帶子意粉 + 辣油沙甸魚 ( 15-APR-2020 )

( 15-APR-2020  WED )

感恩尋晚瞓得唔錯   但唔係好   都唔知做咩   呢個幾月都唔係瞓得咁好咁   唉 ~

早餐食吞拿魚治烘底   諗唔到食咩好 ~

菇場唔太忙   可以做下自己嘢 ~

腳仔好柔軟呀   我好似佢咁就好喇   哈哈

Lunch Time 出去行陣   去養和堂買 2 支雞骨草   咁今晚可以比 1 支家姐   之後再買埋燒賣腸粉就番菇場喇 ~

仍然唔太忙   4 點可以即時走人 ~

番到屋企即刻整沙律比家姐   約好 5 點 50 分交收   因為佢依家 WFH   但都要 5 點半先走得 ~

最搞笑今朝問佢幾點可以嚟拎沙律 ?!   佢話隨時都得   不過我話最快要 5 點   佢話無問題   之後無耐就打比我   話佢其實 WFH 唔係 Off 喎   所以其實 5 點半先放工   笑死我呀   今朝我哋講到真係以為係放緊假咁呀    哈哈哈哈 ~

差唔多 3 個星期無見家姐喇   所以今次都特登整沙律比佢   可以見下佢   又順便比埋啲零食比佢喺屋企食   我無得 WFH   其實唔係咁明白 WFH 心情   哈哈 ~

差唔多 6 點幾都走喇   我要預備晚餐呢 ~

唔經唔覺都煮咗 11 餐   真係結婚初期都無咁勤力呀   哈哈   依家里奧大人最爽啦   WFH 同 Off 都喺屋企食   我買定哂麵包同燒賣餃子比佢㗎   佢都慳番唔少   呵呵   但其實唔出街都好   可以慳番一個口罩 ~

是日晚餐 - 帶子意粉 + 辣油沙甸魚

帶子意粉 - 第 1 次咁煮   所以都有啲緊張   帶子已用鹽醃 20 分鐘再用廚房紙係咁索   但一路煮一路出水   煩死   最後再用廚房紙索哂啲水   咁先易煎啲   但唔金黃色囉   其實應該最後加啲燒汁   咁應該好味好多呢 ~

辣油沙甸魚 - 無咗個包裝   都睇唔到 Expiry Date   所以都係食埋去喇    印象中都買咗好耐下   哈哈 ~

洗埋碗就大清潔廁所   之後沖涼休息 ~

$18/盒   呢期又突然鍾意蠟筆小新   以前買哂佢成 Set 公仔書㗎   所以里奧大人都話我做咩無啦啦又鍾意番佢   哈哈

依家比較懶   咁啱我又淘咗濕紙巾抹地   咁樣就唔駛拖地   但個地下又乾淨   唔錯唔錯 ~

睇多陣電視   今晚 11 點瞓覺 ~