泡菜炒年糕 + 焗三文魚柳 + 芝士腸 + 菜心苗 + 蟹捧出前一丁 ( 19-MAY-2023 )

( 19-MAY-2023  FRI )

感恩一覺瞓天光   鬧鐘未響都醒咗 ~

但臨起身前發咗幾個夢   諗住記得哂   但其實只係記到少少咋 ~

又係夢見媽咪同朱朱   媽咪仲話朱朱咬佢所以打佢咀   之後變咗同家姐打邊爐   但唔係家姐嗰樣   我好記得仲話飲杯薏米水清熱   最後就見到姑姐   但唔記得內容係咩 lu ~

早餐都係食提子麥包   懶得諗呀 ~

菇場忙呀   好在 10 點半搞掂   之後要拿拿聲投票喇 ~

Lunch Time 出去行陣   不過好焗熱咁   所以行咗 20 分鐘就買午餐番菇場食喇 ~

7-11 常餐 (咖哩魚蛋烏冬 + 司華力腸 + 柚子蜜)   間唔中食都唔錯   同埋今日唔想食湯粉麵   因為菇場冷氣唔多夠呢

忙下停下   好快放工 ~

番到屋企都係即刻預備晚餐   里奧大人都好快番屋企   佢話想快啲見到我   佢唔衰嘅時候係好嘅   但一衰起上嚟就超級衰   所以我都嬲一陣都算   但就會記住   哈哈哈哈 ~

是日晚餐 - 泡菜炒年糕 + 焗三文魚柳 + 芝士腸 + 菜心苗 + 蟹捧出前一丁        

泡菜炒年糕 - 最主要係想清埋樽泡菜   咁又無醃肉   所以煮年糕喇   勁好味 ~

焗三文魚柳 - 之前喺大生買嘅   但都唔係咁厚身   下次都係唔買 lu ~

芝士腸 - 尋晚無放番入冰格呀   咁解凍咗就食埋去啦 ~

菜心苗 - 今晚唔加蒜蓉喇   其實就咁食都好清甜呢 ~   

蟹捧出前一丁 - 之前打邊爐剩咗 10 條迷你蟹捧   所以一次過煮埋去喇 ~

洗埋碗就抖陣   之後同里奧大人做運動   再去大生換嘢就番屋企喇 ~

日本石橋九州糯麥飯 12x50g

開埋機洗衫就即刻沖涼   最期待呢一刻   哈哈 ~

今晚食芝麻糊   因為襯記得要好食  唔係過期就慘了 ~

我食緊嘅時候   我問里奧大人沖涼未 ?!   佢話沖咗之後又問番我沖咗未 ?!   我話點知妳呀 ?!   佢話我態度唔好   叫我檢討下   我話你態度都唔係好   你自己都要檢討下   仲有我煮緊糖水嘅時候   我點知你做緊咩呀 ?!   痴痴哋線 ~

睇陣 Youtube   終於 11 點前瞓覺喇 ~