燒汁焗雞膇 + 梅菜扣肉 (外賣) + 魚片炒手打烏冬 + 菜心苗 ( 10-MAY-2023 )

 

 ( 10-MAY-2023  WED )

尋晚半夜去咗廁所   但 7 點唔夠又去多次   因為尋晚太夜食咗綠豆沙呀   唉 ~

不過 7 點 20 分都起咗身   不過又唔眼瞓喎   仲有精神嘅感覺添呀 ~

感恩喉嚨唔痛喇   尋日真係好驚㗎 ~

早餐食醬占多士   AEON 買嘅潤軟方包 ($24/8 塊) 真係唔錯   雖然焗咗   但唔會好乾   同埋有啲牛油香味   下次有機會就買 2 Pack   咁唔駛成日買包   哈哈 ~

菇場唔太忙   傾下計   時間好快過 ~

Lunch Time 出去萬寧同大生買嘢   之後再買埋燒賣炒麵就番菇場喇 ~

要做長命 report   不過依家好快就搞掂 ~

放工即走   今晚又焗又煎又炒   所以 7 點先可以開餐呀 ~

是日晚餐 - 燒汁焗雞膇 + 梅菜扣肉 (外賣) + 魚片炒手打烏冬 + 菜心苗

燒汁焗雞膇 - 今晚點都要焗埋嚟食   因為醃咗幾日喇   里奧大人食 1 隻   咁 2 隻比佢帶飯   其他留番聽晚再食 ~

梅菜扣肉 (外賣) - 水姑今日去里奧大人公司附近整嘢   所以買咗盒梅菜扣肉飯比我哋食   之前剩咗 1 碗白飯諗住今晚清哂所有飯   但依家又多盒飯留番聽晚  食極唔完咁  哈哈 ~

魚片炒手打烏冬 - 前晚買   仍都係今晚要煮   但根本無食過   只係比里奧大人帶飯   所以里奧大人話今晚本來想約水姑食晚飯   但我話真係太多嘢要煮嚟食   咁下次先再約佢啦 ~

菜心苗 - 食埋聽晚應該食完   其實依家好鍾意食菜心苗   因為好爽甜呢 ~

加咗兩隻雞膇   咁樣就好似豐富啲啲

洗埋所有嘢都 8 點幾   所以搞掂哂即開機洗衫同沖涼喇 ~

依家里奧大人負責熨衫   堆咗 3 機衫呀   佢話鍾意洗完就熨   唔好等埋一堆   但佢又忙   我又唔多舒服   所以今次一次過熨 3 機衫   我話攰呢   等你知道我以前就係咁做呢 ~

睇陣 Youtube   今晚 11 點唔夠都瞓了 ~