛來飛去都未到機場 哈哈
差唔多到喇啩
細細粒車 真係好得意
9 點安全降落
用來驗眼 哈哈哈哈
9:02am 先係真正到目的地時間 比原定時間遲咗好多啦
全城防範非洲豬瘟
朝早 9 點幾到台北 真係覺得好早 哈哈
即刻去 Check-in 喇 都排咗半個鐘頭 但起碼條人龍會郁 所以唔覺得好耐 無諗過咁早都咁多人呀 ~
咁樣睇仲以為無咩人添
左邊好少人 因為係 For 本地居民
呢個係咩來 ?!
估唔到咁多人同我一樣咁早起身 哈哈
Baggage Claim 4
開始好興奮喇 哈哈哈哈
我要去洗手間 所以里奧大人負責拎行李 話咁快就 10:08am 了
搞掂哂就去搭車
20 度應該好舒服
非洲豬瘟嘅影響真係好大
去 Klook Counter 拎電話卡 要自己換卡嘅 因為唔駛 Set 嘢 所以 10 點 15 分都搞掂哂 lu ~
@ Klook Counter
今次唔同咗地方落機 咁里奧大人就問個職員點樣搭捷運 ?! 職員超勁好人 帶埋我哋點樣行 ~
經過 1819 服務台 我話搭 1819 去台北車站仲方便呀 ~
感恩啱啱有車 上埋我哋都即開走喇 ~
10 點 35 分開車 11 點 20 分落車 都算快呀 同埋方便 唔駛拎住行李上上落落 ~
@ 1819 Counter
NT$115 一張車票去台北車站
初初諗住影 1 張 但因為反哂光 我都唔知自己影咗咩 所以又再影多張
好彩真係影多張 影埋車牌號碼
我問里奧大人係咪今年先開始派行李證 ?! 佢話不嬲都有㗎 因為我無拎過行李上車嘛
大家都好攰呀
坐位都舒服 今班車無咩人坐 隔離可以擺袋
我見有電視睇 所以我明明坐里奧大人隔離 都改為坐佢後面
約 11 點 20 分落車
時間咁早 咁食埋 Lunch 先去酒店 ~
因為拎住行李落樓梯 我等里奧大人幫我拎啦 因為真係好重 我真係無力 咁個台灣男人好好人呀 問咗我 2 次要唔要幫手拎喼落樓梯 不過我話唔駛喇 ~
一落車就感覺好熱 哈哈
估唔到連花都有
Berry 呀 所以即影比家姐 哈哈
我見到個炸金菇吸引 所以入去食
@ 大心
份量都多呀 湯底酸酸辣辣好味道 泰式奶又好飲 呢餐超級有驚喜 因為真係正宗泰國味道呀 哈哈 最開心係里奧大人都鍾意食呢
第 1 次見個春字倒轉 多數係福字先會咁
蝦醬雞翅 (NT$70) - 我話食唔哂個麵 所以叫個小食 呢個炸雞翼都好味道呀
呢餐約 HK$105 真係好抵食
仲有黑火山霜淇淋 食完就夠哂飽
其實頭先我拎嘅時候 都好驚自己唔記得拎 因為我本身無嘢拎嘛 所以唔會特登記住 最終真係漏咗 ~
我同里奧大人話即刻去番 1819 站問問有關職員 咁我已經開定手機張相 因為之前影咗相嘛 咁一去到見到架巴士 即睇車牌 我同里奧大人講話頭先係坐呢架車呀 之後同司機講話頭先漏咗個袋 佢都即點頭 等埋啲乘客上哂車 佢再上車拎番個袋比我哋呀 真係遲 1 分鐘都唔會見番呢架巴士㗎 因為佢拎完袋比我哋 都即刻開車走喇 當中真係感受到神嘅保守帶領 ~
