冬菇花膠燜掌翼 - 糟糟叫工人整一盒比佢 所以我哋又唔駛諗食咩餸
南乳蓮藕燜豬手 - 又係糟糟叫工人整㗎 佢哋成家都好鍾意食 我就只想食蓮藕
印尼炸雞 工人醃得好入味 唔好睇佢白雪雪 但好有燒雞味道呀 我問佢落啲咩醃料 ?! 佢話喺佢屋企蒸定啲唔知咩 所以講唔到比我知係咩嘢喎
呢個醬又係好味道呀 係工人媽咪整嘅辣椒醬
皮蛋鹹蛋莧菜 - 好耐無食莧菜喇
蒜蓉炒勝瓜 - 我唔識炒菜 所以我鍾意食佢哋整嘅炒瓜菜 無出面街咁油嘛
粉葛湯 - 我番到屋企之後 家姐問我係咪唔鍾意飲 ?! 我話飲咗 2 碗喎 佢好搞笑 成日驚我唔鍾意啲餸 我話有得食唔駛煮 就咩都鍾意啦
大芒果 - 好甜呀
( 7-JUL-2019 SUN )
今朝 9 點半起身 沖埋涼就去食早餐 ~
今日有事奉 所以要早啲番教會預備 ~
依家嘅社會氣氛真係令人沮喪 感恩今朝聽道嘅時候 令我有所領會 我相信神係行公義的 ~
崇拜完畢就要開短宣預備會 差唔多 2 點就散會 ~
番到屋企 里奧大人瞓陣先 我就溫習 3 點就去食下午茶 我想飲凍咖啡 ~
家姐 4 點半嚟接我哋 因為家姐前工人今個月番印尼做少奶奶喇 應該唔會再番嚟香港 所以佢之前叫家姐約埋我哋 想煮餐飯比我哋一齊食呀 ~
呢個工人對家姐都好好 成日會整啲印尼辣椒醬比家姐 咁家姐都當佢妹咁添啦 買咩都預埋佢 成日有聯絡㗎 所以家姐都唔捨得佢 哈哈 ~
Berry 見到里奧大人就吠佢 之後就喱埋落梳化底 不過無耐又唔驚里奧大人 lu 又係咁舔佢隻手同腳 哈哈 ~
Berry 生咗啲頭髮喺頭頂 哈哈哈哈
仲扎埋頭髮添 哈哈哈哈
扮乖
坐定定咪好囉
個樣真係十級古惑
里奧大人話 Berry 唔肥 因為佢有過度活躍症 成日唔停咁行來行去 ~
因為工人要 8 點走 所以 6 點半左右開飯 lu ~
家姐工人 7 點番到嚟 其實啲餸都預埋佢 家姐話等佢唔駛出去食 慳番一餐飯錢 ~
呢碟辣椒魚 係隔離屋嘅工人整比家姐工人食 真係好有印尼味道 哈哈
不過佢又話未餓 話同 Berry 姐出去行 好似行咗 20 分鐘 Berry 姐一定要放電 唔係會發顛㗎 ~
差唔多 8 點 45 分都走喇 依家 Berry 太大隻 如果唔係佢可以一齊送我番屋企 我可以摸多佢一陣嘛 哈哈 ~
番到屋企就大清潔廁所 沖埋涼再開機洗衫 抖陣又溫習 差唔多 11 點半都瞓覺 lu ~
沒有留言:
發佈留言