豪華六人前 ($1388) x 2
雜錦魚生船 - 同里奧大人兩個食 佢一定唔比我食刺身 我次次都係懶好咁幫佢叫熟嘢 之後快快手叫生嘢 所以今晚攞正牌食生嘢 呵呵
龍之籽 - 我都鍾意食壽司 有飯落肚又唔駛咁飽
黑豚松露蟹子沙律 - 我最鍾意食蟹子沙律呢
炸大蝦天婦羅 - 大愛呀 里奧大人食半件咋 所以比埋我食
北海道蟹肉炒飯 - 無食呀 6人份量真係好多 食剩 2/3 呀 我話比我拎走啦
鐵板海鮮豆腐 - 無咩特別
原條燒鰻魚 - 食咗 2 件 呢啲食得多會好滯㗎
香橙板燒牛肋骨 (6件) - 肉質唔鞋 但好油呀
素菜三放魚湯 - 估唔到係非常熱
今朝 7 點起身 感恩都精神呀 ~
始終尋晚 1 點幾先去瞓 但其實唔眼瞓 上到床都仲係興奮狀態 不過要早起身 所以試下瞓 但我估自己起碼 3 點先瞓着 ~
里奧大人話我成晚扎醒 之後就郁一郁 肯定尋晚玩得好 High 定啦 哈哈 ~
食完早餐就去里奧大人公司幫手 之後就番學喇 今朝要早走 因為要番教會事奉呢 ~
完哂所有事奉都 1 點 45 分 里奧大人原來嚟咗教會接我 所以同工以為佢唔駛番工 又話仲嚟接我真係好好喎 哈哈 ~
咁同 Ivy 一齊去洗手間嘛 佢講咗個非常唔好嘅消息比我知 所以都同佢都傾咗一陣先出洗手間 ~
之後我同同工一路行一路傾 里奧大人就同 Ivy 傾 佢哋話之後再約食飯 但要等里奧大人無咁咳先可以呢 ~
同里奧大人喺附近食 Lunch 食完嘢就約姑奶一齊入去大埔整啲嘢 ~
姑奶未番到屋企 所以去兒生女屋企坐下先 咁啱佢工人都喺屋企 可以開會比我哋 因為兒生女都未番到呀 ~
我咩都叫姑奶試咗先 我話唔好食就唔食 佢話我咁衰㗎 哈哈
呢個零食好味呀
個橙都甜 但我好怕食凍橙 老人家牙齒敏感呀 哈哈
整完都接近 7 點 15 分 本來大埔姑奶一家一齊去食飯 但最後加埋九龍姑奶們同我哋 變咗 12 個人要分 2 部車出去 ~
兒生仔真係好錫我哋 佢講咗兩次叫舅父舅母坐大車舒服啲 真係非常感動 不過呢個兒生仔都好乖㗎 里奧大人幾年前送部 I-pad 比佢工作用 之後話工作唔需要用就比番父父 因為唔想浪費部 I-pad 但父父話送咗比佢就係佢嘛 所以佢成日都話要請我咃食飯 真係約都唔成 反而即興就食到 哈哈 ~
食下傾下都接近 10 點 所以番到屋企都即開機洗衫 之後沖涼喇 ~
同里奧大人再睇半集 "善良的男人" 原來都已經 11 點半 唔怪得咁眼瞓咁啦 哈哈 ~
沒有留言:
發佈留言