打邊爐 ( 27-MAY-2023 )

蝦滑釀油炸鬼   煎煎下都係想開焗爐焗熱   點知一開預熱焗爐就有啲聲   之後仲出埋煙   嚇到我即刻猛插蘇   其實今次好感恩   因為平時朝早焗麵包   我預熱焗爐就去刷牙   之後先再焗麵包   如果發生喺朝早   咁真係成屋都係煙   到時就大鑊了

蝦滑  - 我特登加啲粟米粒   咁口感就會豐富啲喇

水魷 & 牛柏葉

牛板腱 - 特登去買半磅   不過只食咗一半

韓國廣島蠔 - 之前剩咗 10 粒   我覺得唔夠   所以又再買多包   

 海鮮卷 - 乜都拎啲出嚟

 蟹柳 - 我拎咗 6 條出嚟先   我唔想解凍咗又唔食   之後又放番冰格呀   寧願再食先再拎呢   

韭菜餃 & 鳳城水餃 - 我覺得呢啲叫做飽肚嘢   哈哈

 今次係沙爹湯底   再加粟米

 里奧大人同事請食甜品

其實食完鹹   真係要食番啲甜嘢先得   哈哈

( 27-MAY-2023  SAT )

尋晚瞓得唔係咁好   但今朝 7 點半都起咗身   咁沖完涼都去家姐屋企 lu ~

工人放假   不過佢都好好   話等埋我入屋先再瞓   不過我都係自己開門   咁咪唔駛煩住佢呢 ~

Berry 平時好早已經吠   但今朝我入咗屋先吠   仲係慘叫咁聲 ~

每次拎一袋嘢比家姐   就感覺到好有探親 Feel   哈哈

佢今日唔坐梳化比我影相

又好似好攰咁

扯佢出嚟   哈哈哈哈

個樣幾咁兇神惡殺

出嚟比我摸下啦   

又唔望我   我已經靜靜地咁影妳喇喎

衰得佢

無眼睇   哈哈

家姐 10 點幾番到屋企   今朝佢買早餐番嚟一齊食   開心開心 ~

家姐話呢隻芝士條好味   等我去開 MUJI 就幫佢買   依家好在有得影相   唔係真係唔會記得係咩嘢樣㗎

食完就傾下偈   之後家姐話好攰想入房瞓一陣   我話瞓幾耐都得啦   休息好緊要家嘛   加上又開咗冷氣   咁樣更加想瞓   哈哈哈哈 ~

之後我都喺梳化瞓咗 15 分鐘呀   咁啱家姐都瞓醒   又傾下偈咁啦 ~

難得跳上梳化

咁樣影到好肥呀

咁樣就當堂瘦番   哈哈

之後又全程喺梳化底了

我 1 點左右走喇   家姐同 Berry 送我搭車   好在家姐望到巴士嚟緊咋   因為我掛住同佢講嘢 ~

買埋餸就番屋企   無諗過背脊濕哂   真係唔沖涼唔得咯 ~

里奧大人話買午餐番屋企食   咁就好喇   我可以舒舒服服咁食   哈哈 ~

家姐又買嘢比我   諗住放低一袋   點知又拎一袋番屋企   哈哈

小清潔又整呢樣嗰樣   真係 5 點幾先可以抖下 ~

家姐 6 點左右就到   里奧大人就幫家姐隻手錶做 Setting   但佢 6 點 45 分都要番公司做嘢   咁我同家姐傾住偈等佢啦 ~

家姐次次都會比出門利是比我哋

我 7 點幾都預備喇   里奧大人差唔多 8 點就番到屋企   一埋位就食得   哈哈 ~

因為之前諗唔到食咩   又唔想食 Pizza 同炸雞   咁我話打邊爐啦   家姐話打邊爐爐爐爐爐 ?!   之後諗起我唔洗啲嘢呀   我話依家見妳都健健康康咁   應該無咩問題啦   哈哈 ~

家姐 9 點幾走喇   咁我哋送佢搭車   之後家姐發覺無拎到手錶叉電線   咁我話下次比佢啦 ~

咁里奧大人要去整啲嘢   之後佢無啦啦嚟到巴士站   原來佢番咗屋企拎埋條叉電線比家姐   感恩我哋仲等緊車咋   不過等多 5 分鐘   家姐都有車了 ~

番到屋企即開機洗衫   之後沖涼休息喇 ~

今日滕來滕去都幾點   所以 11 點幾都要瞓 lu ~