住家飯 @ 家姐屋企 ( 3-JUL-2019 )

墨魚滑釀尖椒 - 工人煎嘢真係好有心機

新鮮泥猛 - 好味呀   本來有蝦   但姐夫漏咗喺魚檔唔記得拎呀

煎盲曹 - 細個成日食煎鹹魚   蘸喼汁好好味㗎

節瓜蝦米粉絲 - 我同家姐都好怕食蝦米   今晚仲有青紅蘿蔔豬骨湯   好耐無飲老火湯喇   

啲橙好甜呀

( 3-JUL-2019  WED )

雖然尋晚早瞓   但今朝起身都有啲攰   原來每月一到 ~

里奧大人今日要番學   所以陪我食早餐 ~

菇場忙呀   又要做長命 Report ~

Lunch Time 出去行陣   之後買牛筋丸河番菇場食 ~

食完好眼瞓喎   但我今日又無熱到出汗   所以應該係味精影響了   但之前食都無問題㗎喎   等我再試多次先 ~

仍然做長命 Report   不過做到一半都要抖下   對眼好鬼攰   咁就溫習下啦   唔好浪費時間 ~

里奧大人約咗媚媚同車匙食晚飯   所以我都去家姐屋企食飯喇 ~

放工即走   不過今晚有啲塞車   6 點幾先到呀 ~

一入屋   Berry 就撲過來   真係好大力   撲到我好痛呀 ~

買比家姐食   我唔多舒服咋   唔係好想一齊食   哈哈  

佢當我同伴   我一坐低就拎玩具比我同佢玩   玩咪玩囉   仲咬埋我添   嗚嗚

個樣好奸

有好嘢食喇

有肥豬手食呀   正

無啦啦又咬番我   仲諗住唔會再有呢個情況發生添

我出絕招   就係話 "食嘢"   佢就會企定定望住我㗎喇

食完又無啦啦瞓喺度   不過唔夠 10 秒又彈起身 

原來咬緊個 Cushion 呀

又嚟瞓   佢真係顛顛哋咁   哈哈

咬住唔放

好好味咁

對腳撐到 "行" 哂

成隻坐埋嚟   又唔知自己幾咁重喎

係咁抓嘢同咬嘢   我對腳都比佢撐到就嚟跌落梳化

咬爛梳化   又要訂梳化套了 

打完佢就咬波波

又咬下自己條尾

應該有啲攰喇

家姐 7 點幾番到嚟   可以開飯喇 ~

食埋生果就 Hea 喇   難得食飽唔駛洗碗   哈哈 ~

家姐就黐啦   成日叫 Berry 姐 "OCOC"   成晚講咗九萬次 "OCOC"   又問工人 Berry 有無 "OC"   因為 Berry 姐喺露台 O 嘛   仲要一望佢  佢就唔 O 㗎喇   好搞笑   之後工人又係咁叫 Berry "OCOC"   哈哈 ~

Berry 真係男仔來   不停咁走不停咁跳   我叫佢做 Berry 哥   家姐話應該係 Berry Dee   之後就話叫佢做 "啤 Dee"   哈哈哈哈 ~

9 點幾走喇   家姐又比 2 條廁紙比我   我話都估到佢比我   因為我之前問佢價錢   佢知我要買   點知佢快買過我   不過我話其實屋企都有 2 條   但佢話佢屋企有 6 條   預咗比我呢 ~

出門口啦   但 Berry 姐係都黐住家姐   我話應該想出街啦   之後工人同佢出街行下 ~

開車無耐又見到工人同 Berry   家姐叫咗 Berry 一聲   點知 Berry 好驚   都唔知有咩好驚   哈哈 ~

家姐一抱佢   佢就會咁樣   勁得意呀   好似好嗲咁   但佢唔肯咁比我抱囉   仲叫添呀   令我好傷心

家姐話 Berry 應該唔係驚我   因為無吠我   之前姐夫朋友一入屋就吠   仲吠足成個鐘添呀 ~

番到屋企即沖涼   里奧大人 10 點幾先番到嚟 ~

家姐比我嘅   我問佢係咪鍾意食 ?!   佢話唔係   只係想買   女人係咪真係咁鍾意買嘢㗎 ?!

我溫咗 1 頁紙咁大把   之後 11 點都瞓覺喇 ~