泰北美食 @ 九龍城 ( 13-aug-2011 )

牛丸冬蔭功湯河 ( 大辣 ) - 一定要大辣先好食架   但我覺得其實都唔係好辣

蒜蓉炒雜菜 - 出街食雜菜就最好   因為自己唔會整囉

海南雞飯 - 最後先 order   所以等咗好耐先有   d 油飯熱辣辣架   不過呢   已經熱   又等得耐喎   最後都係食咗小小飯   但就食哂 d 雞囉   其實本來想淨 order 半隻海南雞   因為唔想食飯   但佢地話無半隻喎   只可以要海南雞飯   因為無咁多雞喎   咁就唔好寫話有海南雞半隻嘛   真係呢


椰青

( 13-aug-2011 sat )
上星期六仲諗住今個星期六同里奧大人去邊度食早餐   之後去邊度邊度   都唔記得咗自己要番工   果刻真係情緒有 d 低落架 ~
我到依家都係   一見得屋企人多呢   自己一個人就會覺得好唔慣   唉   幾十歲一都係咁 ~
今朝同 8 卦食早餐呀   講明先到先等   但只可以我先到先食   佢唔可以   因為佢食得真係好快好快   好似唔駛咬咁   我個大食表妹又係咁架   食嘢唔咬就咁吞   唔怪得咁肥啦   同埋對胃唔好家嘛   都唔明點解 d 人可以唔咬嘢嘅 ~

老闆 OFF   所以勁 free 呀   不過星期六真係無 mood 做嘢囉 ~
放工番屋企   同里奧大人食 KFC  因為尋晚佢想食   但我話唔好   所以應承今日食補數 ~

唉   見到自己個咀唇成日無厘血色真係好煩   但依家又唔可以睇中醫   又唔補得   所以都係買車厘子   今日百佳 $24.8/磅   勁抵呀   買咗 4 磅慢慢食   番到屋企整好哂嘢又煲 " 賢內助女王 "   差唔多 6 點就出發去九龍城食嘢喇 ~



里奧大人好想食冬蔭功湯粉   所以我話去泰北美食啦   點知間嘢無咩冷氣咁   熱到呢   我食食下   里奧大人叫我抹下塊臉 d 汗   話我成塊臉都冒汗呀   其實我都想叫里奧大人抹額頭 d 汗   因為我都見佢冒汗   不過見佢唔多   又唔多聽佢好熱   所以無叫佢抹   我驚佢話我咁熱之得唔黎食呀 ~
我地一出到門口就大笑啦   出面仲涼過入面   之後里奧大人話只可以秋天同冬天黎食   咁熱黎食會顛   同埋熱到無胃口囉 ~
嘩   真係好怕夏天出街架   特別係等紅綠燈過馬路   因為實有坑渠蓋   我呀   等緊期間會望實 d 坑渠蓋位架   驚有巨強嘛   點知真係有 2 隻巨強呀   我慢動作退後   同埋係咁 " 呀呀呀 "   里奧大人問發生咩事   我話有 2 隻巨強   有個女仔聽到   話係 3 隻   嘩   好恐怖呀 ~  
嘩   依家搭巴士番屋企好方便   所以見到有車就上   見到架熱狗都上啦   幾個站之嘛   同埋出下汗都唔錯丫   之後再去麥記飲杯思樂冰   真係涼透心呀 ~