打邊爐 @ MIMI 屋企 ( 9-DEC-2019 )

開餐喇

蜆 / 桶蠔 / 水魷魚 - 桶蠔好大隻呀   食得好滿足 

脆鯇腩 - 呢度 $55 又抵喎   如果牛下有得買就好啦

餃子 / 雲吞 / 魚皮餃 - 好味道   雖然成日都食   但一齊食真係好開心   哈哈

我哋無食到旺菜呀   因為大家都已經好飽也

泡菜金菇豆腐湯底   阿 mi 幾乎每撈一次蜆   都會問點解有啲未熟   起碼講咗 7- 8 次   之後佢唔敢再講了   嘩哈哈哈

杯邊有黑色   哈哈   因為我好懶   成個墨汁墨魚滑直接倒落個碗度   嘻嘻   右邊係辣椒豉油加沙嗲醬   味道濃好多呀

( 9-DEC-2019  MON )

尋得勁差   應該飲咗可樂囉 ~

10 點自然醒   沖埋涼就出發食早餐喇 ~

今日特登請一日 A/L   諗住約埋阿 mi 去行城門水塘   之後再 Join 阿喂食晚飯   咁我一心以為唔行山   因為又無拎定行山杖   到我話着裙   里奧大人話行山唔好着裙   我愕咗然啦   不過去到荃灣都可能 1 點   里奧大人話唔行山喇   同埋我尋晚瞓得勁差   驚我行行下會瓜咗 ~

其實 Shopping 咪同行山一樣   都係行行行之嘛   衰奧同衰 mi 話我喺群組講行山就無咩反應   衰 mi 就話我行山就話慢慢行   衰奧就話講 Shopping   即刻去荃灣嘅動力由 70 提升到 150   哈哈哈哈 ~

咁決定咗去荃灣 Shopping   所以即同阿 mi 講啦   佢話陪我哋一齊行呀   開心開心 ~

搭小巴入荃灣   我地 12 點 40 分左右到   阿 mi 12 點 50 分左右都到咗喇   可以一齊買買買喇 ~ 

荃灣一定由地膽帶路   其實好多地方佢都帶過我哋行   不過我唔記得商場係咩名   成日掛住傾   真係無記住商場名㗎 ~

首先行千色滙   里奧大人試裇衫時   阿 mi 陪我睇頸鍊   里奧大人最後買咗 2 件裇衫 + 1 件風褸   加埋好似 $517   勁抵呀   我都好開心買咗 2 條頸鍊 + 1 條手鍊 + 1 隻戒指加埋 $156   又係抵   我想買呢啲飾物好耐㗎喇   今次一次過買哂真係好開心呢 ~

再去千色店睇下嘢   諗住買玫瑰鍋   但阿 mi 話同我哋去 AEON 睇下先   可能平啲都未定㗎 ~

行到 2 點 10 分去到波士餐廳要等位   里奧大人頭先去咗睇電話   咁原來 2 點半先下午茶   咁我地覺得午餐唔吸引   所以去番搵里奧大人一齊行多陣   之後又買咗盒 Body Cream   見差唔多時間就去番波士餐廳喇 ~

冰波奶茶 (+$15) - 我唔知加 $15   咁叫咗費事改啦   所以里奧大人唔飲冰波咖啡   轉飲凍檸茶   哈哈    阿 mi 要熱咖啡少奶   呢杯係阿 mi 所講嘅回魂咖啡   佢飲完一啖再做個動作好搞笑   零舍誇張   哈哈

脆炸雞脾件薯條 ($44) - 薯條好味呀   阿 mi 要食多啲炸脾   因為佢無得食意粉

特式豬扒包 ($36) - 連里奧大人無要求   都頂唔順啲醬放成咁   就來跌哂落碟邊呀   但其實整體都好味道   係賣相衰啲   哈哈 

加陪芝士肉醬腸仔意粉 ($48) - 阿 mi 話肉醬係牛肉   我話我要問下先   哈哈   之後職員話係牛肉   真係唔好意思   里奧大人叫咗呢個餐   佢無得食   我成日同里奧大人講話出面食嘅肉醬係豬肉   因為牛肉貴   所以入哂腦   最衰我啦   哈哈

食到 3 點幾又出發去先施喇   今日行程好唔錯   行完食   食完又行   哈哈哈哈 ~

里奧大人買咗對優閒鞋   特價好似接近 $800   原價接近 ($2,100)   咁呢個價錢就一定唔會買㗎喇   估唔到仲有 20 個印花   所以換咗 2 隻保溫杯 ($99/隻) ~

買完去 AEON 買玫瑰鍋   但無做喇   所以再去番千色店買咗 2 個玫瑰鍋   大 ($499) + 細 ($399)   估唔到有 18 個印花   最正係我哋用唔到   都可以比阿 mi 嘛   唔想嘥咗去呢 ~

今日好在阿 mi 一齊買嘢   幾乎佢陪里奧大人多過我   又比埋意見   又陪里奧大人去比錢   哈哈哈哈   因為我掛住睇自己嘢啊 ~

買哂要買嘅嘢就去買晚餐   我同里奧大人就諗住買速食   咁阿 mi 就唔駛咁辛苦   但阿喂唔想   哈哈哈哈   想打邊爐喎   咁即去街市買火鍋料啦 ~

阿 mi 叫里奧大人拎哂所有嘢去廣場出面坐住等我哋   我哋就去街市買嘢 ~

本來阿 mi 叫我一齊坐㗎   不過我話唔駛啦   咁我想買獨子蒜嘛   同埋我都一定要幫手拎嘢啦   雖然佢都唔會比我拎   但都唔可以得佢一個人去買去拎囉 ~

買完再去買辣椒醬   阿 mi 係都要送比我   之後我順便買埋忘不了   但我成日差啲想講甜不辣   哈哈 ~

最後去 AEON 買泡菜就番屋企喇   感恩阿喂就我哋   所以早咗放工   好似差唔多 6 點 15 分番到屋企   仲早番過我哋   哈哈 ~

咁阿 mi 同我都即入廚房預備喇   里奧大人就比阿喂睇買咗啲咩 ~

平時去阿 mi 屋企多數食完嘢   入廚房傾下密偈再預備晚餐   但今次無時間呀   哈哈哈哈   但阿喂就一樣成日入來搞搞震 ~

7 點半開餐   食下傾下   我今晚真係特別開心   因為大家都好放鬆   想講咩就講咩   唔駛就住就住 ~

食到接近 10 點   之後陪阿 mi 洗碗   佢最搞笑話打完邊爐   好想食番啲甜嘢   咁又係喎   平時佢一定整番啲甜品   一係食生果   今日實在太即興喇   好多嘢都諗唔切   哈哈 ~

阿 mi 送咗樽辣椒醬比我呀   又比炒好咗嘅薏米赤小豆   阿喂又比咗樽勁嘢按摩藥膏同埋念慈奄比我   今晚我都大豐收呀 ~

10 點走人   入房拎袋   阿喂問我做咩佢個背囊出嚟呀 ?!   哈哈哈哈   笑死我呀   我以為係里奧大人㗎 ~

打的番屋企   沖埋涼就抖陣  ~

好大樽辣椒醬   我哋有排食   呵呵

阿 mi 整好嘅去濕料

2 隻保溫杯 ($99/隻)  

里奧大人 11 點瞓   我就 11 點幾先瞓呀 ~