焗鮮竹龍蝦卷拚雜丸 + 焗炸魚柳 + 蒜蓉蒸節瓜 ( 10-NOV-2022 )

好在里奧大人只係食細嗰邊   因為好薄身就肯定熟   同埋佢切開咗   我見到係白色嘅肉呢           

( 10-NOV-2022  THU )

尋晚係咁發夢   最搞笑有個夢係同教友一齊放狗   佢隻狗個名叫 "垃圾"   所以我要記得呢個夢   哈哈 ~

早餐食香濃黑芝麻蛋糕   諗住食 2 件   但食完 1 件之後好似好脹胃咁   所以唔食喇   留番聽朝再食 ~

菇場忙呀   開心開心 ~   

Lunch Time 出去買麥維化餅乾比里奧大人做小食   買下買下買咗 20 包   因為都抵呀   $10/4件咋   走嘅時候聽到有人叫 "喂"   咁我擰轉頭望啦   原來係船頭同阿花   佢地睇我買咩   之後叫我番到公司先比佢哋食   哈哈 ~

無啦啦又好想食炒麵   之前就食到驚   所以里奧大人成日話估我唔到   變化變得咁快   哈哈哈哈 ~

阿花比我㗎   話交換禮物喎   勁搞笑

仍然忙啦   新 System 真係好煩   個個都怨聲載道   根本唔知有咩好過舊 System 囉   仲要呢排個 Wifi 嚴重有問題   成日出出入入好鬼煩啦 ~

放工即走   番到屋企都要預備晚餐了 ~

是日懶餐 - 焗鮮竹龍蝦卷拚雜丸 + 焗炸魚柳 + 蒜蓉蒸節瓜

焗鮮竹龍蝦卷拚雜丸 - 好想清冰格  所以又焗呢啲儲備喇 ~   

焗炸魚柳 - 我食嘅時候原來係未熟   但里奧大人已經食咗半條   我真係有啲頭暈   但佢話係熟哂喎   啲魚肉係散   咁信佢啦   不過我話其實你屋企人有無教過你生肉同熟肉點嘅樣㗎 ?!?!   所以我絕對有理由相信你由細到大係食生嘅肉囉   但話完佢又覺得自己衰   始終都係因為我焗家嘛   我焗耐啲咪好囉   唉 ~

蒜蓉蒸節瓜 - 3 個節瓜蒸起嚟都幾多   下次買 2 個算喇   哈哈 ~ 

洗埋碗就開機洗衫   8 點唔夠就同里奧大人去做運動 ~

好快又過咗 25 分鐘   都消耗咗 100 卡路里   其實勁少   哈哈哈哈 ~

沖涼前就清潔廁所   我同里奧大人講話   我真係有大清潔廁所㗎   之後佢話講其他嘢都唔信   但做清潔就一定信   哈哈   我成日話整理都係我強項   因為屋企同工作枱亂同污糟   真係完全影響心情   就算我去家姐屋企   我都會開佢啲柜桶睇下   如果一亂就會話佢   不過佢又無亂喎   同我之前幫佢擺放嘅位置一樣   呢下我其實最開心   因為佢好珍惜我幫佢做嘅嘢嘛 ~

沖埋涼就睇電視食生果   呢期人參果又甜又多汁呢 ~

又忍唔住買嘢   好在係食得咋   同埋又買埋比家姐   要開心 Share 

 

再睇陣 Youtube 同埋睇咗半個鐘頭聖經   差唔多 10 點 45 分都瞓覺了 ~