經此一役 影到公車嘅車牌號碼都好緊要呢 原來里奧大人都有影到
再睇番相 我真係拎住個黑色環保袋 不過一轉位就唔記得拎囉 唉
行完一大段路 又緊張喎 所以覺得更加熱 要放番件厚褸入喼啦 影埋呢隻豬豬就去酒店喇
隻豬個樣好似好慘咁嘅 哈哈
尋日睇天氣又話得 10 度 嚇到我即刻話要帶埋厚褸
再睇另一個台北天氣 又話得 15 度 真係信佢一成 流汗唔停呀
1 點左右行到去西門町捷運站 拖喼上上落落搭扶手電梯真係唔方便 咁我又驚驚青青 所以次次都跟住里奧大人後面 睇佢點樣做囉 ~
我話去 7 仔買 M & M's 所以叫里奧大人喺度等我 佢肯定無無聊聊影相等我 哈哈
第一時間去增值悠遊卡 咁樣搭車方便好多 唔駛成日袋住啲散銀
每張增值 NT$500
台北坐捷運真係好方便
貼到實一實
月台好大 真係好羨慕呀
到西門站了
酒店係 3 號出口
1 點 15 分到酒店 感恩職員話我哋間房啱啱有人打掃 咁即係可以 Check-in 啦 之前話 3 點先有房㗎 ~
@ Cityinn Hotel Plus
就咁睇啲圖案 好似細路仔玩嘅地方咁 哈哈
酒店有機場接駁巴士服務 又唔錯喎
我鍾意酒店嘅裝潢
唔知有無人買呢盞燈番屋企呢 ?!
電梯有天氣預測告示 好體貼喎
一開櫃桶就見到 2 包薯片 我即問里奧大人係咪 Free 㗎 ?! 佢話 "好似係" 因為頭先聽到職員話有啲咩有啲咩比我哋咁喎
我同里奧大人講話首先要去食店 Book 位 之後再周圍行 ~
今次嚟台北勁想買衫 所以一有舖頭就會入去睇下 感恩買到件褸 NT$1,450 我叫佢減到 $1,400 其實我應該叫佢減到 $1,300 嘛 哈哈 ~
因為想再周圍行陣 所以我哋比咗錢先 叫佢幫我 Keep 住 我哋今晚先再嚟拎 ~
行咗無耐就見到老虎堂 即買杯珍珠奶茶 因為唔駛排隊嘛 之前啲人成日話要排個幾鐘 我一定唔會排囉 ~
用最期待嘅心情去飲啦 但勁唔好飲囉 珍珠腍嘅 又無黑糖味道 名過於實 我個人認為珍煮丹好飲過佢囉 不過我又唔會特登去番台北車站嗰間 因為要行好遠好遠 哈哈 ~
@ 老虎堂
幾多卡對我嚟講係無意思 始終我唔係成日飲 同埋我真係唔鍾意食咩都要計計計 咁當然年紀越大 真係唔可以食咁 Heavy 嘅嘢 但一次半次 真係可以接受囉
Smile Bike
老虎堂波霸鮮奶 我唔記得幾錢添
影多幾張 幾乎全白色了 哈哈哈哈
我去旅行真係會狂食狂飲 不過我就知道一定會行好多路先會咁呢 反而里奧大人就會話唔緊要啦 又唔係成日係咁 家姐又一定 Whatsapp 叫我食多啲嘢 唔好怕肥 哈哈 ~
Book 好哂位 里奧大人話試下楊桃冰 咁我話一陣順便拎埋件褸 唔駛心掛掛 反正都喺酒店附近搭車 ~
楊桃冰 (NT$45)
醃過嘅楊桃 有酸有甜又有鹹嘅味道 好多層次呀
@ 成都楊桃冰
我就影埋左手面隻豬 係咪豬來㗎 ?!
真人來的 真係睇見都熱
無咩人嘅西門町 我超級喜歡呀
里奧大人最鍾意嘅北回木瓜牛奶
呢日未完㗎 ^^
沒有留言:
發佈留言