至尊 (手藝薄餅) - 食剩 2 塊 聽晚再食
芝士焗薯粒雞皇飯 - 因為比里奧大人帶飯 所以先叫呢個 個賣相唔太好 但其實幾好味喎 可能我加咗黑椒粉 哈哈
辣味世界 (8 隻) (+$39) - 我同里奧大人每人 1 隻 里奧大人再帶 3 隻做餸 最後都係食剩 3 隻
( 18-JUL-2023 TUE )
呢排都係瞓得麻麻哋 半夜成日去廁所 ~
今朝一起身就搞肚痛 之後又暈 最後要抖下先可以刷牙沖涼添呀 勁辛苦 ~
早餐都係食醬占搽英式方包 咁里奧大人話等佢搽麵包嘛 估唔到佢仲會剪埋 即係平時都有聽我講點樣整早餐噃 乖仔 ~
次次搞完肚痛真係成個人無力咁㗎 慢慢行去到巴士站 架巴士差唔多到嘅時候 我又突然搞肚痛呀 要即刻上番屋企呀 所以今朝遲到咗 13 分鐘先番到菇場呢 ~
菇場忙呀 但我狀態不佳 做嘢都慢過人 ~
今日陪家姐覆診 所以下午放假 仲諗住腳唔痛已經好好啦 點知搞肚痛令到我個人仲攰 所以我係慢慢行 我估人哋行 3 步我先行 1 步咁 係快唔到呀 哈哈 ~
去到家姐屋企都即灘上梳化 雖然 Berry 好熱情樸我 但我都係咁易摸下佢 真係無力攬佢呀 ~
我同家姐講話今朝搞肚痛 個人比較攰 再話諗緊如果唔舒服就搭的士嚟 家姐話如果唔舒服 係咪應該搭的士番屋企呀小姐 ?!?!?! 我話請咗假嘛 唔好蝕 咁去醫院又係搭的士 唔會話好辛苦囉 ~
家姐帶 Berry 去街 我都唔去喇 最搞笑 Berry 居然唔想去街 因為呢排工人放假 家姐帶佢出街 佢都唔願行咁㗎 夜晚又望住工人張床 好似等佢番嚟咁 勁得意 ~
依家好難影到佢呀
肥婆仔
鍾意食零食 咁似我哋嘅 哈哈
影埋呢張就逃走了
我每半年會比 Berry 家用比家姐嘅 但因為之前手機嘅相喺張卡度 里奧大人又未幫我過相 咁家姐唔肯比個戶口號碼比我 我過唔到數 咁我就比現金啦 佢真係以為唔比戶口號碼比我 我就比唔到咁 太天真了 ~
咁我靜靜雞放入櫃桶 但都要試下一開係咪會飛出嚟嘛 因為家姐會拎冷氣 Remote Control 咁我再拉櫃桶時 家姐突然出房 佢聽到聲呀 之後佢開哂兩個柜桶睇下放咗咩 仲醒到用手摸下柜桶入面有無嘢呀 好在佢模得唔夠深咋 ~
希望佢星期六唔好又放番入我袋啦 唔係我打算全日揹住個袋 哈哈
之後佢都唔信我㗎 我呃佢話開大啲冷氣 費事妳又話我成日怕熱 家姐話已經開到 20 度喇喎 嗰下其實驚得嚟又想笑 哈哈 ~
唔餓就等到 2 點半先食下午茶 我一入到商場話好凍呀 雙手都凍 家姐都知我唔多舒服 因為我雙手多數只會熱不會凍 所以佢本身想去食元氣 但最後話要我食熱嘢 所以揀咗食越南嘢喇 ~
家姐話全部都要叫牛 因為我個咀唇白哂 ~
順化撈檬 (扎肉+牛丸+牛展) ($62) - 個湯底都辣喎 咁樣就當堂醒胃喇
香茅燒牛肉撈檬 ($52) - 牛肉質地好 Soft 呀 就咁睇個樣好似乾爭爭咁呢
越式炸春卷 (+$24) - 新鮮熱辣好味呀 家姐問我做咩唔包塊生菜 ?! 我話唔係墊底咩 ?! 佢話包生菜食嘛 但我話得 1 塊咋喎 如果有 2 塊都覺得係比妳包住食囉 之後佢又話我講得啱
話梅柑桔 & 鹹檸特飲 - 我話要飲酸嘢呀 家姐初初諗住我會叫咖啡 不過我話呢期成日反胃 所以鍾意酸嘢同有汽嘢
食食下糟糟打嚟 家姐又講番話我唔舒服搭的士嚟 一陣姐夫番嚟又咁講㗎喇 ~
食完就去洗手間啦 咁家姐出去洗手先嘛 佢話好驚以為我暈咗 因為我每次同佢去洗手間 我都好快出去嘛 家姐真係比我搞到精神緊張 哈哈 ~
感恩好快有的士 家姐 4 點覆診 咁我哋早咗半個鐘 但其實當時仲睇緊 3 點嘅症呢 ~
今次都好快覆完診呀 之後交低藥單再去預約 預約完再去番藥房 啱啱你到我哋嘅號碼 感恩感恩 ~
5 點左右可以搭車 家姐去整嘢 我就番屋企 lu ~
里奧大人 5 點半都番咗屋企 咁我話我買晚餐啦 ~
諗住買海南雞飯 因為勁想食酸辣鳳爪 但無哂呀 所以我話轉食 Pizza ~
咁我番屋企沖涼先 叫里奧大人去拎外賣喇 ~
食完都休息 坐喺梳化睇電視 但其實我由 8 點半瞓到 9 點半 ~
之後又睇陣 Youtube 今晚 10 點半都要瞓覺 ~
沒有留言:
發佈留言